Ой мавзуси:”Гўзал баҳор” Ҳафта мавзуси:”Онамнинг куни”. Мартнинг ойининг 1- ҳафтаси

Ой мавзуси:”Гўзал баҳор”
Ҳафта мавзуси:”Онамнинг куни”.
Мартнинг ойининг 1- ҳафтаси.
Гуруҳ: Катта.
Фаолият тури: Нутқ ўстириш.
Мавзу: “Онамнинг куни”.
Мақсад: Болаларнинг баҳор байрами-8-март ҳақидаги ғояларини кенгайтириш.
Таълимий мақсад:Болаларни байрам тарихи билан таништириш.
Тарбиявий мақсад: Оналарга, бувиларга, опаларга нисбатан меҳр ва ҳурматни, уларага ғамхўрлик қилиш, кутимаган ҳодисалар, совғалар билан ҳурсанд қилишни тарбиялаш.
Ривожлантирувчи мақсад: Майда моторикани, нутқ кўникмаларини ривожлантириш.
Давлат талаби: Катта гуруҳда лозим бўлган билим ва кўникмаларни болаларга сингдириш. Бола нутқни тинглайди ва англайди, сўзлашади ва мулоқат қилади.
Фаолият учун кераклик жиҳозлар: Баҳор ва гуллар тасвирланган расмлар, слайд, самбуфер, чип, флешка, Ҳар – бир касб эгаларига тегишли расмлар ва буюмлар. Совғалар учун кетадиган нарсалар жамланмалари. Пластлин, оқ қоғоз ва хил қаламлар, қуёш учун марказда ишлайдиган болаларга етарли ойнакчалар ва карточкалар.
Фаолиятнинг бориши:Ташкилий дақиқа.
Тарбиячи:
Жаннат оналарнинг пойида эмиш,
Онадан туғилган пайғамбарлар ҳам.
Мунис онажонлар сочлари кумуш,
Топар дуосидан минг дардлар малҳам
Онам онажоним нури жаҳоним ,
Тенги ,тимсоли йўқ, фаришта онам.
Жаннат иси анқир жамбил , райҳоним
Чин ибрат макони ҳар ишда онам.
Болалар, бугун барчангизни кўриб турганимдан жуда ҳурсандман. Шеър мазмунидан фахмлагандирсиз. Бугунги ўйинларимиз фақат мунис онажонларимиз ижодига бағишланади. Келинглар энди меҳмонларимиз билан саломлашиб олайлик.
Тонг отади эрталаб-қўллар юқорига
Бизни чорлар она юрт-қўллар ўнга ва чапга кўрсатилади.
Мен уйимдан чиқаман-қўл билан ўзини кўрсатади.
Салом дейман кўчамга-қўллар у ён бу ёнга ҳаракатланади
Салом дейман ҳаммага-қўллар бош узра кўтарилади.
Салом дейман Баҳорга ҳам-қўллар пастга туширилиб гиламни силанади
Салом дейман Заминга -иккита қўл кўрсатқич бармоғи ёноққа қўйилади бош сараклатилади.
Салом дейман энг мўтабар
Мунис онажонимга -қўллар ақа-бақа силкинадилар.
Тарбиячи: Ҳаммамиз диққатимизни доскага қаратимиз.(Ёки слайд).
-Расмларда қайси йил фасллари берилган?
-Қиш фаслидан кегин баҳор келадими?
-Баҳорнинг биринчи ойи нима деб номланади?
-Баҳорда қанақа байрамлар бор?
-Биз баҳор байрамида биринчи бўлиб қайси байрамни нишонлаймиз?