Мен ҳам намоз

---

Мен ҳам намоз 
ўқийман
Тошкент
2008
1

---

Нашр учун масъул:
Хурматуллоҳ ИСМОИЛ ДАДАХЎЖА 
Масъул муҳаррир: 
Нурислом ИБРОХИМ
Муҳаррир: 
Абдулмалик АБДУРАХИМ 
Нашрга тайёрловчи: 
Нурислом ИБРОХИМ 
2

---

ИСЛОМ ВА ИМОН ШАРТЛАРИ
Ислом тинчликка, покликка, инсонийлик-ка, меҳр-мурувватга, 
ватанпарварликка, илм олишга чақирувчи диндир. У инсонни икки 
дунё саодатига етказади.
Қуйидагилар Ислом динининг рукнлари-дир:
1.
Имон.
2.
Ҳар куни беш маҳал намоз ўқиш.
3.
Рамазон ойида ўттиз кун рўза тутиш.
4.
Закот бериш. Закот Исломда молиявий ибодатдир. Яъни 
бойлиги нисобга (муайян миқдорга) етган мусулмоннинг йилда 
бир марта ҳақдорларга закот бериши фарз.
5.
Ҳаж қилиш. Бу амал моддий жиҳатдан қурби етадиган 
мусулмонларгагина фарздир. 
Қуйидагиларга ишонган киши имонлидир:
1)
Аллоҳга;
2)
Аллоҳнинг фаришталарига;
3)
Аллоҳнинг китобларига;
4)
Аллоҳнинг пайғамбарларига;
5)
Охират кунига;
6)
Тақдирга, яъни яхшилик ҳам, ёмонлик ҳам Аллоҳдан 
эканига;
7)
Ўлимдан кейин қайта тирилмоққа.
ИМОН КАЛИМАЛАРИ
«Лаа илааҳа иллаллооҳ, Муҳаммадур-расуулуллооҳ».
Маъноси: «Аллоҳдан бошқа илоҳ йўқ, Муҳаммад Аллоҳнинг 
Пайғамбаридир».
«Ашҳаду аллаа илааҳа иллаллооҳ ва ашҳаду анна 
Муҳаммадан ъабдуҳуу ва расуулуҳ».
Маъноси: «Аллоҳдан ўзга сиғиниладиган (илоҳ) йўқлигига ва 
Муҳаммад алайҳиссалом Аллоҳнинг қули ва элчиси эканига 
иқрорман».