O‘rta maxsus, kasb–hunar ta’limi markazi «maktabdan va sinfdan tashqari tarbiyaviy ishlar tashkilotchisi» kasbi bo’yicha

O`ZBEKISTON RESPUBLIKASI

OLIY VA O`RTA MAXSUS TA`LIM VAZIRLIGI

O`RTA MAXSUS, KASB – HUNAR TA`LIMI MARKAZI

Ro`yxatga olingan №KMD 3141602 – 2.12 “15” avgust 2012-yil

Vazirlikning 2012 yil 15 avgustdagi 332-1-sonli buyrug’i bilan tasdiqlangan

GAZLAMAGA BADIIY ISHLOV BERISH,

KASHTACHILIK VA UNI O`QITISH METODIKASI

fanidan o`quv DASTURI

Fan dasturi Oliy va o`rta maxsus, kasb-hunar ta`limi tayyorlov yo`nalishlari bo`yicha Muvofiqlashtiruvchi kengashning 2012-yil 24-iyuldagi 3-son majlis bayoni bilan ma`qullangan.

Fan dasturi 1-Toshkent Pedagogika kollejida ishlab chiqildi, bilim sohasi bo`yicha sho`ba kelishuvidan o`tkazildi (1-sonli kelishuv Bayoni 2012-yil 16-iyul).

Tuzuvchilar:	M.Rahimjonova	–	1-Toshkent pedagogika kolleji o’qituvchisi.
Taqrizchilar:	Q.Abdullayeva	–	Nizomiy nomli TDPU dotsenti, PFN
	D.Xalimova	–	75-maktab direktori

Kirish

Mamlakatimiz, xalqimiz hayotida jiddiy o`zgarish, chinakam qayta qurish texnologiyasi borayotgan hozirgi kunda, xalq ta`limi xodimlari oldida katta, murakkab, mas`uliyatli vazifalar, hal etilishi kerak bo`lgan muammolar turibdi. Shulardan biri, yosh avlodning har tomonlama kamol topishida, hozirgi iqtisodiy tanglikni hisobga olgan holda o`quvchilarni iqtisodiy tarbiyalash bilan birga milliy qadriyatlarimizni, an`analarimizni o`rgatib borishdir.

O`quvchilarni har tomonlama tarbiyalashda turli xil to`garaklarning ham roli katta. “Tikuvchilik”, “Pazandachilik”, “Zardo`zlik”, “Milliy kashtachilik” to`garaklari bilan bir qatorda gazlama qoldiqlaridan oqilona foydalana olishni o`rgatadigan to`garaklarni ham tashkil qilish mumkin. Kiyimni loyihalash va badiiy bezash, tikuvchilik texnologiyasi to`garaklari gazlamani tejash bo`yicha bilimlar beradi, tikishni, bichishni o`rgatadi. Lekin bu tejalgan gazlama qoldiqlaridan qanday buyumlar, bezaklar tayyorlash mumkinligini gazlamaga badiiy ishlov berish to`garagida o`rganish mumkin.

Kashta tikish amaliy-bezak san`atining bir turi hisoblanadi. O`zbek milliy kiyimlari, uy-ro`zg`or anjomlarining kelib chiqish tarixiga nazar solsak, kashta tikish san`ati aholining hamma tabaqalari hayotida o`z o`rnini topganligining guvohi bo`lamiz.

Har bir o`zbek oilasida hozirgi kungacha va ko`p yillar davomida, e`zozlanib, saqlanib kelayotgan qo`l kashtalarini ko`ramiz. Kashta tikish qiziqarli ijodiy ish bo`lib, u ko`pchilikka quvonch keltiradi, bo`sh vaqtini bekor o`tkazmaslikka undaydi va kishilarni nafosat olamiga olib kiradi. Kashta tikish o`quvchilardan sabr-toqat, yuksak badiiy did, izlanuvchanlikni, fikr yuritishni talab qiladi. Hozirgi davr yoshlarining kasb-hunar egallashlari uchun keng imkoniyatlar yaratilmoqda.

Kashtachilik metodikasi pedagogika kasb-hunar kollejlarida to`garak rahbarlarini tayyorlashda eng asosiy mutaxassislik fani hisoblanadi. Bu fan bo`lajak to`garak rahbarlariga yosh avlodga har tomonlama tarbiya berish, mehnatga ijobiy munosabatda bo`lish, to`garak ishlari uchun moddiy ta`minot, to`garak rejasini tuzish, mashg`ulotga tayyorlanish, kashtachilik sirlarini o`rgatish bo`yicha yo`l-yo`riqlarni berishni o`rgatadi. Uning asosiy vazifasi hozirgi zamon yoshlarini kasbga qiziqtirish, tanlagan kasblari bo`yicha kerakli ko`nikma, malaka egallashlarining eng zamonaviy usullarini o`rgatishdir.

Gazlamaga badiiy ishlov berish, kashtachilik va uni o`qitish metodikasi dasturi nazariy va amaliy mashg`ulotlarning o`tkazilishini ko`zda tutadi.

Nazaruy kursda ta`lim texnologiyasini isloh qilishga qaratilgan hukumat qarorlari, Prezident farmonlari, milliy kashtachilik asoslari tarixi, uning kishilik jamiyati rivojlanishidagi o`rnini belgilovchi manbalardan foydalaniladi. Bunda beriladigan bilimlar albatta, Davlat ta`limi standartlari talablari darajasida bo`lishiga e`tibor beriladi.

Nazariy bilimlar berishda, to`garak ishlarini to`g`ri yo`lga qo`yishda duch keladigan qiyinchiliklar, yangi pedagogik texnologiyani joriy etishga qaratilgan yo`l-yo`riqlar, bezak elementlarining tarixi, milliy bezak elementlari tarixi, milliy bezak turlari, gazlamalarning turlari kabi bilimlar beriladi. Bu bilimlar amaliy mashg`ulotlarda mustahkamlanadi, shuningdek, muzeylarga, maktablarga, madaniyat uylarida tashkil etilgan ko`rgazmalarga ekskursiya uyushtiriladi. Amaliy mashg`ulotlar davrida o`quvchilarning gazlamaga badiiy ishlov berish, kashtachilik to`garagi rejasini tahlil etish, tuzish, uning bo`limlari asosida mashg`ulotlarga tayyorlanish, ko`rgazmalar tayyorlash va mashg`ulotlarni o`tkazish, tahlil etish bo`yicha ishlarni bajarishlari ko`zda tutilgan.

Amaliy ishlar (mavzuga qarab) otaliq maktablar qoshidagi to`garaklar, madaniyat uylarida o`tkazilishi kerak. Amaliy ishlarni o`tkazishda to`garak rahbarlarini tayyorlash uchun barcha sharoitlar yaratilishi zarur.

Ko`p yillik ish tajribalariga suyangan holda hamda respublikamiz madaniyat uylaridagi to`garak rahbarlarining ish tajribalarini o`rganish natijasida, ushbu fan dasturi tuzildi. Dastur 5 bo`limdan iborat:

1.Gazlamani tayyorlash.

2. Kashtachilik va uni o`qitish metodikasi.

3.Gazlama qoldiqlaridan keng iste`mol buyumlari tayyorlash.

4.Turli materiallardan bezaklar yasash.

5.Gazlama qoldiqlaridan sun`iy gullar yasash.

Mazkur dastur o`quvchilarga iqtisodiy tarbiya berish, ularning badiiy jihatdan kamol topishi va ijtimoiy qobiliyatlarini, mustaqil fikrlashni, ishlaridagi badiiylikni rivojlantirishning katta imkoniyatlarini kengroq o`rgatishni ko`zda tutadi. Fanni o`qitishda o`quvchilarga badiiy tarbiyani rivojlantirish, tejamkorlikka o`rgatish, kashta tikish san`ati amaliy tarzda olib boriladi, ya`ni ularga gazlama qoldiqlaridan buyumlar yasash ko`rsatib boriladi, ketma-ketligi tushuntiriladi. Bu esa hozirgi bozor iqtisodiyoti vaqtida juda muhim vazifalardan biri hisoblanadi.
Fanni o`rganish natijasida o`quvchilar quyidagi ko`nikmalarga ega bo`lishlari kerak:

• 
  gazlama turlarini ajrata olish, gazlamani uy sharoitida bo`yash;
  

- kashtachilikda qo`llaniladigan ish qurollaridan foydalana olishi va o`quvchilarga o`rgata olish;

- kashtachilikda qo`llaniladigan chok turlarini va ularni buyumlarda qo`llay olishni to`garak a`zolariga o`rgata olish;

- xalq amaliy san`ati muzeylari ko`rgazmalaridagi asarlarni tahlil qila olish, unda qo`llangan choklarni ajrata olishlari.

-tekis choklar, applikatsiya, ko`z-ko`z kashta, baxyasimon choklarni tikish va o`quvchilarga o`rgata olishi.

• 
  gazlama qoldiqlaridan keng iste`mol buyumlarini tayyorlashni bilishi;
  
• 
  gazlamalardan turli xil taxlamalarni tikish;
  
• 
  gazlamalardan sun`iy gullar yasash;
  

Fanni o`rganish natijasida o`quvchilar quyidagi bilimlarga ega bo`lishlari kerak:

• 
  o`quvchilarga turli materiallarning xususiyatiga qarab to`g`ri bezak tanlash;
  

- kashtachilik tarixi, uning turlari haqida ma`lumotlarni bilishi, to`garak a`zolariga yetkaza olish ;

-gazlamaga badiiy ishlov berish, kashta tikish sirlarini o`rgatish orqali barkamol avlodni tarbiyalash;

- ularni shu kasbga bo`lgan muhabbatini, badiiy didini o`stirish, mehnatga muhabbatni o`stirish metodikasi;

- tayyor ishlar ko`rgazmasini tashkil etish metodikasi;

- qo`l kashtasini tikish va buyumda qo`llashni o`rgatish metodikasi;

- to`garak rejalarini tuza olish, reja asosida mashg`ulotlarni metodik jihatdan to`g`ri tashkil va tahlil qila olish;

• 
  o`quvchilar ishlarini to`g`ri baholay olishi.
  

- fanning standart talablarini bilish;

- o`quvchilarning ijodiy qobiliyatlarini o`stirish, fikrlash doiralarini kengaytirish; o`quvchilarning badiiy didini o`stirish, tejamkorlikka o`rgatish.

Fanning o`quv rejasidagi boshqa fanlar bilan o`zaro bo`g`liqligi,

uslubiy jihatidan uzviyligi va ketma-ketligi
Ushbu fanni o`zlashtirish uchun o`quvchilar umumta`lim fanlaridan fizika, kimyo, matematika,chizmachilik, tasviriy san`at, kasbiy ta`lim fanlaridan tikuvchilik gazlamashunosligi, tikuvchilik jihozlari,tikuvchilik texnologiyasi, zardozlik, tikuv buyumlarini loyihalash va modellash, pedagogika, bichish-tikishni o`rgatish metodikasi kabi fanlarni chuqur bilishlari talab etiladi. O`quv rejaga ko`ra yuqorida keltirilgan fanlar, gazlamaga badiiy ishlov berish, kashtachilik va uni o`qitish metodikasi fani bilan birgalikda o`zlashtirilishi lozim.
Fanni o`qitishda zamonaviy axborot va pedagogik texnologiyalari bo`yicha tavsiyalar

Bugungi kunda boshqa iste`mol mahsulotlari kabi kiyim va to`qimachilik mahsulotlariga yanada yuqori talablar qo`yilmoqda. Kiyimlarni bezatish jarayonida ishlab chiqilayotgan kiyimning zamonaviyligi, shakli, detallari, ulardagi bezaklarning mutanosibligi, hamda iqtisodiy tomonlarni hisobga olish lozim.

• 
  Ishlab chiqarishga oid fanlarni o`rgatish jarayoni turli xildagi ko`rgazmali o`quv qurollarini ko`rsatish bilan, darsdagi amaliy ishlari va ishlab chiqarish korxonaridagi amaliyot ishlarining o`zaro uzviy bog`langanliklari bilan olib borilishi lozim.
  
• 
  Qadriyatlarimizni qadrlashni o`rgatish, qadimiy meroslarimizni kelajak avlodlarga yetkazishni o`rgatishimiz kerak.
  
• 
  “Gazlamaga badiiy ishlov berish, kashtachilik va uni o`qitish metodikasi” fanidan dars berishda buyum-kiyimlarga oid barcha ko`rgazmali texnik vositalari, gazlama bo`laklaridan bezaklar tayyorlashga kerakli bo`lgan ish qurollari(chizg`ichlar, lekalolar, qog`ozlar, o`lchash va tikish vositalari) bo`lishi lozim.
  
• 
  Ta`lim berishning zamonga xos texnik vositaridan - slaydlar, multimediya va boshqa kompyuter dasturlaridan foydalanishi kerak.
  
• 
  O`quvchilarda ijodiy raqobat hosil qilish maqsadida ko`rgazmalar tashkil etish kerak.
  
• 
  Ma`lumki, ta`lim – ikki yoqlama jarayon. Bu jarayonda pedagog ham, o`quvchi ham faol bo`lishi kerak. Pedagog tomondan berilayotgan materialdan amaliy ishda ijodiy foydalanish didni, tadbirkorlikni rivojlantirishga, kiyinish madaniyati tushunchasini kengaytirishga, kasbiy bilimlarni chuqurlashtirishga yordam berishi kerak va o`quvchilar tomonidan bu axborotlar qanday qabul qilinayotganligini, “Teskari aloqa - bilim olish” yuzaga kelayotganligiga ishonch hosil qilishi kerak.
  

Kirish. Gazlamaga badiiy ishlov berish, kashtachilik va uni

o`qitish metodikasi fanining vazifalari.

Fanning maqsad, vazifalari, uning boshqa fanlar bilan o`zaro bog`lanishi. O`zbekiston Respublikasining “Ta`lim to`g`risida”gi Qonuni, “Kardlar tayyorlash milliy dasturi” Davlat talablari haqida. Fanning tarixi. Fan bo`yicha adabiyotlar.

I bo`lim. Gazlamalarni tayyorlash

1-mavzu. Gazlama turlari va ularni saralash usullari

Hozirgi davrda ishlab chiqarilayotgan gazlama turlari. Paxta va jun tolali gazlamalarni tikish xususiyatlari. Sun`iy va sintetik tolali gazlamalarning qo`llanilish darajasi. Gazlama turlari, namunalarini yig`ib, tabiiy va sun`iy gazlamalarning xususiyatlari bo`yicha guruhlarga ajratish.

2-mavzu. Gazlamalarni bo`yash usullari

Amaliy ish. Gazlamani bo`yashning ahamiyati va kamchiliklari. Uy sharoitida gazlamani bo`yash. Gazalamani bo`yash uchun rang tanlash. Turli ranglarni hosil qilish yo`llari. Ishlab chiqarish korxonalarida gazlamani bo`yash texnologiyasi haqida.

Mustaqil ish. Gazlamani uy sharoitida boyash.
II bo`lim. Kashtachilik va uni o`qitish metodikasi

1-mavzu. Kashtachilikda qo`llaniladigan jihoz va moslamar. To`garak ishlarini o`tkazish uchun moddiy ta`minot

Kashtachilikda qo`llaniladigan jihoz va moslamalar turlari: angishvona, qo`l ignalari, gardish, to`g`nog`ich, ip tortgich, qaychi va hokazo. Jihoz va moslamalarga qo`yiladigan talablar, ulardan foydalanishda xavfsizlik texnikasi qoidalari. To`garak o`tkazish uchun xonalarni tanlash jihozlash va bezatish.

2-mavzu. Kashta tikishga tayyorlash. Kashtachilik to`garagi tashkilotchisini mashg`ulotga tayyorlash metodikasi

Kashtado`zning ish o`rnini tashkil etish. Kashta tikish uchun gazlama, iplar, ish qurollarini tayyorlash. Amaliy san`at muzeyiga ekskursiya.

Kashtachilik to`garagi tashkilotchisini tayyorlashga qo`yiladigan talablar. To`garak rahbarlarining kasbiy malakalari. Kashtachilik to`garagi rejalari, turlari. To`garak rejasini tuzishga qo`yiladigan talablar. Kashtachilik to`garagi texnologiyasida o`quvchilarning ishlarini kuzatish va tahlil qilish.
3-mavzu. Kashta uchun naqsh va nusxa ko`chirish usullarini tanlash.

Kashta tikishga tayyorlashni o`rgatish metodikasi

Kashta uchun naqsh tanlash, uni ko`chirish usullari. Ko`chirgich, yupqa qog`oz, yorug`lik, iz tushirgich yordamida nusxa ko`chirish. Bezakni kattalashtirish yoki kichiklashtirish. Naqsh uchun rang tanlash qoidalari.

Kashtado`zning ish o`rnini tashkil etish. Kashta tikish uchun gazlama, ip, rang, bezak tanlash. Bezaklarni gazlamaga ko`chirish usullarini o`rgatish.

Mustaqil ish. Kashta tikish uchun naqsh ko`chirish, uni kattalashtirish.
4-mavzu. Kashtachilikda qo`llaniladigan chok turlarini tikish texnologiyalari.

Amaliy ish. Yo`rma (oldinga ilgarilatilgan) ilmoq, iroqi, yulduzcha, bosma, chindahayol, hamdo`zi, baxya, petlya, to`shama, Vladimircha, Aleksandrcha choklarini bajarish.

5-mavzu. Kashta tikilgan buyumga ishlov berish.

Kashtachilik to`garagida ijodiy ishlar ko`rgazmasini tashkil etish metodikasi

Amaliy ish. Kashta tikilgan buyumlarni yuvish, dazmollash.

Kashtachilik to`garagida tashkil qilinadigan ko`rgazmalar turlari va ularga qo`yiladigan talablar. Ko`rgazmani jihozlash va bezatish ishlari.

Kashtachilik bo`yicha tashkil qilingan ko`rgazmani kuzatish va tahlil qilish.
6-mavzu. Kashtachilikda qo`llaniladigan chok turlarini buyumda qo`llash

Amaliy ish.

a) Sanama (iroqi) chok turlaridan foydalanib buyumni bezash.

b) Ilmoq (zanjirsimon popop) chokini, oynasimon, qiyiq, dorpech kabi milliy buyumlarda qo`llash.

v) Yo`rma (igna ilgarilatadigan) suv chokini buyumda qo`llash. Milliy qiyiqchani bezash.

g) Yulduzcha chokida ko`zcha sirtini bezab tikish.

d) To`shama (ko`rpa), bosma chokidan foydalanib ertak, multfilm qahramonlari kompozitsiyasini yoki milliy palak bo`lagini bezash.

Mustaqil ish. Sanama chok yordamida foydalanib kashta tikish.
7-mavzu. Baxyasimon merejka chok turlarini tikish texnologiyasi va uni

o`rgatish metodikasi

Merejka tikish uchun gazlamani tayyorlash, popuk, ustuncha, yorma, chalishma, bog`lam, o`ram va bo`g`ma merejka namunalarini tikish. Merejka yordamida dasturxon chetini bezash.

Baxyasimon choklarning turlari. Choklarni tikish uchun materiallar tanlash va tikishni o`rgatish metodikasi.

Amaliy ish. Baxyasimon choklarni o`rgatish mashg`uloti uchun reja tuzish, ko`rgazma tayyorlashni mashq qilish.

Mustaqil ish. Merejka choki yordamida kashta tikish.

8-mavzu. Turli xalqlar kashtachiligida keng tarqalgan choklarni tikish texnologiyasi

a) Vladimircha choklarining bajarilishi va buyumda qo`llash. Choynak qalpog`ini bezash, yostiq jildini bezash, sochiqni bezash.

b) Aleksandrcha (silliq tekis chok) choklarini bajarish va buyumda qo`llash. Cho`chma guli, “qo`qongul” va turli guldastalarni, dasturxonni bezash.

v) Oq tekis chok. Oq tekis chokni bajarish. Yoqa, manjet, bluzka, taqilmasini oq tekis chok bilan bezash.

9-mavzu. Tayyor to`rga bezaklar tikish texnologiyasi. Qo`l kashtasini tikish va buyumda qo`llashni o`rgatish metodikasi.

Amaliy ish. 20 x 30 smli tayyor to`rga ertak qahramonlari asosida turli choklar yordamida bezak tikish.

Q`ol kahtasini tikish turlarini o`rgatish metodikasi. Qo`l kashtasini buyumda qo`llashni o`rgatish metodikasi. Q`ol kashtasini tikish bo`yicha mashg`ulot rejasini tuzish, ko`rgazma tayyorlash.

10-mavzu. Kashtachilikda applikatsiya qilish texnologiyasi va uni o`rgatish metodikasi.

Amaliy ish. Applikatsiya qilish usullari. Applikatsiyaga mo`ljallangan materiallar, rangning ahamiyati. Applikatsiya mavzulari va ularni gazlamaga tushirish texnologiyasi. Qo`lda va mashinada bajariladigan applikatsiyalar.

Chetlari merejka qilingan dasturxonga applikatsiya naqshini tanlab, uni bajarish. Kashtachilikda applikatsiya qilish uchun kerakli materiallarni tayyorlash. Applikatsiya qilish usullari turlari va ularni o`rganish metodikasi.

Mustaqil ish. Applikatsiya qilish. Dasturxon chetini applikatsiya qilish.
11-mavzu. Ko`z-ko`z (o`yma yoki resheli) chokini tikish texnologiyasi va uni o`rgatish metodikasi

Ko`z-ko`z choki yordamida yoqa va manjet, cho`ntakni bezash.

Ko`z-ko`z kashta tikishga tayyorlanish, uning turlari haqida tushuncha berish va tikishga o`rgatish metodikasi. Ko`z-ko`z kashta tikishni o`rgatish mashg`uloti rejasini tuzish va ko`rgazma tayyorlash.
III bo`lim. Gazlama qoldiqlaridan keng iste`mol buyumlarini yasash

1-mavzu. Oshxona anjomlarini tikish tehnologiyalari.

Amaliy ish. Gazlama qoldiqlaridan unumli foydalanishning ahamiyati. Oshxona anjomlari turlari va ularni tikish. Peshband turlari, bosh kiyimlar, sochiqlar, choynak tagliklari, choynak g`iloflari, qozon va choynak ushlagichlari tikish texnologiyasi bilan tanishish va ayrimlarini amalda tikib ko`rish. Oshxona buyumlarini: sochiqni va dasturxonni bezashda kashta namunalaridan foydalanish.
2-mavzu. Xona anjomlarini tikish tehnologiyalari.

Amaliy ish. Gazlama qoldiqlaridan gilamcha to`qish, stullarga ko`rpachalar tikish, yostiq jildlari uchun quroqlar tikish texnologiyasi bilan tanishtirish, namunalar tikish.

Mustaqil ish. Oshxona va xona anjomlarini tikib topshirish.
3-mavzu. Yumshoq o`yinchoq turlarini tikish texnologiyalari

Amaliy ish. Yumshoq o`yinchoq turlari va ularning ahamiyati. Yumshoq o`yinchoqlar tayyorlashda gazlama turi va rangini ajratib tanlash. Yumshoq o`yinchoqlar uchun andazalar tayyorlash. Yumshoq o`yinchoq namunalarini tikish.

Mustaqil ish. Murakkab yumshoq o`yinchoqlarni tayyorlash.
IV bo`lim. Turli materiallardan bezak turlarini yasash

1-mavzu. Gazlama turlari bilan ishlash texnologiyalari

Buyumni bezashda gazlama turlaridan foydalanish. Ranglarning bir-biriga mosligi jadvali bilan tanishish. Gazlama bo`ladigan bezaklar tayyorlash: burmalar, tugmalar, kantlar, belbog`lar, applikatsiya va hokazolar.

Mustaqil ish. Turli bezak namunalarini tayyorlash.
2-mavzu. Taxlama va burmalarni tikish texnologiyalari

Amaliy ish. Kiyimlarda taxlama, burmalarning ishlatilishi. Taxlama turlari: mayda taxlama, ro`para va bir yoqlamali, dioganal taxlamalar.

Taxlama turlari: mayda taxlamalar (plisse), yirik taxlamalar, oralangan taxlama, ro`para taxlamalar, gofre. Taxlamalarni bajaradigan asbob-uskunalar bilan tanishish. Taxlamani tayyorlash texnologiyasi ketma-ketligi. Uy sharoitida taxlamalarni tayyorlash usullari. Taxlama namunalarini tayyorlash. Burmalar turi: buff, vafli, merejka, shakldor burmalarni tayyorlash. Tasmalardan tayyorlanadigan buyumlar.

Mustaqil ish. Taxlamali yostiq jildini tikish.
3-mavzu. Charm bilan ishlash texnologiyalari

Amaliy ish. Charm turlari. Charm qoldiqlaridan to`g`ri foydalanishni o`rgatish. Sun`iy va tabiiy charmni buyumga tikish usullari. Sun`iy charmdan turli xil buyumlar: kamarlar, tapochkalar, kichik sumkachalar tikish. Charmdan applikatsiya namunalarini tikish: mavzuli, gulli, naqshli.
4-mavzu. Iplar bilan ishlash, turli bezaklar tayyorlash texnologiyalari

Amaliy ish. Iplarni bo`yash. Iplardan shnurlar tayyorlash va buyumda bezak sifatida foydalanish. Iplardan gajimlar tayyorlash. Makrame haqida ma`lumot. Turli buyumlarni qo`lda to`qish bilan tanishish. Guldon, panno, turli buyumlarni ipdan qo`lda to`qish.
V bo`lim. Gazlama qoldiqlaridan gul yasash

1-mavzu. Gul yasash asbob-anjomlari bilan tanishish. Gazlama bo`laklarini tayyorlash

Buyumlarni sun`iy gullar bilan bezatishning ahamiyati. Sun`iy gul turlari. Gul yasash uchun kerakli asbob-uskunalar, moslamalar. Gazlamani qotirish usullari.

2-mavzu. Gazlama bo`laklaridan sun`iy gullar tayyorlash texnologiyasi.

Amaliy ish. Gul detallarini bichish uchun andazalar tayyorlash va gulni bichish. Gul detallariga shakl berish va gulni yig`ish. Gazlama bo`laklaridan sun`iy gullar yig`ish.

Mustaqil ish. Gullardan buket tayyorlash.
3-mavzu. O`quvchilarni reyting asosida yakuniy baholash.

Amaliy ish. Tikilgan ijodiy, mustaqil ishlardan yakuniy ko`rgazma tayyorlash.

№	Mavzular nomi	Hammasi	Dars turi bo`yicha soatlar taqsimoti (auditoriya yuklamasi)						Mustaqqil ish
			Jami	Nazariy (ma`ruza)	Amaliy	Laboratoriya ishi	Seminar	Kurs ishi (loyihasi)
1	Kirish. Gazlamaga badiiy ishlov berish, kashtachilik va uni o`qitish metodikasi fanining vazifalari.	2	2	2