Mundarija kirish korxonaning tarixi va o`tmishi Korxonaning tashkiliy tuzilmasi va boshqaruv faoliyati Korxonaning iqtisodiy faoliyati va Rejalashtirish jarayonlari. Xulosa va takliflar foydalanilgan adabiyotlar ro`yxati kirish

MUNDARIJA

1. Kirish …………………………………………………………

2. Korxonaning tarixi va o`tmishi ..……………………………..
3. Korxonaning tashkiliy tuzilmasi va boshqaruv faoliyati .…….
4. Korxonaning iqtisodiy faoliyati va Rejalashtirish jarayonlari.
5. Xulosa va takliflar ……………………………………………
6. Foydalanilgan adabiyotlar ro`yxati …………………………..


KIRISH
Bilamizki, har qanday muvaffaqiyatning zamirida albatta, chuqur egallangan nazariy bilimlar jamlanmasi yotadi. Hech kimga sir emaski, bilimning asosiy manbasi bu shak-shubhasiz kitob sanaladi. Garchi hozirgi zamonaviy dunyomizda ba`zi bilimlarni internet saytlaridan, ko`pgina ijtimoiy tarmoq turlaridan o`rganishning imkoni mavjud bo`lsa-da, lekin bir narsani aslo unutmasligimiz lozim: internetdagi bilimlarning deyarli katta qismi, tan olishimiz kerak aynan kitoblardan olingan bo`lib chiqadi. Shu bois, “Kitob – bilim bulog`i”, - deydi dono xalqimiz. Quvonarlisi shuki, mamlakatimizda so`ngi 5-10 yillikda kitob o`qishga katta e`tibor qaratilmoqda. Yoshlarni va bolalarni kitob o`qishga undash uchun, ularni to`g`ri yo`lga boshlash uchun turli xil kitobxonlik tanlovlarining muntazam o`tkazib kelinayotgani, eng asosiysi ularni rag`batlantirishning yo`lga qo`yilganligi hamda qimmatbaho ajoyib sovg`alar va pul yutuqlarinining berilayotgani taxsinga sazovor desak, aslo yanglishmagan bo`lamiz. Yoshlarga motivatsiya berishning bunday ko`rinishi, sezilarli darajadagi katta o`zgarishlarga sabab bo`ldi. Eng muhimi o`z samarasini berishni boshlagani odamni juda ham xursand qiladi.
Muvaffaqiyatga erishishning asosiy sirlaridan biri bu bilim olish bo`lsa, uning sirlarini ochuvchi kalit deya, “tajriba”ni aytishimiz mumkin. O`rganganlarimizni, egallagan bilimlarimizni amaliyotga tadbiq etmasak, hayotda ulardan kutilgandek natijalarga erishishning iloji yo`q nazarimda. Bilimlardan manfaat olishimiz uchun albatta, ularni amaliyotda sinab ko`rgan holda, tajriba qilishimiz maqsadga muvofiq bo`ladi. Agarda biz bilim egallasak-u, uni amalda qo`llab ko`rmasak, bu xuddi qo`limizda sopi yo`q, faqatgina dastasi mavjud bo`lgan bolta bilan o`tin yorgandek gap.
Inson kelajakdagi egallaydigan kasbining haqiqiy mutaxassisi bo`lishi uchun nafaqat bu mutaxassislikka oid ilmiy-nazariy bilimlarni chuqur egallashi, balki uning amaliy ko`nikmalarini ham ko`z bilan ko`rib, qo`l bilan ushlagan holda mukammal o`rganishi talab qilinadi. Aytib o`tish joizki, hozirgi kunda mamlakatimizdagi oliy ta`lim dargohlarida talabalarga nazariya bilan bir qatorda amaliyot o`tash uchun ham imkoniyat yaratib berilgan. Bu yo`l bilan talaba yoshlarning o`rganganlari yanada mustahkamlanib boradi desak, mubolag`a bo`lmaydi. Xususan, bunday shart-sharoitlar va imkoniyatlar bizning o`quv dargohimiz bo`lmish, Navoiy davlat konchilik institutida ham mavjud ekanligi barchaga ma`lum bo`lsa kerak. Zero, O`zbekistonimizda yetakchi sohalardan biri sanaladigan konchilik sohasida har jihatdan yetuk bo`lgan mutaxassis kadrlarni tayyorlashda, aynan Navoiy kon-metallurgiya kombinati tarkibidagi ishlab chiqarish korxonalarida talabalarning bevosita amaliyot o`tashi muhim rol o`ynaydi. Bu orqali talabalarda ishlab chiqarish to`g`risida yetarlicha tasavvur uyg`onsa va kelajakda qanday kasb egasi bo`lishidan tortib, nima ish bilan shug`ullanishi haqida anchagina ko`nikmalar paydo bo`lsa ajab emas. Shu jumladan, 2019-yilda institutdagi professor o`qituvchilar va iqtisoddan dars beruvchi bir nechta jonkuyar ustozlar tashabbusi va tinimsiz xatti-harakatlari natijasi o`laroq ochilgan “Iqtisodiyot (tarmoqlar va sohalar bo`yicha)” yo`nalishiga ham katta e`tibor qaratilgan deb aytsak, sira xato bo`lmaydi. Joriy o`quv yili yakuniy imtihonlari o`z nihoyasiga yetgach, mazkur yo`nalish talabalariga 2-bosqichning o`quv va ishlab chiqarish amaliyotini o`tash uchun 10 hafta muddat berilgani, kelgusida kombinat tizimida kuchli iqtisodchi sifatida va o`z ishini puxta bilgan mutaxassis kabi faoliyat olib borishlariga zamin yaratadi albatta. Yaratib berilayotgan bunday imkoniyatlarni ko`rib, biz talaba yoshlarning ko`zi quvnaydi. Bizni yanada xursand qiladigan jihat shundaki, biz talabalarga qulayliklar yaratish maqsadida, har birimizga o`zimiz doimiy ravishda istiqomat qiladigan hududda amaliyot o`tashimizga ruxsat berilganidir.

Men, bo`lajak iqtisodchi sifatida 10 haftalik amaliyotda maksimal darajada barcha bilim va ko`nikmalarni egalashga hamda sohaning zarur bo`lgan sir-asrorlarini o`ganishga qo`ldan kelgancha harakat qildim. Men Navoiy kon-metallurgiya kombinatining muhim bo`laklaridan, boshqacha qilib aytganda, “yuragi” hisoblanadigan Markaziy kon boshqarmasida amaliyot o`tashni xohlagandim va aynan shu joyni institutdagi o`qituvchi rahbarlarimning tavsiyasiga binoan tanladim. Markaziy kon boshqarmasi rahbariyati menga “Temir yo`l transport boshqarmasi”(TYTB)da amaliyot o`tashim uchun yo`llanma orqali ruxsat berishdi. Amaliyot qanday o`tganligi haqida tayyorlagan hisobotim davomida batafsil tafsilot berishga harakat qilaman.