Mirzo Ulugʻbek nomidagi Oʻzbekiston Milliy Universiteti
Biologiya fakulteti 302-guruh talabasi Ergashev
Shohobiddin ning enzimalogiya fanidan
MUSTAQIL ISHI
Mavzu: Oziq ovqat sanoatida fermentlarning qoʻllanilishi
Reja:
1. Fermentlarning taʼsir mexanizmi
2. Amilaza fermentining sanoatda qoʻllanilishi
3. Invertaza fermentining oziq ovqat sanoatida qoʻllanilishi
4. Xulosa
Fermentlar - tirik hujayra tarkibiga kiruvchi murakkab organik birikmalar boʻlib
turli xil kimyoviy moddalarni biokimyoviy reaksiyalar davomida o ‘zgarish jarayonini
tezligini ta’minlovchi katalizatorlar hisoblanadi. Fermentlar tirik hujayralar tarkibiga
kirsada, bir qator fermentlarni hujayradan ajratib olish va faolligini yoʻqotmagan holda
invitr sharoitida foydalanish mumkin.
Qadim zamonlardan boshlab odamlar oʻz xoʻjalik faoliyatida pivo ishlab chiqarish, non yopish,
pishloq tayyorlash kabi jarayonlarda fermentlar faoliyatidan bu jarayon mexanizmlaridan
tushunmagan holatda foydalanib kelishgan. Bu jarayonlarning amalga oshish mexanizmlarining
yoritilishi bevosita bu yo ‘nalishdagi ishlarning tez rivojlanishiga olib kelgan.
Enzimopatiya yoki fermentopatiya deb ataluvchi turli ferment tizimi funksiyalarining buzilishi
kishida koʻpchilik kasalliklarning kelib chiqishiga sabab boʻladi.
Turli omillar (radiatsiya, kimyoviy moddalar, viruslar, bakteriyalar va boshqalar) tufayli
fermentning optimal taʼsir etish sharoiti oʻzgarganda fermentning qondagi faolligi pasayishi
kuzatilgan. Uning bu xususiyatidan diagnostikada foydalaniladi. Fermentning qon zardobidagi
faolligini aniqlash usuli keng qoʻllaniladi. Bu usul yordamida kasallikni boshlanish paytida
aniqlash mumkin.
Ferment kasalliklarni aniqlashdagina emas, balki shu kasalliklarning ayrimlarini
davolashda (enzimoterapiya) ham qoʻllaniladi.
Kishilarning amaliy hayotida, shuningdek, yengil, oziq-ovqat va kimyo sanoatlarida
fermentlardan keng foydalaniladi.
Ba’zi fermentlar va ularning qoʻllanilish sohalari:
a-Amilaza - Pivo, spirt ishlab chiqarishda
Aminoatsilaza - L-aminokisIota olishda
Bromelain - Goʻshtni yumshatish, sharbatlarni tiniqlashtirishda
Katalaza - Tayyor oziq mahsulotlari uchun antioksidant sifatida
Sellyuloza - Spirt va glukoza olishda
Fitsin - Goʻshtni yumshatish, sharbatlarni tiniqlashtirishda
Glukoamilaza - Pivo, spirt ishlab chiqarishda
Glukozoizomeraza - Tarkibida fruktoza miqdori koʻp boʻlgan sharbatlar tayyorlashda
Glukozooksidaza - Tayyor oziq mahsulotlari uchun antioksidant sifatida
Invertaza - Saxaroza inversiyasida
Lipaza - Pishloq tayyorlash, aromatizatorlar olishda
Pektinaza - Spirt olishda, sharbatlarni,tiniqlashtirishda
Proteaza - Spirt olishda „detergent‘' sifatida ishlatiladi.
Lipaza - Glitserindan yogʻ kislotalari olishda
Amilazalar – uglerodning 1- va 4-atomlari o‘rtasidagi glyukozid bog‘larini
parchalash yo‘li bilan kraxmal, glikogen va ularga yaqin polisaharidlar
gidrolizini tezlashtiruvchi fermentlar. Uchta xili bor: a-amilaza hayvon, o‘simlik va
mikroorganizmlarda uchraydi; u ish-tirok etadigan reaksiyalarda asosan
dekstrinlar hosil bo‘ladi. (3-amilaza yuksak o‘simliklarga xos bo‘lib,
maltoza va yirik molekulali dekstrinlar hosil bo‘lishini tezlashtiradi.
Glyukoamilaza hayvonlar qoni, mog‘or zamburug‘lari, bakteriyalar va
boshqalarda bo‘lib, glyukoza va dekstrinlar hosil bo‘lishini tezlashtiradi.
Odatda polisaharidlar gidrolizida turli xil amilazalar baravariga qatnashadi.
Unib chiqqan arpa urug‘lari ekstrakti ta’sirida kraxmalning shakarlanishini
rus akademigi K. S. Kirxgof birinchi marta tasvir et-gan (1814).
Amilazaning fiziologik ahamiyati shuki, u hujayralardagi polisaharidlar zaxirasini
safarbar qiladi (masalan urug‘ unayotganda).
Ovqat hazm qilishda ham Amilazaning ahamiyati katta; hayvonlar
hamda odamning so‘lagida va me’da osti bezining shirasida amilaza bor.
Mikroorganizmlar kraxmalni iste’mol qila turib amilaza chiqaradi.
Mog‘or zamburug‘lari bilan bakteriyalardan olinadigan a- amilaza
spirt sanoatida va non yopishda, glyuko-amilaza esa kraxmaldan glyukoza
ishlab chiqarishda qo‘llaniladi.
Invertazani qo`llanish jarayonini xuddi uni katalitik reaktsiyalarni olib borishi
kabi ikki guruxga ajratish mumkin. Birinchisi bu fermentning gidrolitik funktsiyasi
bo`lib, unda ferment disaxarid xisoblangan saxarozani glyukoza va fruktozaga parchalaydi.
Mazkur jarayon asosan oziq-ovqat sanoatida sun`iy asal, invert sirop, fruktoza
siropini olishda va boshqa maqsadlarda qo`llaniladi . SHuningdek, mazkur ferment
konditer va non sanoatida va suyuq va yumshoq nachinkali qandlar ishlab chiqarishda
qo`llaniladi. Sanoatning mazkur soxalarida fermentning gidrolitik faolligidan foydalanilgan
xolda amalga oshiriladi.Ikkinchi muxim funktsiyasi uning transferaz faolligi xisoblanib,
mazkur jarayon faqatgina suv-organik muxitda amalga oshadi.
Non sanoatida invert siropni xamirga qo`shish maxsulot tarkibidagi
shakar miqdorini pasaytiradi. Non tarkibidagi fruktooligosaxaridlar
(kestoza va nistoza) qandli diabet bilan kasallangan bemorlarni davolashda
keng qo`llash mumkin.Invertaza faolligidan foydalangan xolda difruktozalar olish imkoniyati
Tokyo Kasei Kogyo Co (Yaponiya) firmasi tomonidan amalga oshirilgan.
Bunda 48 soat davomida (rN 6,0) 30% li fruktoza va 50% li saxaroza
eritmasidan 177mg/ml difruktozalar olingan.
Pivoning kolloid barqarorligini oshirishning eng samarali usuli stabilizatorlar
bilan ishlov berishdir. Stabilizatorlarning tarkibini faol komponent sifatida
proteolitik fermentlar tashkil etadi. Pivo ishlab chiqarish korхonalarida
o‘simlik va mikroblardan olingan proteolitik fermentlardan foydalaniladi.
O‘simliklardan olingan proteolitik fermentlar kollupulin yoki chiloko
nomi bilan mashhur. Kollupulin nomli ferment pivoning oqsillarini parchalaydi,
pivoning ta’mi, hidi va ko‘pik hosil qilishiga ta’sir etmaydi.
Bu preparat 1 gl (100 l) pivoga 1–5 g miqdorda solinadi.
Bakteriologik ferment preparatlarga protosubtilin, protorizin, amilorizin
va boshqa fermentlar kiradi. Bu ferment preparatlar bijg‘ishni davom ettirish
bo‘limida filtrlash jarayonidan keyin ishlatiladi yoki bijg‘ishni davom ettirish
jarayoni oхirlaganda apparatga bosim ostida dozalab yuboriladi yoki quyishdan
avval bosim sig‘imlariga beriladi. Ferment preparatlari ishlatishdan avval kam
miqdordagi pivo bilan eritib olinadi.
Do'stlaringiz bilan baham: |