Milliy istiqlol g‘oyasi va ma’naviyat asoslari


Buxoro. Bahouddin Naqshband maqbarasi



Download 1,29 Mb.
bet5/17
Sana11.12.2019
Hajmi1,29 Mb.
#29415
1   2   3   4   5   6   7   8   9   ...   17
Bog'liq
Mill ist asoslari


Buxoro. Bahouddin Naqshband maqbarasi
Doimiy ezgu harakat bunyodkorlikdir. Chin dildan harakat qilmaydigan, o‘ylamaydigan, mustaqil fikrlay olmaydigan, kim nima buyursa, indamasdan bajarib ketaveradigan odamning ishini esa bunyodkorlik deb bo‘lmaydi. Faqat sidqidildan qilingan meh- natdan haqiqiy mo‘jizalar bunyodga keladi.

Bunyodkor mehnat mahsuli bo‘lgan mo‘jizalarni dunyoda ko‘plab uchratish mumkin. Misr ehromlari, Rim, Parij va Ve- netsiya shaharlari, ko‘hna Sharq obidalari ana shunday mo‘jizalar- dir. Yurtimizdagi Samarqand, Buxoro va Xiva singari ko‘hna shaharlar, Registon, Shohizinda, Minorayi Kalon, Buxoro Arki, Ichanqal’a kabi noyob me’moriy obidalar, «Shashmaqom»dek betakror san’at durdonalari ham insoniyat aql-zakovati bilan yaratilgan mo‘jizalar qatorida turadi.



Biz buyuk ajdodlarimizdan meros bunday boyliklarimiz borligidan g‘ururlanib yashaymiz, o‘zimiz ham kelajakda ana shunday bunyodkorlik ishlarini amalga oshirishga harakat qilamiz.

Aziz o ‘quvchi, buning uchun siz qanday o ‘qishingiz, nimalarga ko‘proq e’tibor berishingiz kerak?

Xalqimizga xos bunyodkorlik an’analari mustaqillik yillarida qayta tiklanib, munosib davom ettirilmoqda. Bunda Prezidentimizning istiqlolning birinchi yillaridan boshlab «Yangi uy qurmay turib eskisini buzmang» degan g‘oya bilan endi shakllanayotgan yangi jamiyatimiz uchun bunyodkorlikni asosiy maqsadga aylantirgani ulkan ahami­yatga ega bo‘ldi. Chunki, biz mustaqillikka erishgan 1991-yil, undan keyingi dastlabki yillar juda murakkab davr edi. O‘shanda ba’zi davlatlar mustaqillik g‘alabasidan qandaydir mag‘rurlanib, endi yangi jamiyat quramiz deb, yaratishdan ko‘ra buzishga ko‘proq berilib ketgan edi. Lekin yangi jamiyatni bir kunda, hatto bir-ikki yilda ham qurib bo‘lmaydi. Bu — uzoq davom etadigan, ko‘p izlanish va tajribalarni, doimiy mashaqqatli mehnatni talab qiladigan o‘ta og‘ir jarayon. Bu haqiqatni chuqur anglagan davlatimiz rahbari eski jamiyat binosini saqlab turgan holda, yangisini bosqichma-bosqich qurib borish yo‘lini tanladi.

Bu yo‘lning ahamiyati shundan iborat bo‘ldiki, u avvalo yurtdoshlari- miz qalbidagi bunyodkorlik tuyg‘usini uyg‘otdi, ularni buyuk ajdodlarimiz an’analarini munosib davom ettirishga undadi. Shuning uchun mustaqillik yillarida shahar va qishloqlarimiz har tomonlama obod bo‘ldi, yangi- yangi maktablar, litsey va kollejlar, oliy o‘quv yurtlari, muzeylar, teatrlar, zamonaviy korxonalar, muhtasham turar-joylar, go‘zal xiyobonlar, ravon yo‘llar, bozorlar, ko‘priklar yurtimiz chiroyiga chiroy qo‘shmoqda. «Bunyodkor» degan nom tilimizdagi eng ko‘p ishlatiladigan so‘zlardan biriga aylanib, yurtimizda shu so‘z bilan ataladigan go‘zal maskanlar, tashkilot va jamoalar paydo bo‘ldi.



f Odamzot ezgulikka qarab intilgani sari uning tafakkurida bun­yodkor g‘oyalar tug‘ilaveradi.

Xalqimiz: «Intilganga tole yor»,— deydi. E’tibor berganmisiz, ota- onalar o‘z bolalarini sog‘lom va barkamol qilib voyaga yetkazgani sayin ularning qalbida yangi-yangi orzular tug‘iladi: bolalarimni o‘qitsam, el- yurtga to‘y bersam, ularni uyli-joyli qilsam, nevaralarimning baxtini

ko‘rsam, degan niyatlar bilan yashaydi. Agar ularning ko‘nglida ezgu maqsadlar bo‘lmasa, ertangi kuniga ishonch bilan qaramasa, shuncha orzu-umidlar qayerdan paydo bo‘lar edi?

Bunyodkor g‘oyalar insonlar va xalqlar qalbidagi ezgu maqsad- lardan paydo bo‘ladi.

Bugungi kunda insoniyat oldidagi umumiy xavf-xatarlarga qar- shi millatlar va xalqlarni birlashtirishda bunyodkor g‘oyalar katta ahamiyat kasb etmoqda. Zamon talablariga mos ravishda o‘tkazi- layotgan turli tadbirlarda bunday g‘oyalar asosiy o‘rin tutmoqda. Masalan, xalqaro sport musobaqalari, ilmiy-madaniy anjumanlar, san’at bayramlari, kinofestivallarda dunyodagi taraqqiyparvar kuchlarni birlashtirish, do‘stlik, inoqlik, tinchlik-totuvlik kabi ezgu g‘oyalarga ustuvor ahamiyat berilmoqda.

Siz insonga berilgan ko‘pgina ta’riflarni eshitgan bo‘lsangiz kerak. Insonni — Yaratganning buyuk mo‘jizasi, ulug‘ va betakror zot, tabiat gultoji, aql-idrok, tafakkur egasi, deymiz. Bu ta’riflarning barchasi to4g4ri. Lekin insonni ana shu ta’riflarga munosib qilgan uning bunyodkorligidir. Agar inson aqli bilan o‘ylab-fikrlab ijod qilmasa, kuch-g‘ayrat sarflab, tengsiz mo‘jizalar yaratmasa edi, uning ta’rifiga shuncha go‘zal so‘zlar ham aytilmagan bo‘lardi.



Xulosa shuki, toki insonning ezgu intilishlari, oliyjanob maqsadlari, qalbida adolat va haqiqatga ishonch hissi bor ekan, bunyodkor g‘oyalar hech qachon yo‘qolmaydi.





Savol va topshiriqlar




  1. El-yurtimiz tarixidagi qanday bunyodkor g‘oyalarni bilasiz?

  2. Rasm chizish, biron narsa yasash, gul yoki ko‘chat o‘tqazish va parva- rishlashni bilasizmi?

  3. O‘zingiz taniydigan, haqiqiy bunyodkor deb atash mumkin bo‘lgan kishilar haqida so‘zlab bering.

  4. Yurtimizdagi «Bunyodkor» degan nom bilan ataladigan joylar, tashkilot yoki jamoalar to‘g‘risidagi fikrlaringizni bayon qiling.

  5. Ushbu me’moriy obidalardan qaysi birining peshtoqiga Amir Temur bobomiz tomonidan mashhur hikmatli so‘zlar bitilganini ayting.







ISISVKVKIKVSVSVSIKISVKIKVKVKVKVKVSISVKISISIKVHVKVSVSVS1

BILIM VA MA’NAVIYAT (Amaliy mashgulot)

Aziz o‘quvchi, siz ma’naviyat haqida, fikr va g‘oya xususida dastlabki bilimga, tasavvurga ega bo‘lmoqdasiz. Shuni esda tutingki, ma’naviyat ham, g‘oya ham insonni anglashda, tushunishda juda katta ahamiyatga ega bo‘ladi. Shuning uchun biz ma’naviyatni, uning tarkibiy qismi bo‘lgan g‘oyani, bu ikki noyob hodisaning xususiyati va qonuniyatlarini qanchalik chuqur bilib olsak, insonlarni ham shuncha yaxshi tushunadigan bo‘lamiz. Bu esa hayotda to‘g‘ri yo‘l tanlashimiz, yaxshini yomondan, to‘g‘rini egridan ajrata olishimizda g‘oyat qo‘l keladi.

Inson qancha ko‘p odam ko‘rsa, ular bilan muloqot qilib, tajribasi oshsa, uning bilimi, ma’naviyati shuncha kuchli bo‘ladi. Agar siz buyuk ajdodimiz Zahiriddin Muhammad Boburning «Boburnoma» kitobini qiziqib, varaqlab ko‘rgan bo‘lsangiz, unda muallif forscha bir baytni esga oladi. «Harchi dar oina javon binad, Pir dar xishti puxta on binad» degan bu baytning ma’nosi quyidagicha: yosh kishi oynaga qarab nima ko‘rsa, keksa odam g‘ishtga qarab undan ham yaxshiroq ko‘radi.

Uyda ota-onangiz, buvi yoki buvangiz, maktabda ustozlaringizning so‘zlari, xatti-harakatlariga e’tibor bersangiz, ularning qanchalik ko‘p narsa bilishi, ko‘p narsaga aqli yetishiga ishonch hosil qilasiz. Masalan, dars paytida ustozingiz bitta o‘zi sinfdagi 25—30 nafar bolaning harakati, nima bilan shug‘ullanayotgani, daftarini, kitobini qayerga qo‘yib, ruchkani, qalamni qo‘li bilan qanday ushlayotganigacha nazorat qilib turadi. Hech narsa uning e’tiboridan chetda qolmaydi. Holbuki, ustozingiz shuncha bolani nazorat qilishdan tashqari butun fikr-u zikrini yangi darsni sizlarga qiziqarli qilib o‘tishga qaratishi, vaqti-vaqti bilan daftari, kitobini ochib, sinf taxtasiga kerakli qoidalarni yozib borishi, tushunmay qolgan joylaringizni qaytadan tushuntirib berishi kerak. Ustozning bilimi, tajribasi yetarli, ma’naviyati yuksak darajada bo‘lgani

uchun bor-yo‘gi 45 daqiqada sizga bir olam boylikni, ya’ni bilimni hadya etadi. O‘rtada fursat topib, hayotiy masalalar, odob-u xulq bo‘yicha ham zarur yo‘l-yo‘riqlar beradi. Bularning barchasi yillar davomida qilingan tinimsiz mehnat va mashaqqat, doimiy izlanish natijasidir. Yuqorida zikr etilgan maqolga moslab aytadigan bo‘lsak, siz oynaga qarab ko‘radigan, zo‘rg‘a farqlab oladigan narsalarni ustozingiz oddiy g‘isht yoki kesakka qarab ham aytib berishi mumkin. Bilim va ma’na- viyatning beqiyos kuchi ana shunda.

Bilim, ma’rifat, ma’naviyat insonga qo‘shimcha kuch-imko- niyat, ta’bir joiz bo‘lsa, qo‘shimcha ko‘z — qalb ko‘zi beradi, uni ravshanlashtiradi. Inson ana shu ko‘z yordamida boshqalar ko‘r- magan narsalarni ko‘rib, ular bilmagan narsalarni bilib oladi. Ayniqsa, yon-atrofimizda yurgan, har kuni biz bilan muloqot qiladigan ota-onamiz, aka-ukalarimiz, yor-u do‘stlarimiz, ustozla- rimizning ko‘nglini, maqsad-muddaolarini tez anglab, ular istagan ishlarni bajarish, ular orzu qilgandek yaxshi inson bo‘lishda bunday ma’naviy fazilatlar juda qimmatlidir.

Biz hayotda o‘z o‘rnimizni topishimiz, har bir suhbatdoshimizga uning ichki dunyosi, fe’l-atvorini hisobga olgan holda muomala qili- shimiz, o‘rinsiz gap bilan boshqalarning dilini og‘ritib qo‘ymasligimiz, bir so‘z bilan aytganda, odobli va madaniyatli bo‘lishimiz uchun insonni ham, ma’naviyatni ham anglab yashashga intilishimiz lozim.

Ota-onangiz, ustozlaringiz sizga har kuni to‘g‘ri va kerakli maslahatlar, yo‘l-yo‘riqlar beradi. Chunki ular sizning imkoniyatingiz, ma’naviyatin- gizni, nimaga muhtoj ekaningiz, nimaga qurbingiz yetadi-yu nimaga qurbingiz yetmasligini yaxshi bilishadi.

O‘zingiz ham har kuni oilada, maktabda, ko‘cha-ko‘yda qancha odam bilan uchrashib, suhbatlashasiz. Garchi o‘zingiz to‘la anglamasangiz-da, ularning ma’naviyatini tushunib, o‘zlashtirib borasiz. Buni shundan ham bilsa bo‘ladiki, siz ota-onangiz, oila a’zolaringiz bilan butunlay boshqa mavzuda, sinfdosh do‘stlaringiz bilan butunlay boshqa mavzuda gaplasha- siz. Yoki o‘g‘il bolalarga qilgan hazil-sho‘xliklaringizni hech qachon qiz bolalarga qilmaysiz. Demak, siz ular ma’naviy jihatdan bir-biridan farq



  1. Milliy istiqlol g‘oyasi va ma’naviyat asoslari, 7-sinf 33

qilishini, har bir sinfdoshingizning o‘z ma’naviy olami borligini yaxshi bilasiz va shunga qarab, ularning har biriga alohida muomala qilasiz. Ya’ni, har bir do‘stingiz, sinfdoshingizning ma’naviy dunyosiga mos bo‘lgan muomala shaklini topa olasiz. Bu — sizning katta yutug‘ingiz.

Xulosa qilib aytganda, bilim va ma’naviyat bir-biri bilan uzviy bog‘liq. Insonning bilimi, tajribasi oshgani sayin uning ma’naviyati ham yuksalib boradi.

Ushbu amaliy mashg‘ulotimiz talabidan kelib chiqqan holda, avvalo, siz bilan yonma-yon o‘tiradigan sinfdoshingizning ma’naviyati qanday ekanini ta’riflashga harakat qiling. U boshqalardan nimasi bilan farq qiladi? Kamgapmi, sergapmi? Ko‘p o‘qiydimi? U qanday filmlarni yaxshi ko‘radi, qanday kitoblarni o‘qiydi? Sport bilan shug‘ullanadimi? Ota- onasiga qanday yordam beradi? Uning siz bilan bir umr do‘st bo‘lib qolishini istaysizmi? Nima uchun?

Yurtimizdagi, dunyodagi qaysi mashhur sportchi yoki san’atkorlar sizga yoqadi? Ularning ma’naviy dunyosi qanday deb o‘ylaysiz?

Dunyoda har bir inson ko‘nglidagi dardlari, orzularini tortinmasdan ayta oladigan, o‘ziga yaqin sirdosh do‘sti bo‘lishini istaydi. Sizning shunday do‘stingiz bormi? O‘zingiz boshqalarning ko‘nglini eshitishga, ularga hamdard, hamfikr bo‘lishga intilasizmi?

Amaliy mashg‘ulot davomida ana shu savollar haqida o‘ylab, ustozingiz, sinfdoshlaringiz bilan fikr almashishga harakat qiling.



AMALIY MASHG‘ULOT UCHUN ADABIYOTLAR:

  1. Islom Karimov. Yuksak ma’naviyat — yengilmas kuch. Toshkent, «Ma’naviyat», 2013-yil, 18—29-betlar.

  2. Islom Karimov. Vatan va xalq mangu qoladi. Toshkent, O‘zbekiston Milliy kutubxonasi nashriyoti, 2010-yil.

  3. O‘rta asrlar Sharq allomalari va mutafakkirlarining tarixiy merosi, uning zamonaviy sivilizatsiya rivojidagi roli va ahamiyati. Xalqaro konferensiya materiallari. Toshkent, «O‘zbekiston» nashriyoti, 2014-yil, 4—36-betlar.

  4. Zahiriddin Muhammad Bobur. Boburnoma. Toshkent, «Sharq» nash- riyot-matbaa aksiyadorlik kompaniyasi bosh tahririyati, 2002-yil, 159-bet.

ISISVKVKIKVSVSVSIKISVKIKVKVKVKVKVSISVKISISIKVHVKVSVSVS1

TAKRORLASH

Aziz o‘quvchi, mana, «Milliy istiqlol g‘oyasi va ma’naviyat asoslari» darsligining birinchi bobini o‘qib tugatdik. O‘tilgan mavzularni takrorlab, olgan bilimlaringizni mustahkamlash uchun har bir dars bo‘yicha berilgan savol va topshiriqlarni eslang. Eng muhimi, har bir mavzuda Prezidenti- miz Islom Karimovning «Yuksak ma’naviyat — yengilmas kuch» kitobidan keltirilgan fikrlarning mag‘zini yana bir bor tushunib oling.

O‘tilgan darslarni takrorlash va esda saqlab qolishda ularda bayon qilingan asosiy tayanch tushuncha va iboralar muhim rol o‘ynaydi. Siz ana shu tayanch tushuncha va iboralarni har bir mavzu bo‘yicha daftaringizga yozib chiqing. Masalan, «Milliy g‘oya — ezgu orzu-intilishlar ifodasi» mavzusi bo‘yicha quyidagi tartibda yozish mumkin.

Asosiy tayanch tushuncha va iboralar: milliy g‘oya, xalqning orzu- intilishlari, qulay tarixiy sharoit, mustaqillik, ulkan yetakchilik salohiyatiga ega bo‘lgan rahbarning tarix sahnasiga chiqishi, milliy davlat va qadriyatlarning tiklanishi, milliy g‘oyamizning asosiy tushuncha va tamoyillari, «Milliy istiqlol g‘oyasi: asosiy tushuncha va tamoyillar» risolasi, «Yuksak ma’naviyat — yengilmas kuch» kitobi.

Ana shunday o‘zingiz muhim deb hisoblagan tayanch tushuncha va iboralarni yozib olganingizdan so‘ng ular asosida ustozingiz, sinfdosh- laringiz bilan birgalikda mavzuni takrorlashingiz mumkin.



Bunga qo‘shimcha ravishda har bir mavzu bo‘yicha savollar va testlar tayyorlab, daftaringizga yozib boring.

CTKTa^VTSTKTVTKTKTKTSTSCVSTVTVTKVKTKI

G‘OYAGA QARSHI G‘OYA, FIKRGA QARSHI FIKR

ZARARLI G‘OYALAR

Aziz o‘quvchi, dunyoda hamma narsaning ziddi, ya’ni teskarisi bo‘lgani kabi, bunyodkor g‘oyalar yo‘lida to‘siq bo‘lishga harakat qiladigan g‘oyalar ham bor. Ular zararli yoki vayronkor g‘oyalar deyiladi.



Bunyodkorg‘oyalar inson qalbida ezgu orzu-intilishlarni uyg‘otib, uni yaratuvchilikka, halol mehnatga da’vat etsa, vayronkor g‘oyalar buzg‘unchi, yovuz hislarni uyg‘otadi va yomonlikka boshlaydi.

Siz «Tarix» fanidan yaxshi bilasizki, insoniyat o‘z taraqqiyoti davomida qancha urush va janjallar, qonli to‘qnashuvlarni ko‘rgan. Hatto bugungi kunda ham jahondagi turli kuchlar o‘rtasida qarama-qarshiliklar borligini ko‘rish mumkin. Bularning barchasi bunyodkorlik va vayronkorlik o‘rtasidagi kurash bugun ham davom etayotganidan dalolat beradi.

«Inson yaxshilik uchun, baxt uchun tug‘ilgan», deymiz. Unda yomon- lik, vayronkorlik qayerdan paydo bo‘ladi? Prezidentimizning quyidagi fikrlari bu savolga javob bo‘ladi.

«Bu dunyoda tabiatda ham, jamiyatda ham bo‘shliq bo‘lmaydi. Qayerdadir bo‘shliq paydo bo‘ldimi, hech shubhasiz, uni albatta kimdir to‘ldirishga harakat qiladi*1.

Insonning his-tuyg‘ulari yon-atrofdagi narsa-hodisalarning ta’siriga tez beriladi. Masalan, odamzot yaxshi narsalarni ko‘rganida, ular bilan muloqot qilganida, uning qalbida ezgu va ijobiy tuyg‘ular uyg‘onadi. Chiroyli manzarani tomosha qilganda, yaxshi kitob o‘qiganda, qiziqarli filmdan bahramand bo‘lganda yoki odobli bola bilan suhbatlashganda, ularga nisbatan mehrimiz, muhabbatimiz ortadi. Aksincha, yomon nar-

sani ko‘rsak yoki undan ta’sirlansak, nafrat va g‘azabimiz qo‘ziydi. Misol uchun, yolg‘onchi, xudbin odamlarni, xunuk manzaralar, iflos joylarni ko‘rganda, kayfiyatimiz buziladi, salbiy hissiyotlarimiz kuchayib ketadi. Irodasi ozgina bo‘sh odamlar esa ana shu ta’sirlarga tez berilib, ularga moslashib qolganini bilmay ham qoladi.

Bunyodkor g‘oyalar insondagi ijobiy hissiyot va intilishlarni tar- biyalash, ularni ishga solishga qaratilgan bo‘lsa, zararli, vayron- kor g‘oyalar odamdagi salbiy hissiyotlarni qo‘zg‘atishga harakat qiladi. Buning natijasida hayotda har xil ko‘ngilsizliklar paydo bo‘ladi.

Vayronkor g‘oya deb inson qalbidagi salbiy intilishlarni uyg‘otib, ezgu tushunchalarni soxtalashtirib, yovuzlikni kuchaytirishga urina- digan g‘oyaga aytiladi.

Bunyodkor g‘oyalarning asosiy xususiyati ezgulik, insonga mehr- muhabbat, odamiylik, yangilik, taraqqiyotga intilish bo‘lsa, vayronkor g‘oyalarning asosiy belgisi yovuzlik, shafqatsizlik, vahshiylik, yangilik va taraqqiyotni ko‘rolmaslikdan iborat.

«Ming afsuski, bu kuchlarning asl qiyofasi, maqsad-muddaolari va imkoniyatlarini to‘la va aniq-ravshan tasavvur qilish oson emas. Nega deganda, ular ko‘pincha turli niqoblar, jozibali shior va g‘oya- lar pardasi ostida ish ko‘radi. Bunday kuchlarning ixtiyorida juda katta moddiy, moliyaviy resurslar va imkoniyatlar mavjud bo‘lib, ularning puxta o‘ylangan, uzoq va davomli yovuz maqsadlariga xizmat qilmoqda*1.

Vayronkor g‘oyalarning xavfli tomoni shundaki, ular ko‘pchilikda qiziqish uyg‘otadigan, ularning manfaatiga daxldor bo‘lgan yuksak maqsadlar bilan niqoblanib oladi. Masalan, yurtimizda 70 yildan ziyod hukmron bo‘lgan, xalqimiz boshiga ko‘p azob-uqubatlar keltirgan sobiq bolshevizm mafkurasi ijtimoiy tenglikka erishish, oddiy mehnatkashlar manfaatini ta’minlash kabi maqsadlarni bayroq qilib olgan edi. Lekin 1917-yilda hokimiyatni egallaganidan so‘ng bu mafkura oddiy odamlarni



qattiq qiynoq va azoblarga duchor etdi. «Xususiy mulkni tugatamiz!» degan shiorlar bilan qancha odamlar mol-mulkidan judo qilindi, «quloq» sifatida Sibir o‘rmonlariga surgun etildi, qamoqlarga tashlandi. «Kol- lektivlashtirish» bahonasida yer va suv, barcha moddiy boyliklar xalqdan tor- tib olindi. «Madaniy inqilob», «Prole- tar madaniyati» degan chaqiriqlar bilan milliy-madaniy merosimiz inkor etildi, tarixiy obidalarimiz ayovsiz yo‘qotildi, buyuk allomalarimizning muborak nomlari, yozgan asarlari taqiqlandi, ziyolilarimiz qatag‘on qilindi. Sho‘ro tuzumi davrida balandparvoz shiorlar ostida qilingan bunday noma’qul ishlarni sanab adog‘iga yetish qiyin. O‘sha zamondagi qaysi bir kommunistik tadbirni olib qaramaylik, barchasining buzg‘unchilikdan iborat ekanini ko‘ramiz. Bularning ham- masiga sabab bolshevizm g‘oyalarining vayronkor g‘oyalar bo‘lganidir.




Download 1,29 Mb.

Do'stlaringiz bilan baham:
1   2   3   4   5   6   7   8   9   ...   17




Ma'lumotlar bazasi mualliflik huquqi bilan himoyalangan ©hozir.org 2024
ma'muriyatiga murojaat qiling

kiriting | ro'yxatdan o'tish
    Bosh sahifa
юртда тантана
Боғда битган
Бугун юртда
Эшитганлар жилманглар
Эшитмадим деманглар
битган бодомлар
Yangiariq tumani
qitish marakazi
Raqamli texnologiyalar
ilishida muhokamadan
tasdiqqa tavsiya
tavsiya etilgan
iqtisodiyot kafedrasi
steiermarkischen landesregierung
asarlaringizni yuboring
o'zingizning asarlaringizni
Iltimos faqat
faqat o'zingizning
steierm rkischen
landesregierung fachabteilung
rkischen landesregierung
hamshira loyihasi
loyihasi mavsum
faolyatining oqibatlari
asosiy adabiyotlar
fakulteti ahborot
ahborot havfsizligi
havfsizligi kafedrasi
fanidan bo’yicha
fakulteti iqtisodiyot
boshqaruv fakulteti
chiqarishda boshqaruv
ishlab chiqarishda
iqtisodiyot fakultet
multiservis tarmoqlari
fanidan asosiy
Uzbek fanidan
mavzulari potok
asosidagi multiservis
'aliyyil a'ziym
billahil 'aliyyil
illaa billahil
quvvata illaa
falah' deganida
Kompyuter savodxonligi
bo’yicha mustaqil
'alal falah'
Hayya 'alal
'alas soloh
Hayya 'alas
mavsum boyicha


yuklab olish