O’zbekiston respublikasi xalq ta’limi vazirligi muqimiy nomidagi qo’qon davlat pedagogika instituti filologiya fakulteti

 

1 

O’ZBEKISTON RESPUBLIKASI XALQ TA’LIMI VAZIRLIGI 

 MUQIMIY NOMIDAGI QO’QON DAVLAT PEDAGOGIKA INSTITUTI 

 

FILOLOGIYA FAKULTETI 

 

O’zbek adabiyoti kafedrasi 

 

 

 

 

 

 

 

REFERATI 

 

 

Mavzu:     A. Oripov sheriyatining badiiy til 

xususiyati 

 

                                     

 

                    

 

                           O’qituvchi G. Oripova 

 

 

 

 

Qo’qon - 2011 yil 

 

2 

   

 

Mavzu:     A. Oripov  sheriyatining  badiiy  til xususiyati 

 

I bob.    Abdulla Oripov  - xalq ardog’idagi shoir……………..………… 

   

1.1.     Abdulla Oripov ijodiga  bir nazar……….………………………… 

1.2.  Abdulla Oripov she’rlaritining  bosh mavzusi:  ayol, ona va  ona-Vatan  

madhi...................................………………………………….…………… 

 

 

II bob.      A.Oripov she’riyatining badiiyati  va til  belgilari…………........ 

 

2.1.  Abdulla  Oripov she’riyatining  o’ziga xos til   

          xususiyatlari  .……………..…………………………………… 

2.2.  Abdulla 

Oripov 

she’riyatining 

g’oyaviy-badiiy 

talqini..........…………………………………………………… 

 

 

Xulosa……………………………………………………………………. 

 

Foydalanilgan  adabiyotlar ro’yxati………………………………………. 

 

 

 

 

 

 

 

3 

 

 

 

 I  bob.           Abdulla Oripov – xalq ardog’idagi shoir. 

1.1. Abdulla Oripov ijodiga bir nazar. 

 

Abdulla  Oripov  yigirmanchi  asr  o’zbek  she’riyatida  inson  qalbidagi 

murakkablik,  ziddiyatlarni,  haq-nohaqliklarni,  adolat  razolatni  teran  va 

haqqoniy, ayniqsa o’ziga xos betakror kuylayotgan ulkan  ajdodlardir. 

 

Abdulla  Oripov  atoqli  o’zbek  shoiri  va  jamoat  arbobidir.  Abdulla  Oripov 

yangi  bosqich  o’zbek  adabiyotiga  yangicha  badiiy  tafakkur  yo’sinlarini  olib 

kirdi.  Birga  shakllanib  voyaga  yetgan  O’zbekistonning  shoir  va  yozuvchilar 

avlodi Abdulla  Oripov asarlarining  kuchli  ta’siri ostida o’sdi. 

 

Abdulla  Oripov  o’z  asarlarining  tub  mohiyati  bilan  YAssaviy,  Navoiy, 

Bobur,  CHo’lpon,  G’ofur  G’ulom  idodiy    an’analarining  davomchisidir.  Kenja 

shoir  asarlari  ustoz  salaflarining  zavol  bilma  adabiy  merosi  bilan  uzviy  bir 

yaxlitlikda  abadiy  sari  davom  etajak  o’zbek  adabiyotining    o’tmishi  va 

kelajagini  bog’lovchi oltin  halqadir. 

 

SHoirning  butkul  ijodi  tomirigacha  milliy  ruhi  bilan  sug’orilgan.  Bu 

milliylik  mahdudlik,  biqiqlik,  faqat  o’zinigina  o’ylab,  o’zgalarni  mensimaslik 

yohud  haqorat  qilish  asosiga  qurilgan  emas.  Bu  milliylik  zamirida  o’zbekona 

bag’ri  kenglik,  tantilik,  olijanoblik  va  mehrparvarlik  bilan  bari  insoniyatni  baxt-

saodatga, mehr-muruvvatga  bo’lgan kuyunchaklik  hissining  uyg’unligi  yotadi. 

 

Ko’pdan-ko’p  she’riy  to’plamlar,  dostonlar,  publisistik    va  adabiy 

maqolalar,  tarjima  asarlar,  qo’shiqlar  muallifi  Abdulla  Oripovning  ijod  yo’li  bir 

tekisda  kechgani  yo’q.  Bu  yo’lda  sho’ro  hukumati  davrida  haqiqatni  ayta 

olmaslik  azoblari-yu,  aytilgandagi  dashnomlar  ham;  hukmron  mafkura  ta’sirida 

uning  g’oyalarini  kuylash  va  milliy  mustaqillik  yo’lidagi  fidoiy  kurashlar  ham 

bo’ladi. 

 

4 

 

Biroq  past-balandliklar,  parvoz  va  qiyinchiliklar,  eng  asosiysi  shoirning  

o’z  xalqiga,  xalqning  shoiriga  adoqsiz  sehr-muhabbatiga  bir  bahya  ham 

susaytirgani  yo’q.  Aksincha  izlanishlar  xalq  va  shoirning  bir-biriga  sadoqatini 

yanada mustahkamladi. 

 

Abdulla  Oripov  1941  yilning  21-martida,  Qashqadaryo  viloyati  Koson 

tumanidagi  Neko’z qishlog’ida tug’ildi.   

 

Bolaligi qishloqdagi boshqa  tengdoshlariniki qatori o’tdi: qo’y boqdi, suv 

tashidi,  pichan  o’rdi,  yantoq  chopdi,  somon  to’pladi.  Ayni  vaqtda,  u 

boshqacharoq ham edi:  qandaydir xayolchan,  serta’sir, o’ychil, kitobga haddan 

tashqari ko’ngil qo’ygan. 

 

Birinchi  marta  respublika  matbuotida  «Qushcha»  deb  atalgan  she’ri 

chiqqan  paytda  Abdulla  Oripov  talaba  edi.  SHoirning  birinchi  she’rlar  to’plami 

«Mitti  yulduz»esa    1965  yilda  chop etilgan. Undan keyin «Ko’zlarim yo’lingda» 

(1967),  «Onajon»  (1969),  «Ruhim»  (1969),  «O’zbekiston»,  «Qasida»  (1972),  

«Xotirot»  (1974),  «YUrtim  shamoli»  (1974),  «Jannatga  yo’l»  (1978),  «Hayrat» 

(1979),  «Hakim  va  ajal»  (1980),  «Najot qal’asi» (1981), «Yillar armoni» (1983), 

«Haj  daftari»  (1992),  «Saylanma»  (1996),  «Sohibqiron»  (1996),  to’rt  tomlik 

«Tanlangan  asarlar» (2000-2001)  singari  qator kitoblari  bosilib chiqdi. 

 

1984-yilda  nashr  etilgan  «Yillar  armoni»

1

  to’plami  shoirning  deyarli 

chorak  asr  davomida  yozgan  sara    asarlari,  sara  namunalaridan  tuzildi  va 

ma’lum  darajada  muallifning  armonli  yillaridan  o’z-o’ziga  kichik  bir  ijodiy 

hisoboti  tarzida  tashkil  topdi.  Abdulla  Oripov  o’zbek  adabiyotini  «Jannatga 

yo’l» (1978), «Ranjkom» (1980) kabi bir qator dostonlari bilan ham boyitdi. 

 

SHoir  she’rlari el, yurt tomonidan munosib taqdirlanmoqda. SHoir Hamza 

nomidagi    davlat  mukofotiga  sazovor  bo’lgan.  O’zbekiston  Respublikasi 

mustaqillikni  qo’lga  kiritgach,  «Munojot»    she’riy  to’plami  uchun  u  birinchilar 

qatorida Alisher  Navoiy  nomidagi  Davlat  mukofotining  sovrindori bo’ldi. 

                                                 

1

 Abdulla Oripov. Yillar  armoni.  G’.  G’ulom  nashriyoti. Toshkent. 1984.   

 

5 

 

Mustaqillik  sharofati  tufayli  so’nggi  yillarda  milliy  qadriyatlarimizga 

munosabat  tubdan  o’zgardi.  Islom  dinining  insonparvarlik  xususiyatlarini 

ulug’lash  va    o’rganishga  e’tibor  kuchaydi.  Hayotdagi  bu  o’zgarish  A.  Oripov 

ijodida  ham  o’z  aksini  topdi.  Abdurahmon  Jomiy,  Alisher  Navoiy    an’analarini 

davom  ettirish    hikmatomuz  hadislar  talqinida  yozilgan  qator  she’rlarning  lirik  

qahramonlari  misolida    yigirmanchi  asr  oxiridagi    o’zbek  she’riyatida  aks 

ettirilgan  qahramonlar  olami  yanada boyidi. 

 

Abdulla  Oripov  xalqni  dunyo  adabiyotining    sara  namunalari  bilan 

tanishtirish  borasida  ham  talay    ishlarni  amalga  oshirdi.  U  Dantening  «Ilohiy 

komediya», L. Ukrainka, T. SHevchenko, N. Nekrasov, Q. Quliev, R. Hamzatov 

singari  shoirlarning  asarlarini   o’zbekchaga o’girgan. 

 

XX  asr  o’zbek  she’riyatining  so’nggi  30-35  yillik  tarixidan  Abdulla 

Oripovga  qadar  tanqidchilik  e’tiboriga  tushgan  shoir  kam  topiladi.  SHu  davr 

she’riyati  haqida  fikr  yuritilgan  biron  –bir  salmoqli  tadqiqot,  ilmiy  ish,  maqola, 

sharx,  yo’qki,  unda  Abdulla  Oripov  asarlariga  munosabat  bildirilmagan, 

she’rlari  tahlil  etilmagan  bo’lsa,    uning    ijodidan  dissertasiyalar  yoqlandi.  Atoqli 

olim  Matyoqib  Qo’shjonov  «Onajonim  she’riyati»  nomli  kitobida    shoirning 

mo’’jaz  ijodiy  portretini  yaratdi.  Bundan    o’ttiz  besh  yilcha  avval  matbuotda 

Abdulla  Oripovga  ilk  bor  oq  yo’l  tilagan,  uning  kelajagiga  katta    ishonch 

bildirgan  va  ko’p  o’tmay  bu  ishonch  oqlanib,  she’rlaridagi  mahoratni  hassoslik 

bilan    tahlil  qilgan  Ozod  SHarofiddinov    maqollari  shoir  ijodini  o’rganish  bilan 

birga, tanqidchiligimiz  ravnaqida ham muhim  ahamiyat  kasb etdi. 

 

Salohiddin  Mamajonov,  Umarali  Normatov,  Naim  Karimov,  Ibrohim 

G’afurov,  Begali  Qosimov,  No’’mon  Rahimjonov,  Ibrohim  Haqqul,  Mixli 

Safarov,  Botirxon  Akramov,  Botir  Norboev,  Suvon  Meliev  va  boshqalarning  

ehtiros  bilan  yozilgan  ishlari  shoir  asarlarining  g’oyaviy  va  poetik  teranligini, 

o’ziga xosligini,  go’zallik  sirlarini  ochishga qaratildi. 

 

6 

 

Bu  noyob  ijod  xalqaro  miqyosga  chiqdi.  SHoir  asarlari  qozoq,   turkman, 

qirg’iz,  tojik,  ozarbayjon,  tatar,  turk,  boshqird,  uyg’ur, qoraqolpoq, rus, ukrain, 

belorus,  ingliz,  nemis,  bulg’or,  venger  singari  yigirmaga  yaqin  tilga  tarjima  

qilindi.  «Hakim  va ajal»  dostoni Bayrutda ingliz  tiliga  tarjima  qilindi. 

 

Mustaqil  O’zbekiston  Respublikasi  madhiyasi  so’zlarining    muallifi,  

Alisher  Navoiy  nomidagi    O’zbekiston  Davlat  mukofotining  sovrindori,  ulkan 

davlat  va  jamoat  arbobi  shoir  Abdulla  Oripov  yangi-yangi  badiiy  asarlar  ustida 

ishlamoqda. 

A.  Oripov  lirikasi  orqali  o’zbek  she’riyatiga  ko’ngil  dardlarining 

suvratlari,  ruhiy  iztiroblari    manzarasi,  armonga  aylangan  orzular  inson 

sezimlarida  qoldirgan  iz  tasviri  kirib  keldi.    Bu  she’riyat  yuzaga  kelgan  davrda 

shaldiroq  so’zlarni  qofiyaga  solish,  bahtiyorlik  haqida  ko’tarinki  satrlar  tizish 

odat  edi.  Mavzu  she’r  emas,  balki  she’rni  mavzu  mukarram  qiladi  deb 

hisoblanar,  shuning  uchun  she’rning  qanday  yozilishidan  ko’ra,  uning  nima 

haqda  ekanligi  muhimroq  sanaladi.  Abdulla  Oripov  tuyg’ulari  quruqshagan 

o’zbek  she’riyatiga  o’ychil  va  g’amchil  o’y  olib  kirdi.    Bu  odam  shoirning o’zi 

edi. Binobarin, bir odam to’g’risida hayqirish, baqirish noqulay bo’ladi, u haqda 

pichirlab  she’r    o’qish  lozim  edi. CHunki shovqin, baland tovush odamni o’zga 

odamlardan  yiroqlashtiradi,  samimiylikdan  mahrum  etadi. 

 

O’tgan    asrning  60-70  yillarida  Abdulla  Oripov  she’riyati  o’zbek  millati 

tuyg’ularining  quruqshab  qolishdan  saqlab  qoldi.  SHuning  uchun  ham  shoir 

o’zbek  she’riyatida  o’z  davrini  yaratdi,  deyish  mumkin.  CHunki  chinakam 

iste’dodgina  davrning  to’siqlari,  cheklovlarini  yengib  o’ta  oladi.  Har  qanday 

zamon unga o’z ta’sirini  o’tkazadi. 

 

Abdulla  Oripov  she’rlaridagi  beadad  samimiyat,  tuyg’ular  chinligi  kishini 

beixtiyor  o’ziga  asir  qiladi.  SHoir  she’rlari  kayfiyat  va  hisiyotning  yaxlit 

obrazlaridir.  U  inson  tuyg’ularini,  hissiyotini  shu  qadar  chuqur  bilgani  va  ifoda 

eta  olganidan  butun  she’r  emas,  balki  ayrim  misralarning  zalzila  paytidagi  ruhiy 

 

7 

holatini:  «Asablar  tuproqqa  cho’kkan  edi  tiz»  tarzida  beradi.  O’zining  pokiza 

yoshlik  davrini  esa  «Yiroq-yiroqlardan  mungli  va  uzun  Turnalar  tovushin 

tinglardim  faqat»,  -  deya  ifodalaydi.    O’zbek  xalqining  yig’ma  obrazi:  «Sonsiz 

Mening  orzularim,  mening  o’ylarim»  tarzida  umumlashtirildi.  SHoirning:  «qaro 

sochlaringga  oppoq  alangan»    degan  tashbihi  aniqligi  bilan  ham,  ta’sirchanligi 

bilan  ham  ko’ngilni  rom  etadi.    Uning  she’riyatida  vatan  timsoli  «SHabnam 

shovullaydi  bog’lar  qo’ynida,  Salqin  tuman  ichra  bo’zarar  tonglar,  Quyoshning 

erinchak  yog’dularida, Nafis yaltiraydi  bargi xazonlar» deb tasvirlanadi. 

 

SHoir  vatan  manzarasini  yaltiroq  so’zlarsiz,  hayqirig’-u  da’vatlarsiz 

samimiy  aks  ettiradi.  Keltirilgan  misralarda  sun’iylik  yo’qligi,  yolg’on 

bo’lmagani  uchun  ham  ta’sirchan  va  yuqumli.    Bu  satrlar  chin  insoniy 

sezimlarning  ishonarli  ifodasi ekanligi  bilan  esda qoladi. 

 

Abdulla  Oripov  she’riyatini  millat  ruhining  timsoliga  aylantirgan 

sifatlardan  yana  biri  undagi  obrazlarning  teran  xalqchil  tomirlarga  egaligida. 

Eng    murakkab  holatlarni  ham  ulkan  nazokat  va  yuksak  madaniyat  bilan  ta’sirli 

qilib  o’zbekcha  ifodalay  bilish  shoir    she’rlarining    qimmatini  oshiradi.  SHoir 

deyarli  hamisha  she’riy  ifodaning  aniq    va  tuyg’ularga  ta’sir  ko’rsata  oladigan 

bo’lishiga  erishadi.  Uning:  «Oyoqyalang  qo’ziday  dovdirar  elda  maysa,  Ko’m-

ko’k  moviy  osmonda    kezib  yurar  oq  bulut»  kabi    satrlarida  qo’llanilgan 

tashbinlar  hayotiy  asosi  chuqur  hamda  hissiy  qudrati  tengsizligi    bilan  kishini 

hayratga  soladi.  Elda  silkinayotgan    qo’zichoqqa  o’xshatilishi  shoirning  xalq 

turmushini  bilibgina  qolmay,  uni  ichdan  tuyishini  ham  ko’rsatadi.  SHu  joyning  

o’zida  ko’klam  osmonini  ham  esda  qoladigan  qilib  suratlantira  olish  uchun 

ulkan  iste’dod  talab  etadi.  Abdulla  Oripov  ko’z  oldiga  keltirish  mushkul, 

ifodalash  undan  –da  og’ir  bo’lgan  sezimlarni,  mavhum  tuyg’ularni  tuyumli  qilib 

chizish  borasida  tengsiz  mahoratga  egadir:  «YOrilmagan  yaraday  sevgi!»

2

  - 

deydi u. O’ta mavhum tuyg’uni  bundan ortiq  aniq tasvirlash  mumkin  emas. 

                                                 

2

 9-sinf.  “Adabiyot” darsligi.  2007  y 

 

8 

 

A.  Oripovning  san’atkorligi  shundaki,  u    hodisalarning  boshqalar  ko’rgan 

yoki  ko’rgan  bo’lsa-da,  payqamagan    jihatlarini  o’ziga  xos  tarzda  aks  ettira 

oladi.  SHoirning  iste’dodi  nazarining  o’tkirligi,  tuyg’ularinng  nozikligi,  

hissiyotining  teranligida  ko’rinadi.    Ko’klamda  o’rik  g’o’ralarini  hamma 

ko’rgan,  barcha  bolalar,  ayniqsa,  qizlarning  unga  ishqibozligi  azaldan  ma’lum. 

Ammo  faqat  chin  shoirgina  unda  hayotni  davom  ettirish  nishonasi  borligini 

ko’ra  biladi:  «Dilbar  kelinchakning  ko’ksida  guli,  Zardoli  shoxiga  tashlar  ko’z 

qirin».  Sal  e’tibor  qilgan  o’quvchi  yosh  kelinchaklarning  ko’pincha  o’rik 

dovuchchasiga  boshqorong’i  bo’lishini  esiga  tushiradi.  Har  qanday  hayotiy 

lavhada  chin san’atga  xos belgini ko’ra olish asl shoirlikning  belgisidir. 

 

  

 

1.2.  Abdulla  Oripov  she’rtining  bosh  mavzusi:  ayol,  ona  va    ona-

Vatan madhi. 

Mavzu,  g’oya,  muammo,    lirik      qahramon    nuqtai    nazaridan      Abdulla   

Oripov    she’rlari    rang-barangdir.    Istiqlol,    Vatan,   xalq  va  millat,  muhabbat  

va  armon,  tabiat  va  fazo,  ideal  inson  va  manaviy  dunyo,   Ona   va  ayol,  

tarix    va      bugun,    bashorat    va    fantaziya,      do’stlik    va    xiyonat,    keng  

ma’nodagi    ona    zamin    va    insoniyat    taqdiri,      urush    va    tinchlik,    umr  

moxiyati  va     «u  dunyo»  Abdulla   Oripov  asarlarining  mavzui,  mazmunini  

tashkil    etadi.    Bu    mavzularga    murojaat    qilar    ekan,    shoir    ezgu   tuyg’ularini  

ulug’lash    («Ishonch    ko’priklari  ,    «Tiriklik»,    «Inson    manzarasi»);    vijdon,  

maьnaviy      go’zallik    va    insoniy    barkamollik      («Temir    odam»,    «Malomat  

toshlari»,    «Qo’riqxona»,    «Xatolaring    kerak    ularga»);    ijtimoiy      adolat    va  

xaqiqat    («Imzo    yig’ish»,    «Aytishuv»,    «Ilg’or    io’chi    va    chaqqon    muxbir  

qissasi»,    «Dialektika»,)      masalalarini    doimo  diqqat  markazida  tutadi.  Bular   

aslida  shoir  ijodining    bosh  motividir.                                                                                                        

 

9 

          Insoniy     barkamollik  uchun   kurash  muammolarini  kuylash  va  talqin   

etish    Abdulla    Oripovning      deyarli    ilk    sheьrlaridan      boshlab      («Dorboz»,   

«Burgut»)        butun    ijodi      bo’ylab      davom    etadi.            SHoir        talqinidagi 

mukammal  inson  yomonning  aksi  bo’lgan  yaxshi  insongina  emas,  yoki  mutlaqo 

bekamu  ko’st  odam  ham  emas.  U  ayrim  xato  va  kamchiliklarga  ham  yo’l 

qo’yishi  mumkin.  Lekin,  eng  asosiysi,  u  adolat  va  haqiqat,  ma’naviy  poklik 

yo’lini  tutuvchi,  insoniy  ideallar,  xalq  va  Vatanning  ezgu  tilaklari  deb 

kurashuvchi,  hayotdagi razolatga  beshafqat insondir. 

 

SHoir  asarlarida  insonparvarlik  g’oyalari  doimo  xalq  dardi,  xalq  qalbi 

bilan  chambarchas  bog’langan  (Ishonch  ko’priklari).  Xalqqa  tayanish,  har 

qanday  mushkulotni  uning  o’zigina  hal  qilishiga  sobit  ishonch  Abdulla  Oripov 

insoniy  qarashlarining  asosini  tashkil  etadi  va  pirovardida,  asarlari  xalqchilligini 

belgilaydi. 

 

Abdulla  Oripovning  mukarram  zotga  mehr  va  shafqat  tuyg’usi,  muruvvati 

nechog’li  cheksiz  ekani  uning,  ayniqsa,  ayol  sha’nini  ulug’lashga  bag’ishlangan 

she’rlarida  yorqin ko’rinadi. 

 

«Ayol»nomli    she’ri    nainki    Abdulla   Oripov,  balki,  umuman  XX   asr  

o’zbek  sheьriyatidagi  bu muqaddas  siymo  sha’niga  bitilgan  eng  go’zal    va  

shukuhli   she’rlardan  biridir.   

 

SHe’r  ayol  shafiqligi,  irdasi,  sadoqati  va  ma’naviy  go’zalligi  kuylangan 

zavol  bilmas qo’shiqdek jaranglaydi.  Uning mazmuni oddiy va sodda: urushdan 

qaytmagan  yorga  cheksiz  sadoqat  ko’rsatgan  ayol  kuta-kuta,  hayotdan  tanho 

o’tadi.  SHu  pokiza  mazmunga  shoir  kuchli  hayotiy  ziddiyatlarni,  qalb  va 

vijdonda  kechishi  mumkin  bo’lgan  talotumlarni,  ularni  yengib  o’ta  oluvchi 

irodani  jo  etadi.  Bu  oddiylik  zamirida  Abdulla  Oripov  o’zi  takrorlashni  xush 

ko’radigan  Gyote  aytgan  haqiqiy    san’at  asariga  xos  tarzda  soddaligi  (oddiylik, 

murakkablik  va  yana  oddiylik)  yotadi.  SHe’rning  mohiyati  va  qimmatini  uning 

mazmuni  emas,  shu  mazmun  qatiga  singdirilgan  dard  va  uning poetik talqinidagi 

 

10 

mahorat,  o’ziga  xoslik  hamda  shulardan  nur  bo’lib  taraluvchi  pafos  belgilashiga 

«Ayol» she’ri yana bir yorqin misoldir. 

 

O’n  to’qqiz  yoshida  beva  qolib,  sadoqat  tufayli,  muhabbat  tufayli  o’z  

vijdoniga  qarshi  borolmay,  butun  umr  tanho  yashayotgan  Ayol  qalbida  nimalar 

ro’y  berishi  mumkin?  SHoir  shu  Ayol  vujudidagi  kesinmalarni  ma’naviy 

go’zallik,  ma’naviy  qudrat darajasida yuksaltirib  talqin  etishga  erishadi

3

: 

       Sevgidan yetumu umrdan yarim, 

              Qurigan ko’ksida yolg’iz belanchak. 

           Abadiy firoqni, hayhot, do’stlarim, 

          Abadiy visol deb bildi kelinchak… 

 

          Yillar ham o’tdilar, hamon u yolg’iz, 

           Mung’ayib termular botuvchi kunga. 

         Ey, nomard tabiat, bormi senda his, 

                Qaytadan baxt bersang bo’lmasmi unga?! 

 

          Nahot, ishq qismati buncha berahm, 

                                        Bunchalar  buyuksan vafo shevasi. 

        Sengadir hurmatim, senga sharafim, 

         Qahramon jangchining  sodiq bevasi. 

 

SHe’rdan  maqsad    faqat  sadoqatli    ayol    sha’nini    ulug’lashgina      emas.   

SHoir    bu    masalada      ham    xayotning    achchiq,      shafqatsiz    haqiqatini  

unutmaydi.    Muhtarama  zotlar  ichida  barcha  birdekmi?  Bu  nomga  dog’  tushirib 

yurganlar  yo’qmi?  SHoir  suratu  siyratlarini  fosh  etgan  holda  bunday  ayollarning 

ham  umumlashma  qiyofasini  yaratadi.  YOri  hayotda  o’tgan  bo’lishiga  qaramy, 

uning  xotirasiga  cheksiz  sadoqat  ko’rsatib  kelayotgan  bu  Ayolga  qarama-qarshi 

o’laroq  atrofimizda  o’zini  ming  bitta  bozordan  olib  –  ming  bitta  bozorga  solib 

                                                 

3

 Нўмон Раҳимжонов.  «Мустақиллик  даври шерияти»  «Фан». 2007  й 

 

11 

yurgan,  tirnoq  bo’yatish  uchun  soatlab  navbat  kutuvchi,  biroq  yorini  bir daqiqa  

kutishda  besabrlik  qiluvchi  bevafolar  ozmi  dunyoda?  Bu  shoirona  qiyos 

asarning  ta’sir  kuchini  oshiradi,  sodiq  beva  timsolidagi  ayol  obraziga 

mehrimizni  yanada kuchaytiradi. 

 

Badiiy  obrazlardagi  milliylik  va  tiniqlik,  tuyg’u  va  ehtiroslar  samimiyligi, 

ohangdorlikdagi  shiddat  va  hayajon,  syujet  va  kompozitsiyadagi  yaxlitlik 

«Ayol» she’riga alohida go’zallik   bag’ishlaydi.   

 

Ona  haqidagi  she’rlar  va  umuman,  ona  obrazi  shoir  ijodidagi  Ayol 

obrazini  yanada  mukammallashtiradi  va  konkretlashtiradi,  bu    timsolni  oliy 

maqomlarga  olib  chiqadi.  SHoirning  «Ko’zlarim  yo’lingda»,  «Onajonim», 

«Ruhim»,  «YUrtim  shamoli»,  «Yillar  armoni»,  «Ishonch  ko’priklari»  singari 

to’plamlaridagi  she’rlar  bag’ridan  mushtipar  Ona  ko’zlari  bizga  doimo  termulib 

turadi.  Bu  to’plamlardan  «Onamga  xat»,  «Onam  vafotiga»,  «Onajon»,  «Ona», 

«Alisherning  onasi»,  «Onamni  eslab»  singari  Ona  timsoliga  maxsus 

bag’ishlangan  she’rlar  o’rin  olgan.  «Samoviy  mehmon,  besh  donishmand  va 

farrosh  kampir  qissasi»    nomli  fantastik  asarda  ham  Ona  va  mehr 

muammosining  o’ziga  xos    talqiniga  duch  kelamiz.  SHoir  she’rlarida  yana  uch 

oliy  tushunchaga Ona nisbatini  beradi: ona Vatan, ona SHe’riyati, ona Sayyora. 

 

«Onajon»  she’ri  shoirning  mumtoz  asarlaridan  biri.  Bu  she’r  volidai 

muhtaramasi  qarshisida  bani  inson  zoti  kabi  oddiy  bir  farzand  va  ayni    vaqtda, 

elning  buyuk  san’atkori  bo’lgan  Abdulla  Oripovning  Ona  haqidagi  guhar 

tuyg’ulari  toshqinidan tizilgan  marjondir. 

 

Hayotdan  o’tgan  ona  haqidagi  o’tli  va  armonli  hasratlar  shoir  asarlariga 

1966  yili  «Bahor»  she’rida  kirib  keldi.  SHoirni  tuyg’ulari  aldamadi.  Vaqt  yetib 

xotirangni  kuylarman,  deb  ona  ruhiga    berilgan  va’da  ko’p  o’tmay  she’r  bo’lib 

quyilib tushdi. «Bahor»dan so’ng, shu yilning o’zida «Onajon» she’ri maydonga 

keldi. 

 

12 

 

Abdulla  Oripov  bu  she’rda  mehribon  volidaning  nurli  qiyofasini  yaratdi. 

SHoir asarda  onaga hamdu sano o’qishga, uni ko’klarga ko’tarishga berilmaydi. 

Uning  asosiy  maqsadi  umuman    ona  obrazini emas, o’z onasi timsolini yaratish. 

Ona  sha’niga,  shunchaki  qofiyaga  solingan  shoirona  munosabatini  bildirish 

emas,  balki  shaxs  sifatida  faqat  o’zigina  his  etgan,  hujayralarida    uyg’ongan 

farzandlik  tuyg’ularini  ifodalash.  Mana  shularga  mos  ravishda  topilgan  ona 

mehridek ukpar shakl va ohang, samimiyat va hayajon, shiddat va ko’lam o’zaro 

birlashib  «Onajon»dagi  badiiy  bir  butunlikni  vujudga  keltiradi.  SHu  tariqa, 

Abdulla  Oripovning  shaxsiy  tuyg’ulari,  dard  va  hayajonlari  shaxsiylik 

dunyosidan  ijod  dunyosiga  ko’chib,  millionlab  kitobxonlarning  qalb  darchalarini 

yoritdi, ularning  ham tuyg’ularini  ifodalovchi sehrli  olamga aylandi. 

 

SHe’rda  kitobxon  bilan  asar  qahramonlarini  birlashtirib  turadigan  ikki 

kuch  bor.  Biri  –  asar  qahramonlarining  o’zaro  bir-biriga  cheksiz  mehri  bilan 

kitobxonlardagi  xuddi  shu  masalaga  bo’lgan  munosabat  o’rtasidagi 

mushtaraklik,  ikkinchisi  esa,  asar  qahramonlari  bilan  kitobxonlarni  birlashtirib 

turgan she’r pafosidir. Ana  shu sabablar bois shaxsiy his-tuyg’u va kechinmalar 

asosiga qurilgan. 

   Garchi fano har kimsaga 

                                              Azaliy  bir qismatdir. 

 Lekin,  ona, tiriklik  ham  

    Bilsang, yarim  hikmatdir. 

       Tushlarimda, mayli,  onajon. 

                                              Qolganlarga  endi umr 

                                            Tilab  turgin, onajon

4

, - 

Singari  falsafiy  fikrlar  bilan  yo’g’rilgan «Onajon» she’ri millionlarning  sevimli 

asari bo’lib qoldi. 

                                                 

4

 Нўмон Раҳимжонов.  «Мустақиллик  даври шерияти»  «Фан». 2007  й 

 

13 

 

Abdulla  Oripovning  ayol, ona haqidagi  she’rlari  bilan  muhabbat lirikasi 

bir butunlikda  ajib  bir uyg’unlikni  tashkil  etadi. 

 

 

 

Vatan  tushunchasi  Abdulla  Oripov  she’rlarida  serma’no  va  rang-barang. 

Keng  miqyosda  qaraganda,  shoir  va  uning  lirik  qahramoniga  «shu  buyuk 

sayyora  –  yagona  Vatan»  bo’lib  ko’rinadi  («Genetika»).  Biroq  ona-Vatan  

deganda  u  faqat  O’zbekistonni  tushunadi.  Bu  mavzu shoir ijodining eng nurli va 

porloq  sahifalarini  tkashkil  etadi.  Zero,  u  suhbatlaridan  birida  «Sevinch-dardim 

barii  Vatanim»,    deyish  bejiz  emas.  SHoir  «YUrtim  shamoli»,  «O’zbekistonda 

kuz»,  «Kengilk  nuqtasi»,  «Toshkent  sha’niga»,  «Quyosh  shahri»,  «Momo 

oftob» kabi o’nlab she’rlarida ona-Vatanning  zavol bilmas qiyofasini  yaratdi. 

 

Vatan  haqida  gap  borar  ekan,  Abdulla  Orpov    shoirning  burchini  faqat 

madhiyabozlikdan,  yurtni  faqat  ulug’lushu  ko’klarga    ko’tarishdan  iborat,  deb 

tushunmaydi.  To’g’ri,  u  Vatan  dardlarini  go’zalligini,  iqbolini  kuylaydi,  biroq 

uning  sermashaqqat  tarixi  va  taqdirini  haqqoniy  gavdalantirish  maqsadida 

ko’proq    Vatan    dardlarini  kuylaydi,  bir  fidoyi  farzand  kabi  uning  dardlariga 

malham  bo’lgisi  keladi.    Bu  Vatan  tarixda  ko’pdan-ko’p  buyuk  farzandlarga, 

ulug’  kashfiyotlarga,  insonparvar  g’oyalarga    doya  bo’lganini  dunyoga  ko’z-

ko’z  qiladi,  hozir  ham  uning  o’shal  tarixga  munosib  bo’lishini  istab,  o’zini 

tug’yonlar bag’riga uradi. 

 

Abdulla 

Oripovning 

Vatan 

timsolini  yaratishga    bag’ishlangan 

she’rlaridagi  poetik  obrazlar,  ayniqsa,  falsafiy,  xalqchil  va  ohorli  bo’lib,  bu 

yo’nalishdagi  she’rlar  ichida  «Men  nechun  sevaman  O’zbekistonni»hamda 

«o’zbekiston» alohida ajralib  turadi. 

 

 

 

 

 

 

14