Nodar Dumbadze “Abadiyat qonuni” asari

Nodar Dumbadze “Abadiyat qonuni” asari

Hayotimiz turli xil shaklda namoyon bo'ladigan o'ziga xos qonuniyatlarni o'z ichiga oladi. Guruzin millatining turmushini ma'naviy va madaniy jihatdan aks etirgan ushbu asar insoniyatni hayot mazmunini anglab yetishga, uning qonunlarini kashf etishga, inson taqdiri, tuyg'ularini g’oyibona his qilishga unday oladigan asar sifatida e’tirof qilsak arziydi. Fransuz respublikasi tug'ilgan kun(14-iyul)da o’z tug’ilgan kunini nishonlaydigan Bachana ismli qahramon taqdiri orqali yozuvchi har bir insonni o’z hayotiga bir nazar solib qo’yishga majbur eta oladi. Ushbu asar hozirgi zamon ijtimoiy-madaniy hamda ma’naviy-ma’rifiy turmushiga ham qaysidir jihatdan bog’liqligi mavjud bo’lgan, o’ziga xos “o’qituvchi” bo’la oladigan asardir. Asar sizni ota-ona mehrini his qila olmagan inson kechinmalari, o’rni kelganda o’ziga xos jasurlik, nafrat, himoya qo’rg’oniga aylana oluvchi, nafislikda gulni qizil rangga burkay oladigan qizning xaloskoriga aylangan, bir inson turmushini baxtning oppoq qorlari, bahorning yomg’irlaridek yog’ayotgan dilkashlik tuyg’ulari, yozning qaynoq kunlaridek mehr ostida yastangan buloq suvlari hamda kuzning oltin yaproqlari kabi jiloli yuzlarni quvonch bilan siylagan, insoniyatning eng pok qalblaridan biriga ega bo’lgan insonning muhabbat tuyg'ularidan bahramand bo’lishingizga yordam beradi. Bu asarni o’qish davomida sizda munofiq kimsalarning qilmishlariga nisbatan nafrat olovi, murakkab vaziyatlarda ishbilarmonlikka qiziqish, yaratganning inson uchun eng oliy tuhfasi sog’lom hayotga shukronalik hamda insonlar o’rtasidagi mehr-muhabbat, do’stlik, hamjihatlik, o’zaro insoniy muhtojlik paydo bo’ladi hamda siz o’zingiz uchun abadiyat qonunini kashf etasiz.

Toshkent davlat yuridik universiteti 1-kurs talabasi Azamov Abdulhay Baxtiyorjon o’g’li