Mundarija: Nazariy qism 3

Abituriyentlar uchun

INFORMATIKA

fanidan o`quv qo`llanma

Toshkent 2016

Mundarija:

Nazariy qism -------------------------------------------------------------------------------3

Sanoq sistemalari --------------------------------------------------------------------------9

Logika -------------------------------------------------------------------------------------13

Microsoft Excel--------------------------------------------------------------------------14

Pascal--------------------------------------------------------------------------------------16

HTML-------------------------------------------------------------------------------------23
Nazariy qism
“Informatsiya” so‘zi turli tillarda ishlatilib, ma’nosi turlicha talqin qilinsa ham ularning asosida lotincha informatio so‘zi yotadi. U «ma’lumot», «tushuntirish», «tavsiflash» degan ma’noni anglatadi. O‘zbek tilida informatsiya so‘zi axborot deb tushuniladi.

XX asrning 50-yillarida yangi fan – informatikaga asos solindi. Informatika termini (fransuzcha: informatique) fransuzcha information (axborot) va automatique (avtomatika) so‘zlari negizida hosil bo‘lgan. Uning tarjimasi “axborotli avtomatika” degan ma’noni bildiradi.

Informatika – kompyuter texnikasini qo‘llashga asoslanib inson faoliyatining turli sohalarida axborotlarni izlash, to‘plash, saqlash, qayta ishlash va undan foydalanish masalalari bilan shug‘ullanuvchi fandir.
Informatika uchun asosiy ashyo axborot.
Informatika fanini kompyutersiz tasavvur qilib bo‘lmagani kabi sizga tanish bo‘lgan kompyuterning Hardware (Texnik yoki qattiq qism) va Software (Dasturiy yoki yumshoq qism) tushunchalari birgalikda qaraladi.
IX–X asrlarda Forobiy bilish jarayonini ikki bosqich – aqliy bilish va hissiy bilishdan iborat bo‘lib, ular o‘zaro bog‘liq, lekin biri boshqasisiz vujudga kelmasligini alohida ta’kidlaydi. Forobiy “Ilm va san’atning fazilatlari” risolasida tabiatni bilish jarayoni cheksizligini, bilim bilmaslikdan bilishga, sababni bilishdan oqibatni bilishga, sifatlardan mohiyatga qarab borishini va buning asosida, ilmning borgan sari ortib, chuqurlashib borishini ta’kidlaydi.
Klod Shennon axborotni narsa haqidagi bilimlarimizdagi noaniqlikning bartaraf etilishi kabi e’tirof etadi.

Kibernetika fanining asoschisi Norbert Viner axborotni bizni va sezgilarimizni tashqi olamga moslashuvimizdagi mazmunni ifodalash, deb qaraydi.

AXBOROT deganda biz barcha sezgi a’zolarimiz orqali borliqning ongimizdagi aksini yoki ta’sirini, bog‘liqlik darajasini tushunamiz.
Axborotning asosiy xususiyatlari: qimmatli, to`liq va ishonchli.