Н а м у н а!!! Xalq banki filiali Pensiya va nafaqa to‘lovlari bilan ishlash sho’’ba mudirining lavozim majburiyati

Н А М У Н А!!!


Xalq banki ___________________ filiali Pensiya va nafaqa to‘lovlari bilan ishlash sho’’ba mudirining lavozim majburiyati

1. 
   Xizmat vazifalari:
   
   1. 
      O'zbekiston Respublikasi Adliya vazirligi tomonidan 2018-yil 14-martda ro'yxatdan o'tkazilgan, 2980-son bilan ro'yxatga olingan, “O'zbekiston Respublikasi Aktsiyadorlik tijorat Xalq banki bo'linmalari orqali ishlamaydigan pensionerlarga pensiyalar, nafaqalar va boshqa to'lovlar to'lashni tashkil etish to'g'risida”gi Yo'riqnomaga amal qiladi.
      
   2. 
      “2020 yil 18 dekabrdagi 143/5-sonli Boshqaruv qaroriga ilova qilingan Xalq banki tizimida pensiya va nafaqa pullarini tarqatilishida maxsus xizmat avtomashinalaridan foydalanish to'g'risida"gi Vaqtinchalik tartibga rioya qiladi.
      
   3. 
      Xar oyning 4 sanasiga qadar tuman (shahar) Pensiya jamg'armasi tomonidan Fido Business Suite dasturi orqali jo'natilgan to'lov qaydnomalarini qabul qilish, to'g'riligini o'rganish, chop etish va mas'ullarga imzolatib (bank muxri), To'lov qaydnomalarni ro'yxatga olish kitobidan ruyxatdan o'tkazib sayyor kassalarga taqdim qilish.
      
   4. 
      Berilgan topshiriqlarni bajarilishi bo'yicha sayyor kassalar xodimlarini taqdirlash va jazo choralarini qo'llanilishi to'g'risida filial boshqaruvchisiga taklif beradi;
      
   5. 
      Sayyor kassalar tomonidan pensiya va nafaqa mablag'larini to'g'ri va to'liq o'z egalarigi yetib borishini hamda sayyor kassalarni to'satdan taftish o'tkazib, muntazam o'rganish;
      
   6. 
      Qonun buzilish holatlari aniqlanganda zudlik bilan filial rahbariga, zarur hollarda Bosh bankka tegishli tartibda xabar beradi.
      
   7. 
      Jismoniy va yuridik shaxslardan kelib tushayotgan murojaatlarni o'rnatilgan tartibda o'z muddatida ko'rib chiqilishini ta'minlaydi;
      

1.8 Xar oy to'lov yakunidan so'ng Pensiya jamg'armasi tuman (shahar) bo'limlari bilan akt-sverka va monitoringlar bo'yicha holatlarni o'rganish va tasdiqlash;


2. Nazorat vazifalari:

2.1. Sayyor kassalar xodimlari tomonidan ish tartibi, xizmat ko'rsatish madaniyati, ishonib topshirilgan moddiy qimmatliklar saqlanishi, planshet qurilmasini saqlash holatini nazorat qiladi;

2.2. Sayyor kassalar uchun berilgan shtamp, plobiratorlar va javobgarlikdagi hujjatlar bilan ishlash, ulardan to'g'ri foydalanish va talab darajasida saqlanishini nazoratga oladi;
2.3. Pensiya jamg'armasi tomonidan axborot tizimi orqali yuborilgan qaydnomalarni qog'ozga chop etadi va har bir varag'ini imzolaydi va Xalq banki filialining boshqaruvchisi va bosh buxgalteri tomonidan imzolanishi hamda muhr bilan tasdiqlangan bo'lishini ta'minlaydi;
2.4. Pensiya va nafaqalar tarqatish bo'yicha me'yoriy hujjatlarda belgilangan barcha kitoblarning to'g'ri va o'z vaqtida yuritilishini ta'minlaydi;
2.5. Sayyor kassa xodimlari bilan tuzilgan moddiy javobgarlik to'g'risidagi shartnoma talablari bo'yicha to'g'ri ish tashkil etilishini nazorat qilib boradi;
2.6. Sho''ba tomonidan Markaziy apparatga, viloyat filialiga va yuqori idoralarga topshiriladigan barcha hisobotlarni haqiqiyligini hamda o'z vaqtida taqdim etilishini nazorat qiladi;
2.7. Bank sirini tashkil qiluvchi ma'lumotlarni uchinchi shaxslarga oshkor qilmaslik;
2.8. Bank faoliyatini nazorat qiluvchi idoralar tomonidan filiallarda o'tkazilayotgan tekshiruvlar hamda ushbu yuzasidan rasmiylashtirilgan dalolatnomalar to'g'risida Markaziy apparatni o'z vaqtida xabardor qiladi.
3. Huquqlari:

3.1. Ish faoliyatida qo'llash uchun qonun va qoidalar hamda me'yoriy hujjatlarni, o'ziga va xodimlarga yetarli bo'lgan mehnat sharoitlarini tashkil qilinishi, shu jumladan har bir xodimni ish joyi, kompьyuter texnikasi, telefon aloqasi va me'yoriy hujjatlar bilan ta'minlanishi va o'z malakasini oshirishi uchun sharoit yaratilishi;

3.2. Faoliyatiga taalluqli bo'lgan tadbirlarda, shu jumladan yig'ilishlar, majlislar, seminarlarda ishtirok etishi;
3.3. Sho''ba xodimlarni moddiy va ma'naviy rag'batlantirish, ularga nisbatan intizomiy jazo choralarini qo'llash bo'yicha o'rnatilgan tartibda taklif kiritish.
4. Javobgarligi:
4.1. Sho''ba mudiri sho'ba faoliyatini yuritilishiga shaxsan javobgar hisoblanadi, amaldagi me'yoriy xujjatlarda ko'rsatib o'tilgan majburiyatlarni bajarmaganlik uchun Sho'ba mudiri O'zbekiston Respublikasi mehnat qonunchiligida belgilangan tartibda intizomiy javobgarlikka tortiladi;
4.2. Sho''ba mudiri O'zbekiston Respublikasi Mehnat Kodeksining 176-moddasiga asosan xodim o'z mehnat vazifalarini halol, vijdonan bajarishi, mexnat intizomiga rioya qilish ish beruvchining qonuniy farmoyishlarini o'z vaqtida va aniq bajarishi, texnologiya intizomiga, mehnat muhofazasi, texnika xavfsizligi va ishlab chiqarish sanitariyasi talablariga rioya qiladi.
O'qib chiqib, tanishdim va imzo qo'yib
bir nusxasini oldim:


Xalq banki ______________ filiali
Pensiya va nafaqa to'lovlari bilan
ishlash sho''basi mudiri: __________ ______________________________
(imzo) (familiyasi, ismi, otasining ismi)
«____» ____________ 2022 yil.