Pragmatik tahlili

---

IJOBIY BAHO IFODALOVCHI O`ZBEK XALQ MAQOLLARINING 

PRAGMATIK TAHLILI 

Aminova Amira O`lmas qizi 

BuxDU Lingvistika (o`zbek tili) II bosqich magistranti 

Annotatsiya.  Ushbu  maqolada  shaxs  xarakter-xususiyatini  tavsiflovchi  o`zbek 

xalq  maqollarida  ijobiy  bahoning  ifodalanishi  borasidagi  fikrlar  bayon  etilgan. 

Shuningdek, bu turdagi o`zbek xalq maqollarning pragmatik tahlili keltirilgan. 

Kalit  so`zlar:  maqol,  baho,  ijobiy  baho,  pragmatik  tahlil,  pragmema,  subyektiv 

baho. 

 

Tinglovchida o`z fikrini uyg`otish, unda ijobiy munosabatni yuzaga keltirish 

uchun  murojaatda  insonni  sharaflovchi,  maqtov,  olqish  ifodalovchi  birliklardan 

foydalaniladi.  O`zbek  xalq  maqollari  tarkibida  yaxshi  insonga    ishora  qiluvchi 

maqollar  borki,  ular  tinglovchiga  xush  yoqadi:  ―Yaxshi  odam  qarisa  ham  so`zi 

aynimas,  Yaxshi  ot  qarisa  ham,  yurishi  aynimas‖,  ―Echkining  yog`i  bo`lmas, 

Yaxshining  —  dog`i‖,  ―Yaxshi  otga  qamchi  kerakmas,  Yaxshi  qizga  —  sovchi‖, 

―Yaxshi  xunuk  libos  bilan  ham  yaxshi‖,  ―Yaxshi  yurgan  yerida,Tinchlik  solar 

eliga‖.  Ijobiy  baho  munosabati  maqollar  ishtirokida  ifodalanganda  ta‘sirchanlik 

yanada  ortadi.  Masalan,  ―ilmlilik‖,  ―donolik‖,  ―g`ayratlilik‖ni  ko`rsatuvchi  ―Ilmli 

odam — ilikli suyak‖, ―Ilmlining so`zi  — o`q‖, ―Buloqning suvi tiniq, Dononing 

— suhbati‖, ―Dono aytsa, el aytgani, Elning g`amin yeb aytgani‖, ―Dono durdan 

a‘lo‖,  ―Dono  naqli  —  hayot  aqli‖,  ―Dono  qarisa  ham,  donoligi  qarimas‖, 

―Ma‘rakaga  dono  aralashsa,  Tuzilmay  qolmas‖,  ―Ma‘rakada  topib  gapirgan  — 

dono,  O`zini  tutib  o`tirgan  ham  —  dono‖,  ―G`ayratlidan  ilon  qochib  qutulmas‖, 

―G`ayratlidan  quyon  qochib  qutulmas‖  maqollarida  ijobiy  baho  munosabatini 

badiiyroq,  kuchliroq  aks  ettirishga  xizmat  qiladi.  Shuningdek,  muloqotning 

samarali kechishi uchun ijobiy baho ifodalovchi maqollardan ko`proq foydalanish 

lozim.  To`g`rilik ma‘nosi bilan bog`liq barcha maqollarda ijobiy baho ifodalanadi. 

―To`g`riso`zlik‖,  ―to`g`ri  ko`ngillilik‖,  ―ishni  to`g`ri  bajarish‖  va  boshqa 

---

tushunchalar bilan bog`liq ―Boshingga qilich kelsa ham, To`g`ri so`zla‖, ―To`g`ri 

so`zlagan  odam  tug`ishganingdan  afzal‖, ―Dili  to`g`rining  yo`li  to`g`ri‖,  ―To`g`ri 

boshni  egri  qilich  kesmas‖,  ―To`g`ri  devor  uzoqqa  chidar‖,  ―To`g`ri  yo`l  —  el 

yo`ldoshi‖  maqollari  shular  jumlasidandir.  ―Olimlik‖  xususiyatiga  baho  beruvchi 

maqollarda  ko`proq  olim  odamning  dono  so`zlashi,  kamgapligi  bilan  bog`liq  fikr 

mavjud:  ―Olim  so`zi  oz,  Oz  bo`lsa  ham  soz‖,  ―Olim  aytgani  —  olam 

aytgani‖.‖Ahillik‖,  ―inoqlik‖,  ―totuvlik‖  tushunchalarini  ifodalovchi  ―Og`a-ini 

totuv  bo`lsa,  ot  ko`p,  Opa-singil  totuv  bo`lsa,  osh  ko`p‖,  ―Og`a-ini  totuv  bo`lsa, 

Tog`ni talqon qilar‖, ―Opa-singil totuv bo`lsa, Uyni bo`ston qilar‖, ―Egachi-singil 

inoqligi  —  oilaning quvnoqligi‖,  ―Ko`pning qo`li  ko`kka  yetar‖  maqollarida  ham 

ijobiy baho ifodalanadi. 

 

―Chaqqon‖, ―ishbilarmon‖, ―uddaburon‖ pragmemali ―Chaqqon chora topar, 

Beparvo — bahona‖,  ―Daryo chopar, Chaqqon topar‖, ―Uddaburon o`rgimchakka 

shoyi  to`qitadi‖,  ―Uddaburon  qurbaqaga  taqa  qoqadi‖,  ―Uddaburon  maymunga 

bo`yra to`qitadi‖, ―Uddaburon ajdarga yer haydatadi‖, ―Epini topgan – elak bilan 

suv  ichar‖,  ―Epini  topgan  ikki  oshar‖,  ―Yetuk  kishi  qo`li  bilan  quyon  tutadi‖, 

―Cho`ponning  chaqqoni  takadan  sut  sog`adi‖  kabi  maqollarda  maqtov,  olqish, 

o`zgalardan  ustun  qo`yish  kabi  ijobiy  ma‘nolar  reallashadi.  Kamtar,  sabrli, 

mehnatsevar  kishilarga  subyektiv  baho  ifodalashda  ―Sabrli  kishining  ishi  soz‖, 

―Sabrli  qul  murodiga  yetar‖,  ―O`ttiziga  chidagan  o`ttiz  biriga  ham  chidar‖, 

―Kamtar  kerilmaydi,  Mol-dunyoga  berilmaydi‖,  ―Beli  bog`liqning  dili  bog`liq‖, 

―Ishlagan xor bo`lmas‖, ―Ishsevarni el sevar‖, ―Mol boqqanning barmog`idan moy 

tomar‖ kabi maqollardan foydalanadilar.  

 

―Erta  ekkan  erta  yig`ar‖  maqolida  so`zlovchining  ma‘lum  shaxs 

bajarayotgan harakatiga qo`shimcha baho berishda qo`llanilib, barvaqt boshlangan 

ishning samarasi haqida gap ketganda ham ishlatiladi. ―Mehri borning sehri bor‖, 

―Mehrli  odam  —  sevimli‖  maqollarida  samimiy  ijobiy  baho  sezilib  turadi. 

―Hushyorni  yov  bosmas,  Yov  bossa  ham  dov  bosmas‖  maqolida  hushyor 

odamlarning  xususiyati  ifodalanib,  unda  ijobiy  baho  sezilib  turadi.  Shaxslararo 

---

muloqot  jarayonida  so`zlovchi  o`z  foydasini  unutmaydi,  u  o`z  shaxsiy  qimmatini 

ko`rsatishga,  o`zi  bajarayotgan  ishning  to`g`riligini  isbotlashga  harakat  qiladi. 

Jumladan,  ehtiyotkorlik  bilan  ish  tutuvchilar  o`zlariga  nisbatan  ―Oshiqmagan 

aravali  quyonga  yetibdi‖,  ―Oshiqmagan  ovchi  humo  ovlar‖,  ―Shoshmagan  er 

oqqush  tutar‖  maqollarini  qo`llaganda  o`zlarini  hali  ko`p  ishlar  qilishga 

qodirliklarini,  ehtiyotkorliklari  ketidan  katta  narslarga  ega  chiqishlarini 

ta‘kidlamoqchi bo`ladilar. 

 

Xulosa  sifatida  shuni  aytish  mumkinki,  shaxs  xarakter-xususiyatini 

tavsiflovchi  o`zbek  xalq  maqollarida  ijobiy  baho  ifodalanadi  va  bu  mulooqt 

jarayonining  samarali  kechishiga,  hurmat  tamoyilining  ta‘minlanishiga  xizmat 

qiladi. 

Foydalanilgan adabiyotlar ro`yxati: 

1.Вольф Е.М. Функциональная семантика оценки – М.: Наука. 1985. -227 с. 

2.Жўраева Б.М. Ўзбек халқ мақоллари шаклланишининг лингвистик асослари 

ва  прагматик  хусусиятлари:  Филол.  фан.  док.  дис.  автореф.  —  Самарқанд 

2019. —74 б. 

3.Ҳакимов  М. Ўзбек  прагмалингвистикаси  асослари. Т.:Академнашр, 2013,  - 

91 бет. 

4.Пардайев  З.  Нутқ  инновацияси  ва  уларда  баҳо  муносабатининг 

ифодаланиши  (сифат  лексемалар  асосида)//  Ўзбек  тили  ва  адабиёти.  – 

Тошкент, 2009.  № 1. –Б. 105-108. 

5.Qambarov  G‗.  S.  Baho  munosabati  va  uning  o‗zbek  tilida  ifodalanishi 

(shaxslararo  munosabat  asosida):  Dis...  filologiya  fan.  nomzodi:  10.02.02  / 

O‗zbekiston  Respublikasi  Fanlar  Akademiyasi,  Alisher  Navoiy  nomidagi 

O‗zbekiston Milliy kutubxonasi. - Toshkent, 2008. - 125 b.