Makropen preparatini alveolit bilan og'rigan bemorlarda qo’llash natijalari

Makropen preparatini alveolit bilan og'rigan bemorlarda qo’llash natijalari


Baxramov I.A. SamDTI, Pediatriya fakulteti 3 kurs, 301 – guruh talabasi
Farmakologiya va klinik farmakologiya kafedrasi
(bo’lim boshlig’i - t.f.n. Yuldashev S. J.)
Ilmiy rahbar: assistent Naimova Z.S.

Ishning maqsadi: “Makropen” preparatini alveolitli bemorlarda qo'llash natijalarini o'rganish va uning allaqachon ma'lum bo'lgan va keng tarqalgan antibiotiklarga nisbatan samaradorligini aniqlash.


Material va tadqiqot usullari: Alveolit bilan kasallangan 68 bemorlarda kuzatuv olib borildi. Barcha bemorlarga antibakterial terapiya sifatida makropen qo'llanildi. 1- guruh 35 kishidan iborat bo'lib, ular kompleks davolashda 7 kun davomida kuniga 1 dona tabletkadan 3 marta “Makropen” (400mg) buyurildi. 2- guruh alveolit bilan kasallangan bemorlarni davolashda “Linkomitsin” 0.5 mg osteotropik antibiotigini 33 bemorga 7 kun davomida kuniga 1 tabletkadan 3 marta buyurildi. Bu guruh nazorat vazifasini bajargan. Antibiotik terapiyasining samaradorlik darajasi bemorning umumiy ahvoli va kasallik davrini yaxshilashi asosida xulosa qilindi.

1* Og'riqni yengillashtirish (soat bilan)

2* Tish chuqurchasi granulyatsiya to'qima bilan to'ldirish (kunlarda)

3* Jismoniy shaxslarning vaqtincha mehnatga qobiliyatsizligi (kunlarda)

Shuningdek ma'lumotlar va dorilarni qo'llashda allergik reaksiyalarnig nojo'ya ta'sirlarini baholash.

Olingan ma'lumotlar “Statistika” jadvallari yordamida shaxsiy kompyuterda variatsion

statistika usuli bilan ishlov berildi.


Tadqiqot natijalari: “Makropen” alveolitni kompleks davolash bilan davolangan 1- guruh bemorlarda og'riq sindromi уеngillashgan (88,1%), samara kam kuzatilganlar (1,1%) tashkil etdi. Tish chuqurchasining granulatsion to’qima bilan to’lishi (84,4%) bemorlarda ijobiy natija berdi. Bu holat (15,6%) bemorlarda sekinlik bilan kechdi. 1- guruh bemorlarda jismoniy shaxslarning vaqtincha mehnatga layoqatsizligi 51% ni tashkil qildi .Qolgan bemorlar ko'rsatkichlari 49% tashkil etdi. Bu nazorat ma'lumotlaridan 2,8+-0,3 (p<0,02) ga qaraganda ancha past edi. Ta'kidlash joizki “Makropen” preparatini qo'llashda qichitqi shaklidagi allergik reaksiyalar faqat 2 bemorda kuzatilgan, bu ushbu preparatni qo'llagan bemorlarning umumiy sonining 5,7 % ini tashkil etgan va nojo'ya ta'sirlari qayd etilmagan. Shu bilan birga “Linkomitsin”ni qo'llagan 5 ta bemorda (15,2%) terida allergik reaksiyalar namoyon bo'lishi, 11 bemorda (33,3%) da davolash paytida dispeptik kasalliklar shaklida dorining nojo’ya ta'siri kuzatilgan.


Xulosa: Taqdim etilgan natijalar “Makropen” antibiotigini alveolitni davolashda samarali ekanligi to'g'risida fikr yuritishga asos bo'lib, uni ushbu toifadagi bemorlarda yuz jag' jarrohligi kasalliklaridagi ambulatoriya amaliyotida kengroq qo'llash uchun tavsiya etish imkonini beradi.

Anketa

1. 
   Baxramov Ilxom Akrom o’g’li
   
2. 
   Pediatriya fakulteti, 3 kurs, 301 – guruh
   
3. 
   Samarqand Davlat Tibbiyot instituti, 140100,
   O’zbekiston Respublikasi, Samarqand shahri, А.Temur ko’chasi 18,
   Institut faksi 0-366-233-71-75, 0-366-233-54-15, www.sammi.uz
   
4. 
   Makropen preparatini alveolit bilan og'rigan bemorlarda qo’llash natijalari.
   
5. 
   Ishtirok etish shakli: faqat tezis nashri
   
6. 
   Naimova Zilola Salimovna.
   Farmakologiya va klinik farmakologiya kafedrasi assistenti
   
7. 
   Yuldashev Soatboy Jiyanboyevich t.f.n. Farmakologiya va klinik farmakologiya kafedrasi dotsenti
   
8. 
   Baxramov Ilxom Akrom o’g’li, [phone], E-mail: [e-mail]