Онтогенез. Организмларнинг купайиши проэмбрионал ривожланиш

Мавзу: Одам аьзоларининг онтогенез
Аьзолар эволюцияси
Режа:

1. 
   ОНТОГЕНЕЗ.
   
2. 
   ОРГАНИЗМЛАРНИНГ КУПАЙИШИ
   
3. 
   Проэмбрионал ривожланиш
   

Барча тирик мавжудот ўзларига хос бўлган ҳаётни яшаганларидан сўнг ўлимга маҳкумдирлар. Ўлган организмлар ўрнига янги организмлар вужудга келади. Ҳар бир жонзотга ўзига ўхшаган организмни яратиш, зурриёт қолдириш хусусияти хосдир, шу туфайлигина мавжудотлар олами сақланиб қолади. Организмларнинг кўпайиши эвалюцион тарзда такомиллашиб борувчи жараён бўлиб, бу жараёнда тирик мавжудотлар турли усулда кўпаяди, яъни жинссиз ва жинсий йўл билан кўпайиши мумкин.

Жинссиз кўпайиш. Жинссиз кўпайиш энг содда, эволюция жараёнидаги илк бор пайдо бўлган кўпайиш усули бўлиб, бу кўпайишда битта организм иштирок этади. Шу организм ўз авлодларига барча хусусиятларини деярли ўзгармаган холда ўтказади. Жинссиз кўпайишнинг бўлиниш, эндогония, шизогония, куртакланиш, спорогония ва вегетатив кўпайиш хиллари фарқланади.
Жинссиз кўпайишнинг бўлиниш усули бир ҳужайрали организмларга, хос бўлиб, бу кўпайиш организмнинг митоз йўли билан кўпайишидир. Бўлиниш натижасида ҳосил бўлган икки авлод (ҳужайра) ўртасида генетик ахборот ва ички тузилмалар тенгма-тенг тақсимланади. Ҳосила организм (ҳужайра) ўсади ва қайта бўлинишга тайёрланиб, сўнг янги организмни яратади.
Эндогония —бу организм (ҳужайра) нинг алоҳида ички куртакланиши бўлиб, она ҳужайрадан иккита қиз организм ҳосил бўлади, яъни бир она ҳужайра ичида, унинг умумий ҳужайра қобиғи остида икки қиз ҳужайра шаклланади, шундай қилиб она ҳужайра фақатгина икки авлод беради. Бу усулда, масалан бир ҳужайрали паразит — токсоплазманинг кўпайиши рўй беради.
Шизогония. Айрим бир ҳужайралиларда, масалан, безгак плазмодийсининг жинссиз кўпайиши шизогония ядронинг кўп марта бўлиниш усули билан кечади. Ҳужайра (организм) шизогония билан кўпайганда, даставвал унинг ядроси бирин-кетин кўп марта бўлинади, ҳужайра цитоплазмаси эса бўлинмайди — цитокинез рўй бермайди. Сўнгра, она ҳужайра ичидан ҳар бир ҳосила ядро, бўлиниб кетган, майда цитоплазма билан ўралади — бир қанча қиз ҳужайра (организмлар) пайдо бўлади.
Киз ҳужайрадаги ирсий информация белгилари она организми белгиларига монанд равишда бўлади. Одатда, бу хилдаги кўпайиш жинсий кўпайиш билан давом этади.