Moliyaviy natijalarini shakllantirish tartibini takomillashtirish

---

O‘ZBEKISTON RESPUBLIKASI VAZIRLAR MAHKAMASINING

QARORI

XO‘JALIK YURITUVCHI SUBYEKTLARNING XARAJATLARINI HISOBGA OLISH VA

MOLIYAVIY NATIJALARINI SHAKLLANTIRISH TARTIBINI TAKOMILLASHTIRISH

TO‘G‘RISIDA

Daromad  (foyda)  solig‘ini  hisoblab  chiqishda  xo‘jalik  yurituvchi  subyektlarga  soliq

yuklamasini  kamaytirish,  soliq  solinadigan  bazani  yanada  real  aniqlash  va  ularning

xarajatlarini  hisobga  olish  hamda  moliyaviy  natijalarini  shakllantirish  metodologiyasini

takomillashtirish maqsadida Vazirlar Mahkamasi qaror qiladi:

1. Quyidagilarga:

O‘zbekiston  Respublikasi  Vazirlar  Mahkamasining  1999-yil  5-fevraldagi  54-son  qarori

(O‘zbekiston  Respublikasi  QT,  1999-y.,  2-son,  9-modda,  2003-y.,  6-son,  44,  45-moddalar)  bilan

tasdiqlangan  “Mahsulot  (ishlar,  xizmatlar)ni  ishlab  chiqarish  va  sotish  xarajatlarining  tarkibi

hamda moliyaviy natijalarni shakllantirish tartibi to‘g‘risidagi nizom”ga 1-ilovaga muvofiq;

O‘zbekiston  Respublikasi  Vazirlar  Mahkamasining  “Me’yorlanadigan  ayrim  xarajatlar

normativlarini  tasdiqlash  to‘g‘risida”  1999-yil  9-apreldagi  166-son  qaroriga, 2-ilovaga muvofiq

o‘zgartirish va qo‘shimchalar kiritilsin.

2. O‘zbekiston Respublikasi Moliya vazirligi Adliya vazirligi bilan birgalikda “Mahsulot

(ishlar,  xizmatlar)ni  ishlab  chiqarish  va  sotish  xarajatlarining  tarkibi  hamda  moliyaviy

natijalarni  shakllantirish  tartibi  to‘g‘risida  nizom”,  shuningdek  unga  sharhlar  mazkur

qarorning 1-bandi bilan kiritiladigan o‘zgartirish va qo‘shimchalar hisobga olingan holda e’lon

qilinishini ta’minlasin.

3.  Vazirliklar  va  idoralar  bir  oy  muddatda  o‘z  normativ  hujjatlarini  mazkur  qarorga

muvofiqlashtirsinlar.

4.  Mazkur  qarorning  bajarilishini  nazorat  qilish  O‘zbekiston  Respublikasi  Bosh

vazirining o‘rinbosari R.S. Azimov zimmasiga yuklansin.