“O‘zbek tili va adabiyotida ilmiy- pedagogic tadqiqot metodologiyasi” fani bo ‘yicha umumiy ma’lumot
“O‘zbek tili va adabiyotida ilmiy- pedagogic tadqiqot metodologiyasi” fani 1-kurs magistrlariga 1- semestr davomida o‘qitiladi. Mazkur fan til va adabiyot ta’limida tadqiqot metodlari va metodologiyasini o‘zlashtirishga qaratilgan. Fanni o‘qish davomida magistrantlar til va adabiyot ta’limida ilmiy tadqiqot yo‘nalishlari va metodlarini o‘rganadilar. Shu bilan birga pedagogik yo‘nalishdagi nazariy tadqiqotlarning amaliyotga tatbiq etish yo‘llari bo‘yicha bilimga ega bo‘ladilar. “O‘zbek tili va adabiyotida ilmiy- pedagogic tadqiqot metodologiyasi” kursida til va adabiyot ta‘limida tadqiqot yaratishning xalqaro standartlari, ilmiy tadqiqot metodlari, tadqiqotda gipoteza va uning ahamiyati, til va adabiy ta‘lim tadqiqida muammo qo‘yish, adabiyotlar bilan ishlash, material yig‘ish, materiallarni tahlil qilish kabi masalalar ham o‘rganiladi.
“O‘zbek tili va adabiyotida ilmiy-pedagogic tadqiqot metodologiyasi” fanini o‘qitishdan maqsad – magistrantlarni hozirgi zamon til va adabiyot ta’limidagi ilmiy tadqiqot metodlari bilan qurollantirish. Tadqiqotchilarning muammoni qo‘ya olishi, ma’lumotlarni yig‘ishga yondashuvi, til yoki adabiyot ta’limida ilmiy tadqiqot uchun asosnoma tayyorlash, xalqaro ma’lumotlar bazasida indekslangan jurnallarga maqolalarni shakllantirish, milliy va xalqaro dasturlarga loyihalar tayyorlash kabi ko‘nikmalarini shakllantirishdan iborat.
Vazifasi – o‘zbek tili va adabiyoti ta‘limida tadqiqot yaratishning xalqaro standartlari, ilmiy tadqiqot metodlari, tadqiqotda gipoteza va uning ahamiyati, til va adabiy ta‘lim tadqiqida muammo qo‘yish, adabiyotlar bilan ishlash, material yig‘ish, sifatga va miqdorga asoslangan tadqiqotlarning o‘ziga xos xususiyatlari, tadqiqotda statistika kabi masalalar xususida ma’lumot berishdan iborat.
“O‘zbek tili va adabiyotida ilmiy-pedagogic tadqiqot metodologiyasi” fanini o‘zlashtirish natijasida magistrant:
ilmiy- pedagogik tadqiqot mohiyati, tadqiqtotga berilgan tavsiflar, tadqiqot strategiyalari va ularni tanlash yo‘llari va usullari, sifatga va miqdorga asoslangan tadqiqotlar va ularga xos xususiyatlari, muammoni tanlash yo‘llari va usullari, statistik tahlil qilishning mohiyati, statistik tahlil programmalari, deskriptiv statistika, korrelyatsiya va yana til va adabiyot ta’limiga oid yangi ma’lumotlar haqida tasavvurga ega bo‘lishi;
magistrant tadqiqot mavzusini shakllantirish, mavzuga mos ilmiy tadqiqot metodini tanlay olish, ilmiy tadqiqot mavzusi uchun asosnoma tayyorlash, ilmiy adabiyotlar bilan ishlash, o‘z ilmiy yo‘nalishlarida maqola, tezis tayyorlay olish malakasini egallashi;
magistrant olingan nazariy bilimlari asosida til va adabiyot ta’limi ilmiy tadqiqida amalga oshirilgan ishlarni tanqidiy baholay olish, shu yo‘nalishda tadqiqot uchun material yig‘ish, tahlil qilish va tadqiqot qilish ko‘nikmasiga ega bo‘lishi kerak;
Do'stlaringiz bilan baham: |