Matritsa yoki massiv ko’rinishida “matlab” so’zi inglizcha “Matrix Laboratory

3-TAJRIBA ISHI

MATLAB tizimida massivlar bilan ishlash.

Ishdan maqsad: MATLAB amaliy dasturida massivlar bilan ishlashni o’rganish

Nazariy qism:

MATLABda barcha ma’lumotlar matritsa yoki massiv ko’rinishida (“MATLAB” so’zi inglizcha “Matrix Laboratory”, yani “Matritsali Laboratoriya” so’zlarining qisqartirilgan ifodasidir) tasvirlanadi. Hattoki, skalyar o’zgaruvchilarni umumiy holda 1x1 o’lchovli massiv (matritsa) deb qarash qabul qilingan. Shuning uchun ham massiv va matritsalar ustida ishlash, MATLAB da samarali ishlashda muhim ahamiyatga ega.

Massiv – bir turdagi ma’lumotlarning raqamlangan va tartiblangan to’plamidir. Massivning nomi bo’lishi shart. Massivlar o’lchovi yoki o’lchami bilan bir-biridan farq qiladi: bir o’lchovli, ikki o’lchovli, ko’p o’lchovli. Massiv elementlariga murojaat qilish indekslar orqali amalga oshriladi. MATLAB da massiv elementlarini raqamlash bir(1)dan boshlangani uchun indekslari birga teng yoki katta bo’ladi.

MATLAB dasturida massivlarning ustun-vektor, qator-vektor va matritsa ko’rinishlaridan foydalaniladi. Massivlar kvadrat qavslarga olinib yoziladi. Ustun-vektorning har bir elementi, ya’ni har bir qatori nuqtali vergul bilan ajratiladi.

>> a=[1; 3; 8]

a =

1

3

8

Qator - vektorning har bir elementi, ya’ni har bir ustuni vergul yoki bo’sh joy (probel) bilan ajratiladi.

>> b=[2 5 9]

b =

2 5 9
Demak, massivlarni kiritishda ustunlar vergul yoki bo’sh joy(probel) bilan qatorlar esa nuqtali vergul bilan ajratilar ekan.