O’ZBEKISTON RESPUBLIKASI AXBOROT TEXNOLOGIYALARI VA KOMMUNIKATSIYALARINI RIVOJLANTIRISH VAZIRLIGI
MUHAMMAD AL-XORAZMIY NOMIDAGI TOSHKENT AXBOROT TEXNOLOGIYALARI UNIVERSITETI FARG’ONA FILIALI
“Axborot texnologiyalari” kafedrasi assistentlari S.I.Karimov va D.B.Sotvoldiyeva tomonidan “Operatsion tizimlar” fanidan laboratoriya mashg’ulotlarini bajarish uchun tayyorlangan o’quv-uslubiy ko’rsatmasiga
TAQRIZ
Bugungi kunda rivojlangan mamlakatlar qatorida munosib o’rin egallash, milliy mahsulotlarimizning jahon bozorlaridagi raqobatdoshligini ta’minlash, shu asosda eksport hajmini sezilarli darajada oshirish mavjud soha va tarmoqlarni texnik va texnologik jihatdan qayta jihozlash asosida modernizatsiyalashni taqozo etadi.
O’zbekistonning iqtisodiy va ijtimoiy sohalarida yuqori natijalarga erishishi, jahon iqtisodiy tizimida to’laqonli sheriklik o’rnini egallay borishi, inson faoliyatining barcha jabhalarida zamonaviy axborot texnologiyalaridan yuqori darajada foydalanish ko’lamlari qanday bo’lishiga hamda bu texnologiyalar ijtimoiy mehnat samaradorligini oshirishda qanday rol o’ynashiga bog’liq. Prezidentimiz I.A.Karimov ta’kidlaganlaridek: “Biz tezkor texnikaviy taraqqiyot, shiddat bilan rivojlanayotgan va muntazam yangilanayotgan zamonaviy yuqori texnologiyalar, axborot-kompg’yuter tizimlari asosida yashayotganimizni unutmasligimiz kerak”.
Ma’lumki, axborot texnologiyalarining inson faoliyati hamma jabxalarga kirib borish jarayoni borgan sari rivojlanib chuqurlashib bormoqda. Umumiy soni, ko’p yuz milliondan oshib ketgan, keng tarqalgan shaxsiy kompg’yuterlardan tashqari, hisoblash tizimlarining maxsus vositalari ham ko’payib bormoqda. Bu turli-tuman hisoblash texnikasidan foydalanuvchilar soni ham ko’payib bormoqdaki, bunda ikki qarama-qarshi tendensiyani rivojlanishi kuzatilmoqda. Bir tomondan, axborot texnologiyalari borgan sari murakkablashmoqda va ularni qo’llash uchun, va ularni keyingi rivojlanishi uchun juda chuqur bilimlar talab qilinadi. Boshqa tomonda, foydalanuvchilarning kompyuterlar bilan muloqoti soddalashmoqda.
Ushbu uslubiy ko’rsatmada murakkab dasturlarni o`rnatish, operatsion tizimni adminstrlash, operatsion tizimni boshqarishda foydalanuvchilarni yaratish, standart dasturlar bilan ishlash, qobiq dasturlarda fayl va papkalar ustida amallar bajarish, antiviruslar bilan ishlash, WINDOWS 7 operatsion tizimida foydalanuvchilar guruhlarining fayllari, kataloglariga murojaat qilish imkoniyatlarini boshqarish, ofis dasturini o’rnatish, Microsoft Word, Microsoft Excel, Microsoft Power Point, Microsoft Access dasturlarida ishlash va taqdimotlar, makroslar yaratish bo’yicha laboratoriya ishlar keltirilgan.
Har bir laboratoriya ishining tavsifi qisqacha nazariy qismga ega bo’lib, ishning mohiyati, mazmuni, mashqlarni bajarishga aniq misollar orqali ifodalangan.
Taqrizchi: __________________________________
____________________________________________
Do'stlaringiz bilan baham: |