Онлайн чиқиш тестларини топшириш тартиблари

Онлайн чиқиш тестларини топшириш тартиблари
Оналйн чиқиш тестлари https://testing.uzedu.uz/sinov сайтига кириб топширилади. Чиқиш тестларига Ҳудудий марказ масъул ходимлари томонидан берилган 6 та рақамли логин ва 4 та рақамли парол орқали кирилади. Чиқиш тестига кирганда компьютер экранининг юқори ўнг бурчагида сизнинг исм ва фамилиянгиз кўрсатилганига ишонч ҳосил қилинг.
Чиқиш тестларида 60 та савол бўлиб, уни бажариш учун 60 дақиқа вақт берилади. Ҳар бир тўғри жавоб 1 балл. Чиқиш тестларидан 42 балдан паст олган тингловчиларга умумий тест олиш жараёнидан тугагандан сўнг яна бир марта топшириш имконияти берилади.
Чиқиш тестларини топшириш учун интернет узлуксиз ишлайдиган шароит бўлиши керак. Акс ҳолда тест топшириш жараёнларида узилишлар ҳамда тест топшириш даврида тест программасининг қотиб қолиш ҳолатлари кузатилади. Бундай ҳолларда клавиатурадаги “F5” тугмасини бир марта босиш (обнавить) керак бўлади. “F5” тугмаси босилганда “продолжит” ёки “ок” хабари кўринади. Ўша хабарни босиб бир оз кутилади. Шунда тест программаси қотиб қолган жойидан яна давом этиб кетади.
Онлайн чиқиш тестларида ҳар бир вариант учун мутахассислик фани ўқув блокидан 38 та, Ўзбекистонда узлуксиз таълим тизимини ислоҳ қилиниши ўқув модулидан 2 та, Таълим-тарбия жараёнини ташкил этишнинг ҳуқуқий меъёрий ҳужжатлари ўқув модулидан 2 та, Таълим-тарбия технологиялари ва жаҳон тажрибаси ўқув модулидан 5 та, Ўқув жараёнини бошқариш психологияси ўқув модулидан 3 та, Амалий хорижий (инглиз) тили ўқув модулидан 4 та, Таълимда замонавий коммуникация технлогиялари (АКТ-1) ўқув модулидан 3 та, Таълим жараёнида педагогик дастурий воситалар (АКТ-2) ўқув модулидан 3 та тест саволлари, жами 60 та тест саволи тушади.