Mantiqiy kazus

---

   

 

 

     Mantiqiy kazus 

22.                             Toxir Malik. So„nggi o„q 

“Maktab ko„rgan jinoyatchi ekanini yashirmaydi ham, – deb o„yladi Solihov 

uning  aytganlarini  yozib  olar  ekan,  –  beradigan  savollarimga  birato„la  javob 

qaytara qoldi”. 

 –    1957-  yil  beshinchi  oktabrda  qayerda  edingiz?  –  dedi  Solihov  Jahongirga 

sinovchan tiqilib. Jahongir javobni o„ylab ham o„tirmadi: 

 – Daydidarada. 

 – Nima qildingiz u yerda? 

 – Bolaligim o„tgan yerlarni ko„rgim kelib chiqovdim. 

 – Marhumni tanirmidingiz? 

        Bu safar Jahongir o„ylandi. 

 – Yo„q, – dedi u ezgin bir ohangda. 

Solihov  undagi  o„zgarishni  sezdi.  Toza  qog„ozga  “  Marhumni  rostdan 

tanimaydimi?” deb yozib qo„ydi 

 – Tanimasangiz… nimaga o„ldirdingiz? 

 – Shayton yo„ldan urdi. O„q xato ketdi. Arxarni mo„ljalga oluvdim.    

 – Ov miltig„ida otuvdingizmi? 

 – Ha. 

 – O„q marhumning qayeriga tegdi? 

 – Bilmayman… qo„rqib qochib ketdim. 

Solihov  Jahongirning  yolg„on  gapirayotganini  bildi.  Shu  sababli  nafas 

rostlashga ham qo„ymay savollarni yog„dirib tashladi: 

 – Taxminan ham bilmaysizmi? U sizga orqa qilib turganmidi yo yuzma-yuzmi? 

 – Yuzma-yuz edi shekilli... 

 – Miltig„ingiz qani? 

 – Daryoga tashlab yubordim… 

---

Solihov yana savol beraman deganda Jahongir qo„lini ko„tardi: 

 –  Nachaynik,  boshqa  savol  bermang,  –  dedi  u  qat`iy  ohangda,  –  aybimga 

iqrorman. Uni men o„ldirdim. Endi meni otib tashlayvering. 

Solihov unga tikilib qaradi-da, miyig„ida kuldi. 

 – Sizday ko„pni ko„rgan odamga go„llik yarashmas ekan. Mening otadigan odam 

emasligimni  bilasiz.  Dunyoda    sud  degan  narsalar  borligi  sizga  ma`lum. 

Hatto…yolg„on  gapirayotganingizni  ham  bilasiz.  Joningizdan  to„ygan  bo„lsangiz 

umringizga bizning qo„limiz bilan nuqta qo„ymang.