Matematika kechasi

MATEMATIK KECHA

TADBIR SENARIYSI

“MATEMATIKA KECHASI”

dastur senariysi
Sarvinoz: Salom so’zi qadimdan odat

Har kishiga kerakli kalom .

G’animatdir tilash sog’lik , baxt ,

Shuning uchun salom assalom !

Olloh bizga buyurgan avval ,

Salom berish muhim burchimiz.

Shuning uchun aziz do’stlar ,

Assalomu –alaykum deymiz !

Asadbek: U beradi yaxshi kayfiyat ,

U beradi ishlarga unum .

Dildan ketar darrov shum niyyat ,

Desang assalomu – alaykum

Keling barcha jam bo’lgan joyda ,

Boshni egib qilaylik ta’zim .

Besalomlik erur befoyda ,

Deymiz assalomu alaykum !

Sarvinoz: Assalomu alaykum qalb qo’ri bilan quyoshni lol qoldirib ilm berayotgan aziz ustozlar !
Asadbek: Assalomu alaykum xayoli faqat bilim olish bilan yonayotgan katta kichik maktabdoshlar !
Sarvinoz: Azizlar bugun matematikaga bag’ishlab o’tkazilayotgan MATEMATIKA KECHASI ga hush kelibsizlar !
Asadbek: Bugungi matematika kechasini ochishni MATEMATIKA jumlasiga ta’rif berish bilan boshlaymiz .
M

Matematika fani yuksalmoqda kun sayin,

Bo’limlari xilma xil qay birini aytayin .

Qancha qancha muammo hal etilgan ushbu on ,

Kompyuter savodi quloch yoymoqda hamon .

A

Asrlar ortidan kelar asrlar ,

Unut bo’lar o’tmish ,zamon ko’p sirlar .

Ammo yaratilgan fan asoslarin ,

Asrdan asrga eltar nasllar .

T

Ta’zim sizga buyuk fanga asos solgan bobolar ,

Ta’zim sizga nomi mangu shonli qolgan bobolar .

Siz yaratgan ushbu fanni biz ham sevib qolganmiz ,

Ihlos bilan o’qib uni ancha bilib olganmiz .

E

Ex , yer yuzidan to kosmik fazogacha

Kundalik turmush, hayot, quyosh, suv , havogacha .

Hisob kitobsiz aslo yashab bo’lmas hech qachon ,

Qudratli bu fan uchun bosh element nuqtajon .

M

Matematika fani go’zallikka boy juda ,

Go’zal son, go’zal yechim , go’zal chizma serjilo .

Boshqotirgich sofizm aqlni peshlasa gar ,

Topishmoqli misollar o’ylashga majbur etar.

A

Aniq fan kechasiga hush kelibsiz marhabo ,

Matematika bilan hamroh bo’ling doimo .

Matematika kerak har bir yigit va qizga ,

Aqlini va fikrini soladi yaxshi izga .

T

Turli tuman savol bilan o’ylataylik barchani ,

Ruhsat bering boshlamoqqa matematik kechani .

Charchaganda hisob – kitob o’yin o’ynab oling dam ,

Shirin qo’shiq o’yin sizga zavq beradi bir olam .

I

Iks igrik noma’lumga boy fanim ,

Ajdodlarim merosiga boy fanim .

Al-Xorazmiy , Beruniylar merosi ,

Fanlar ichra kashfiyotga boy fanim .

K

Kompyuterlar zamoniga yetib keldik ,

Ajdodlarim merosidan o’rnak olib .

Hisob –kitob ilmini biz bilib oldik ,

Fan cho’qqisin egallaymiz bilim olib .

A

Ayniyat , formulangni o’rganamiz tez oson ,

Lekin iks igriging o’ylatadir har qachon .

Ta’rif , teoremangni yodimizda saqlaymiz ,

A’lo o’qib ustozlar ishonchini oqlaymiz .

Sarvinoz: Zamonlarning zamonida rivojlangan yetilgan ,

Bobolarning me’rosidan bizga taqdim etilgan .

Al-Xorazmiy , Beruniy , Ulug’beklar boyitgan .

Shu ajoyib fan bizga olam sirin tanitgan .
Asadbek: Xa azizlar bu fan bizga juda ko’p sirlarni tanitgan .Matematikaning ayrim sirlardan sizlar ham ogoh bo’linglar .Endi navbatni raqsga beraman..Marxamat tamosha qilinglar .
(sahnada Raqamlar qo’shig’iga raqs ijro etiladi)
Sarvinoz: Goxo goxo uchrab turar ,

Shunday qiziq hangomalar .

O’ylamasdan bir ish qilib ,

O’z xatosin bilmay qolar .

Asadbek: O’quvchilar siz turli shakllarni taniysiz va ular haqida ma’lumotga egasiz . Xozir eng ko’p ishlatiladigan geometrik shakllar uchburchak va to’rtburchakning hangomasining guvohi bolsak. Marxamat tamosha qiling .