Нарпайда ноқонуний тайёрланган алкогол маҳсулотлари йўқ қилинди

Нарпайда ноқонуний тайёрланган алкогол маҳсулотлари йўқ қилинди

Мамлакатимиз ҳудудига фуқаролар ва айрим тадбиркорлар томонидан ноқонуний олиб кирилаётган ёки истеъмол учун тайёрланган, тегишли ҳужжат ҳамда рухсати мавжуд бўлмаган маҳсулотлар йўқ қилиниши белгиланган.

Бюронинг вилоят бошқармаси ва Нарпай туман бўлими томонидан ижро ҳужжатлари асосида кўп миқдоридаги алкологолли маҳсулотлар йўқ қилинди.

Нарпайлик И.У. мўмай даромад орттириш мақсадида уйида яширин цех ташкил этиб, қўлбола усулда алкологол маҳсулотлари ишлаб чиқарган.
Ҳуқуқбузарга нисбатан суд томонидан тегишли тартибда қонуний чора кўрилди.

Махсус палигонда жиноят ишлари бўйича суднинг ижро ҳужжатлари ижросини таъминлаш мақсадида ашёвий далил сифатида расмийлаштириб олинган 36 турдаги 1068 дона алкогол маҳсулотлари, 60 литр спирт, 150 дона ҳар хил турдаги шиша қопқоқлар, 687 дона акциз маркалар суднинг қарорини ижро этиш давомида зарарсизлантирилди.
Тадбирда Бюронинг вилоят бошқармаси ҳамда Нарпай туман бўлими ходимлари ҳамкор ташкилотлар, холислар ва оммавий ахборот воситалари ходимлари иштирок этди.
Соҳиб ШЕРНАЗАРОВ,
Бюронинг Нарпай туман
бўлими давлат ижрочиси.