Matn: miliiy qadriyatlar-millat iftixori mavzu: nutq odobi

3- MAVZU:

MATN: MILIIY QADRIYATLAR-MILLAT IFTIXORI MAVZU: NUTQ ODOBI

O’zbek udumlari
Kishilik jamiyatining rivojlanishi kelajak avlodning kim bo’lib yetishishi eng avvalo ularning bilim saviyasi, madaniyati va salomatligiga bog’liqdir.Shuning uchun yosh avlod tarbiyasi hamisha diqqat markazida turishi lozim.
Har bir jamiyatning millatning xalqning urf-odatlari axloq va odob me’yorlari mavjud. Jamiyat a’zolarining ota-onalarining muallimlarning xalq oldidagi eng muhim burchlaridan biri milliy urf-odatlarini axloq va odob qoidalarini yosh avlodga singdirish va shu yo’l bilan kelajak avlodga yetkazib berishdir.
O’zbek xalqining ota-bobolarimizdan bizga meros bo’lib qolgan kattalarga hurmat bilan,yoshlarga mehr-shafqat, mehmondo’stlik, hasher keksalarga joy berish, qo’l yuvmoqchi bo’lgan kishining qo’liga suv quyish, g’am –g’ussa tushgan xonadonga borib hol-ahvol so’rash singari noyob milliy urf-odatlar bor.
Tavallud topgan bolaning qulog’iga ota-bobolarimiz birinchi navbatda bir mulla chaqirib azon aytdirganlar.Azon aytilganda bolaning qulog’i ochilgan.Odamlarni eshtish, tinglash qobiliyati shakllana boshlagan.Ismi ilk bor chaqaloqning o’z qulog’iga singdirilgan. So’ng uning chillasi kichik chilla va katta chilla o’tkaziladi.Kichik chilla yigirma kungacha bolaning onasi enagasidan bo’lak yoniga chillalik bo’lgani uchun hech kim kiritilmaydi.Katta chillasi qirq kun o’tganidan keyin bolani beshikka belash marosimi bo’lib o’tadi.
Beshik bor joyda bola bo’ladi.Bola bor joyda alla aytilishi tabiiy.Onalar qadimdan o’z bolalari beshigi tepasida kechasi bo’lsin alla aytib kelishgan.Allalarda xalq turmushining juda ko’p qirralari o’z in’ikosini topgan.Alla o’z ohangi bilan bolaga ona nafasini yetkaib turadi. Go’dakni xotirjam qiladi, elitadi, orom olib uxlashiga imkon beradi.