Mavzu. Jismoniy tarbiya nazariyasi va uslubiyatining asosiy atama va tushunchalari

-mavzu. Jismoniy tarbiya nazariyasi va uslubiyatining asosiy atama va tushunchalari.

Reja:

1.1.Jismoniy tarbiya nazariyasining asosiy atama va tushunchalariga zamonaviy yondoshish.

1.2.Jismoniy tarbiya vositalari.

Tayanch iboralar: jismoniy tarbiya, sport, mashg’ulot, musobaqa, harakat, faoliyat, tizim, mashg’ulot, nazariya, sportning funksiyalari.

1.1. Jismoniy tarbiya nazariyasining asosiy atama va tushunchalariga zamonaviyyondoshish.

U yoki bu kasb egalari o’zaro muloqot davomida o’z kasbi va hunariga oid ma’lum tushunchalar va iboralardan foydalaniladilar. Fanning ma’lum sohasini o’rganish va uni o’zlashtirish ana shu yetakchi tushunchalarning mazmunida yotadi.

Ularning mazmuni va hajmini aniqlamay turib, jismoniy madaniyat nazariyasi va amaliyotining ko’pdan-ko’p ayrim hodisalari va masalalarini to’g’ri tushunib olish kiyinlashadi, jismoniy madaniyat nazariyasini o’rgatadigan fanni muvaffaqiyatli egallab bo’lmaydi.

Jismoniy tarbiya nazariyasi va metodikasida qo’llaniladigan yetakchi tushunchalarga quyidagilar kiradi: jismoniy rivojlanish, jismoniy tayyorgarlik, jismoniy madaniyat,  jismoniy madaniyat tizimi, jismoniy bilimlar, jismoniy kamolot (jismoniy mashqlar, jismoniy sifatlar, prinsiplar, va boshqa tushunchalar darslikning lozim bo’lgan boshqa bo’limlarida ko’rib chiqiladi) va x.k. Nima uchun yuqorida sanab o’tilgan tushunchalar asosiy tushunchalar deyiladi-yu, boshqalari, masalan, jismoniy mashq, sport, tushunchalari asosiy tushuncha deb hisoblanmaydi? Tegishli faoliyatni to’g’ri aks ettiradigan barcha tushunchalar o’z axamiyati jixatidan birdek muximdir, bular to’g’risida darslikning tegishli boblarida gap ketadi. Bu yerda bo’lsa jismoniy madaniyatning asosiy, eng muxim sifatlari umumlashtirilib, ko’rsatilgan tushunchalargina olingan xolos.