Niyatimga yetkaz,ey Alloh Dardimga sheriksan,o’zingsan guvoh

Niyatimga yetkaz,ey Alloh

Dardimga sheriksan,o’zingsan guvoh

To’g’ri yo’lga boshla, o’zing bo’l ogoh

Xato qilib tovba qildimmi goh-goh

Niyatimga yetkaz , ey yolg’iz Alloh

Faqat boshimga ish tushganda eslab,

Aytganim bo’lmasa, bo’lsin deb tezlab

Xato yo’lga kirsam to’g’riyo’l izlab

Niyatimga yetkaz, ey yolg’iz Alloh

Orzularim ko’pdir, osmondan yiroq

Yo’limga qo’yishdi qopqon-u tuzoq

Yer qattiq bilingiz, osmon ham uzoq

Niyatimga yetkaz, ey yolg’iz Alloh

Otam-onam omon bo’lsalar bo’ldi

Ertaga umidlar barisi o’ldi

Bo’ldi xiyonatdan paymonam to’ldi

Niyatimga yetkaz, ey yolg’iz Alloh

Hech kim bo’lmasa ham o’zing bo’l panoh

Mendan xafa bo’lib yurgan odamlar

Dunyoning ishlari xilma-xil ,turfa

Odamlar topilar, sizdan-da xafa

Sizga shu jonimni qilaymi tuhfa

Mendan xafa bo’lib yurgan odamlar

Hayot omonatdir, tezda o’tadi

Kechirsangiz sizni jannat kutadi

Ishongan do’stingiz bir kun sotadi

Mendan xafa bo’lib yurgan odamlar

Yoshlikda ham bo’ldi har xil urushlar

Bizni ajrata oldi iymonfurushlar

Keyin afsus qilmang, xato bu ishlar

Mendan xafa bo’lib yurgan odamlar

Bu kunlar o’tadi,do’stlikni o’ylang

Qaytmaydi bu dunyo, qaytmas bu damlar

Xafalik to’xtating,yaxshilik yo’llang

Mendan xafa bo’lib yurgan odamlar

Sinfdosh

Umrning choragin o’tkazibmiz biz

Bazida urushdik qadrdonlarim

Davrani sog’indi bizning ko’zimiz

Keling, yig’ilaylik sinfdoshlarim

Oradan ko’p vaqtlar o’tdimi selday

Sizga dardim aytdim, siz sirdoshlarim

Umrning qolgani o’tmoqda yelday

Keling, yig’ilaylik sinfdoshlarim

Goho tanbeh berdi ustozlarimiz

Gohida maqtashdi dilimiz shodon

Shu kunlarga qaytib eslashaylik bir

Keling, yig’ilaylik sinfdoshlarim

Sizda muammo bor buni bilaman

Lek sizni sog’indi mungli ko’zlarim

Hatto ne desangiz shuni qilaman

Keling, yig’ilaylik sinfdoshlarim

Bazida yoshlikka qaytgim keladi

Gaplarim tinglangiz qadrdonlarim

Sizlarga bir gapni aytgim keladi

Keling, yig’ilaylik sinfdoshlarim

Ona

Uydan chiqsang, duolar bilan

Bilib qoygin umring o’tadi

Hatto tunlar mijja qoqmasdan

Uyda seni onang kutadi

Kelganingda jonim bolam deb

Peshongdan o’pib qoyadi

Ko’chadagi do’stingdan ko’ra

Uyda seni onang kutadi

Bazida-chi jufti haloling

Bir soniya yodga oladi

Har daqiqa esga oluvchi

Uyda seni onang kutadi

Senga yoqmas hech bir so’zlari

Hech qaysiga qilmassan parvo

Ulg’aytirgan yolg’iz o’zlari

Aytganlarin qilgin muhayyo

Bu g’animat dunyo o’tadi

Uyda seni onang kutadi

Ota

Bazida siz uchun so’z topolmadim

Goh ranjitsam, ko’nglingiz men ololmadim

Shuncha vaqt qadringiz nahot bilmadim

Ota , uyingizga men qololmadim

Kuzatdingiz ortimdan yig’lab ohista

Bag’ringizda unib o’sdim lek to’yolmadim

Hech bitta so’z demasdan ketsam-da asta

Ota , uyingizga men qololmadim

Goho sog’indingiz, gohida qo’msab

Pana-panalarda yig’labsiz ota

Yoshlikda beboshlik qilganim eslab

Sizni sog’inaman, sog’indim ota

Otamning so’zlari tillolarga teng

Boshing toshdan bo’lsin deb niyat qilar

Yana oldingiday jonim qizim deng

O’zidan o’tganin bir o’zi bilar

Hazil she’r

Bir uydan boshqa uyga

Kelarkan bir kelinchak

Begona u demasdan

Uni asramoq kerak

Qaynona bu onaday gap

Qaynota ota tengi

Uni hadeb niqtayvermang

Kuymasin oppoq yengi

Qaynopasi kunda kelib

Qilmasin jonin halak

Ota uyda shunday o’sgan

Nozik, parivash, malak

Qaynisingil dam o’qishga

Dam ishiga boradi

Lek kelindan ne o’tganin

Yolg’iz Xudo biladi

Ota uyni qo’msab hadeb

Yig’lasa ko’nglin oling

Axir u ham sog’inadi

Tez birga borib keeling

Keliningiz yomonlamang

U ham birov bolasi

Qaynota tez koyib qoying

Unday qilma onasi

Qaynona, qaynota mayli

Ovsinga ne hojat bor

Bo’ldi, bas qil yetar xotin

Desa ham qilmaydi kor

Ona bilan gaplashmoqqa

Also uning vaqti yoq

Qaynonaning har gaplari

Teshib o’tar go’yo o’q

Mebelni eng tozasini

Qilmabdi qudam o’lsin

O’zingiz ham qilib qoying

Uni qudangiz ko’rsin

Qizimning ham uyi tinsin

Der quda hech gapirmas

Ichidan ko’p gaplar o’tar

Lek yuziga aytolmas

Xullas, bu gap kimgadir rost

Kimga yolg’on bilmadim

Qaynonani nohaq qilib

Kelinni haq qilmadim

Qaytar dunyo bilib qoying

Qizingiz o’z izingiz

Qiz bir uyga ketar to’lib

Kelinchak chin qizingiz