O‘zbekistonda gender zo‘ravonlikka qarshi 16 kunlik faol harakatlar kampaniyasi e’lon qilindi

O‘zbekistonda gender zo‘ravonlikka qarshi 16 kunlik faol harakatlar kampaniyasi e’lon qilindi

• 25-noyabrdan O‘zbekistonda “Zo‘ravonlikka qarshi birgalikda kurashamiz” shiori ostida 16 kunlik kampaniya boshlandi.
• Bu yil 30 yilligini nishonlayotgan xotin-qizlarga nisbatan zo‘ravonlikka qarshi ushbu global kampaniya jahonning 187 ta mamlakatida o‘tkazilib, 6 mingdan ziyod tashkilotlar hamda 300 million kishini qamrab olmoqda.

• 2021-yilning mayida O‘zbekistonda ayollarni reabilitatsiya qilish respublika markazlari tashkil etildi. Markazlarning asosiy vazifalaridan biri tazyiq va zo‘ravonlikdan jabr ko‘rgan, o‘z joniga suiqasd qilgan yoki o‘z joniga qasd qilishga moyilligi bo‘lgan xotin-qizlarga anonim tarzda shoshilinch tibbiy, psixologik, ijtimoiy, pedagogik, huquqiy va boshqa yordam ko‘rsatish hisoblanadi.

Mahalla va oilani qo‘llab-quvvatlash vazirligi huzurida 29 ta ayollarni reabilitatsiya qilish va moslashtirish markazi tashkil etilgan. Shu vaqtgacha reabilitatsiya markazlari nodavlat notijorat tashkiloti sifatida faoliyat yuritib kelgan bo‘lsa, endilikda ularning faoliyati to‘liq davlat budjeti hisobidan moliyalashtirilishi belgilangan. Tazyiq va zo‘ravonlikdan jabr ko‘rgan, o‘z joniga suiqasd qilgan yoki shunga moyilligi bo‘lgan xotin-qizlar bilan o‘zaro aloqa o‘rnatish va tezkor ruhiy, psixoterapevtik, huquqiy yordam ko‘rsatish, maslahat berish va axborot taqdim etish maqsadida 1146 ishonch telefoni “Aziz-ayol.uz” yagona interaktiv milliy platformasi bilan muvofiqlashtirilgan.

• Mahalla va oilani qo‘llab-quvvatlash vazirligi huzurida 29 ta ayollarni reabilitatsiya qilish va moslashtirish markazi tashkil etilgan. Shu vaqtgacha reabilitatsiya markazlari nodavlat notijorat tashkiloti sifatida faoliyat yuritib kelgan bo‘lsa, endilikda ularning faoliyati to‘liq davlat budjeti hisobidan moliyalashtirilishi belgilangan. Tazyiq va zo‘ravonlikdan jabr ko‘rgan, o‘z joniga suiqasd qilgan yoki shunga moyilligi bo‘lgan xotin-qizlar bilan o‘zaro aloqa o‘rnatish va tezkor ruhiy, psixoterapevtik, huquqiy yordam ko‘rsatish, maslahat berish va axborot taqdim etish maqsadida 1146 ishonch telefoni “Aziz-ayol.uz” yagona interaktiv milliy platformasi bilan muvofiqlashtirilgan.

https://aziz-ayol.uz/

• Murojaatchilarning 2 368 nafari huquqiy va psixologik maslahat olish uchun bog‘langan bo‘lib, ularning murojaatlarida zo‘ravonlikka uchrash alomatlari aniqlanmagan. 1 908 nafar murojaatchi — ruhiy, 1 094 nafari — jismoniy, 562 nafari — iqtisodiy, 26 nafari— jinsiy zo‘ravonlikka uchraganini ma’lum qilgan.
• Ruhiy zo‘ravonlikka uchraganlarning 1 766 nafari, ya’ni 93 foizini ayollar tashkil etgan. Sodir etilayotgan ruhiy zo‘ravonlik, asosan, 1 841 ta holatda oilada, 1 353 ta holatda er-xotin o‘rtasidagi nizolar oqibatida kelib chiqqanligi aniqlangan

• Mahalla va oilani qo‘llab-quvvatlash vazirligi huzurida Ayollarni reabilitatsiya qilish va moslashtirish respublika markazi va uning hududiy bo‘limlariga 2021-yilning 6 oyi davomida jami 5 958 nafar fuqaro murojaat qilgan bo‘lib, shundan 5 348 nafari (89,7 foizi) ayol, 393 nafari (6,6 foizi) erkak va 217 nafari (3,6 foizi) 18 yoshgacha bo‘lgan bolalardir.
• Markazga eng ko‘p murojaat qilish holatlari 4 ta hududga to‘g‘ri keladi, ya’ni Toshkent shahridan — 1 598 nafar, Jizzax viloyatidan — 861 nafar, Namangan viloyatidan — 540 nafar, Qashqadaryo viloyatidan — 539 nafar fuqarolar murojaat qilgan.