O‘zbekiston respublikasi

Ilmiy tadqiqotning farazi: Bizning taxminimizcha, shaxsning rivojlanishi va ijtimoiylashuvi ularning o‘zaro muloqat jarayonida shakllanadi. -Shaxsning o‘z-o‘zini baholashi xususiyatlarining shakllanishida maxsus yaratilgan shart-sharoitlar, faol ijtimoiy- psixologik tayyorgarlik usullari, xususan, ijtimoiy treninglar yetakchi rol o‘ynashi mumkin. Bunday ijtimoiy omillar o‘quvchi shaxsi ijtimoiy tasavvurlari ko‘lamini kengaytirshi hamda ijtimoiy ustanovkalarda mustahkamlanishi extimol. Ushbu jarayonga aloqador bo‘lgan pedagogik- psixologik mexanizmlar - identifikatsiya, taqlid, ta’sirlanish, o‘rnak olish, baxolash kabi xodisalar bevosita «ota - ona - bola», «ustoz-shogird» tizimida bola shaxsi ijtimoiy ustanovkalarini rivojlantiruvchi omillar vazifasini bajaradi.

Ilmiy tadqiqotning metodologik asosini O‘zbekiston Respublikasi Prezidentining shaxsning barkamol bo‘lishi va salohiyatini takomillashtirish va ma’naviy va ma’rifiy tadbirlar samradorligini oshirish borasidagi Farmonlar, «Ta’lim to‘g‘risida»gi Qonun, «Kadrlar tayyorlashning milliy dasturi»dan hamda I.A.Karimovning «Barkamol avlod – O‘zbekiston taraqqiyotining poydevori», «O‘zbekiston buyuk kelajak sari» asarlarida ilgari surilgan dasturiy vazifalar, psixologiya fanida qabul qilingan ijtimoiy tasavvurlar – shaxs ijtimoiylashuvining psixologik mexanizmi va sababchisidir, degan ilmiy nazariya (S.L.Rubinshten, A.N.Leontev, A.I.Dontsov va boshqalar) xizmat qiladi. Psixologik qonuniyatlar, ta’limotlar, tamoyillar ishimizning nazariy asosi bo‘lib hisoblanadi.