Олмалиқ филиали Кафедра

Ўзбекистон Республикаси Олий ва ўрта махсус таълим вазирлиги Ислом Каримов номидаги Тошкент Давлат Техника университети
Олмалиқ филиали
Кафедра:
« Кончилик иши »
Фан номи:
« Геомеханика »

Мустақил иш

Мавзу:
«Кон массиви тушунчаси»

Бажарди: 3БK-20KИ талабаси: Қаршиев Нурбек

Қабул қилди: _____________________
Олмалиқ 2021 йил
Мавзу: Кон массиви тушунчаси.
Режа:
Кириш
1. Кон жинслари массиви
2. Кон жинсларининг массивидаги ҳаракатини белгилаб берувчи физикавий ва физика-кимёвий хусусиятлар.
3. Кон жинсларининг геологик ва физика-механикавий хусусиятлари.
Ҳулоса
Фойдаланилган адабиётлар


Кириш
Муҳандислик геологиясида кон жинслари массивлари деб, ер қобиғининг геологик, гидрогеологик ва муҳандислик-геологик қонуниятлар билан тавсифланадиган, инсоннинг муҳандислик таъсирига дучор бўладиган қисмига айтилади.
Ер қобиғининг геологик қонуниятларини - геологик жинсларнинг шаклини ва фазовий жойлашувини, кон жинсларининг моддий таркибини ва тузилишини, уларнинг гравитацион тектоник майдонлар билан шаклланган табиий кучланган ҳолати белгилаб беради.
Очиқ усулда кон ишлари шароитларига нисбатан қўлланиладиган кон жинслари массив деганда эса, фойдали қазилмани фазиб олиш жараёни туфайли юзага келадиган барча муҳандислик-геологик ҳодисалар маҳаллийлаштириладиган, карьер, техноген уюмлар ва чегараланган зоналарни жойлаштирган ер қобиғининг бир қисми назарда тутилади.
Муҳандислик-геологик ҳодисалар – бу бортлар ва қазилмалар қияликларининг турли хил деформациялари (ўпирилишлар, кўчкилар, оқовалар, чўкишлар ва бошқалар).
Фойдали қазилмалар қазиб олинганда кон жинслари массивинингҳаракати, хусусан унинг турғунлиги табиий ва техноген каби икки гуруҳда бирлашиши мумкин бўлган кўп сонли омилларнинг қўшма ҳаракатига боғлиқ.
Омилларнинг табиий гуруҳи учта кичик гуруҳларга ажратилади:
1. Муҳандис-геологик – уларга кон массивининг кучланган ҳолати, кон жинсларининг табиий турлари ва хусусиятлари киради.
2.Гидрогеологик – гидростатик тортиш, гидродинамик босим, ғовакли босим, суффозия, эриш ва карст.
3.Физика-географик – об-ҳаво ёғингарчиликлари, ҳаво ва жинснинг ҳарорати, шунингдек жойнинг рельефи.
Юқорида қайд этиб ўтилган омилларнинг ҳар бири, қўшилувчан кон жинсларининг ички алоқалари табиатига қараб, қай даражададир массивнинг турғунлик шароитларини белгилаб беради. Ушбу аломатига қараб, кон жинслари учта асосий муҳандис-геологик турларга ажратилади:

1. 
   Қаттиқ боғламали (тошлоқ ва ярим тошлоқ) кон жинслари;
   
2. 
   Юмшоқ боғламали кон жинслари;
   
3. 
   Боғланмас (алоҳида доначали, сочилувчан) кон жинслар.