O’zbekiston Respublikasi Xalq ta’limi Vazirligi

O’zbekiston Respublikasi

Xalq ta’limi Vazirligi

Urganch tumanidagi 13-son umumiy o’rta ta’lim maktabining boshlang’ich sinf o’qituvchisi Hajiyeva Zulfiyaning

4-sinf odobnoma fanidan

“Konstitutsiyamiz-baxtimiz poydevori” mavzusida yozgan bir soatlik

Dars ishlanmasi

Mavzu: Konstitutsiyamiz-baxtimiz poydevori.

Maqsad:

1. 
   Tarbiyaviy: Qonunlarni hurmat qilishga,o’zgalar huquq va erkinliklarini hurmat qilishga o’rgatish.
   
2. 
   Ta’limiy: O’zbekiston Respublikasi fuqarolarining huquq va erkinliklari,burchlari to’g’risida tushuncha berish.
   
3. 
   Rivojlantiruvchi: O’quvchilarni fan bo’yicha olgan bilimlarini kengaytirish.
   

Dars turi: Yangi bilim beruvchi.

Dars uslubi: Suhbat

Dars jihozi: AKT. Darslik,Konstitutsiya alifbosi

Dars jarayoni:

1. 
   Tashkiliy qism.
   
2. 
   O’tilgan mavzular bo’yicha savol -javob qilish.
   
3. 
   Yangi mavzu bayoni:
   

O’zbekiston fuqarolarining huquq va erkinliklari:

1. 
   Mehnat qilish,erkin kasb tanlash.
   
2. 
   Dam olish.
   
3. 
   Fikrlash,so’z va e’tiqod erkinligi.
   
4. 
   Bepul ta’lim olish.
   
5. 
   Malakali tibbiy xizmatdan foydalanish.
   

O’zbekiston fuqarolarining burchlari:

1. 
   Boshqa kishilarni hurmat qilish.
   
2. 
   Ona-Vatanni himoya qilish,harbiy xizmatni o’tash.
   
3. 
   Konstitutsiya va qonunlarga rioya qilish.
   
4. 
   Atrof-muhitga ehtiyotkorona munosabatda bo’lish.
   
5. 
   Tarixiy,ma’naviy va madaniy meroslarni asrash.
   

O’quvchilarga O’zbekiston Respublikasining barcha fuqarolari qonun oldida teng ekanligini tushuntirish.Har birimiz o’zimizga berilgan huquq va erkinliklardan foydalanayotganimizda boshqa shaxslarning, davlat va jamiyatning manfaatlariga,huquq va erkinliklariga putur yetkazmasligimiz shartligini uqtirish.

Masalan: Har bir fuqaro dam olish huquqiga ega. Hamma dam olayotgan vaqtda shovqin-suron solish, baland ovozda musiqa eshitish o’zgalarning dam olish huquqini buzish hisoblanadi. O’zbekiston Respublikasi Konstitutsiyasidagi tegishli moddalarni o’quvchilarga o’rgatish:

41-modda: Har kim bilim olish huquqiga ega.Bepul umumiy ta’lim olish davlat tomonidan kafolatlanadi.Maktab ishlari davlat nazoratidadir.

11-modda: Har bir inson malakali tibbiy xizmatdan foydalanish huquqiga ega.

37-modda: Har bir shaxs mehnat qilish,erkin kasb tanlash,adolatli mehnat sharoitlarida ishlash va qonunda ko’rsatilgan tartibda ishsizlikdan himoyalanish huquqiga egadir.

48-modda: Fuqarolar konstitutsiya va qonunlarga rioya etishga,boshqa kishilarning huquqlari,erkinliklari,sha’ni va qadr-qimmatini hurmat qilishga majburdirlar.

O’quvchilarga 5 ta savoldan iborat test tarqatiladi.

1. 
   O’zbekiston Respublikasi Konstitutsiyasi qachon qabul qilingan?
   
2. 
   Davlat bayrog’i qachon qabul qilingan?
   
3. 
   “Til to’g’risida”gi Qonun qachon qabul qilingan?
   
4. 
   ”Al-jome’as-sahih”kitobini kim yozgan?
   
5. 
   “Til qonunlari”kitobining muallifi kim?
   

Darsni mustahkamlash va yakunlash:

Mavzu yuzasidan savol-javob qilinadi.Vatan to’g’risida maqollar ayttiriladi.

Darsda faol qatnashgan o’quvchilar rag’batlantiriladi.

Uyga vazifa: Mavzuni o’qib -o’rganish.