М уҳтарама фарида хужамкуловна!

М УҲТАРАМА ФАРИДА ХУЖАМКУЛОВНА!


Андижон давлат университети жамоаси номидан сизни қутлуғ
60 ёшингиз билан самимий табриклайман.
Сизни ўз умрини илм-фан ривожига, ёш авлоднинг тарбиясига бахшида этган инсон сифатида биламиз ҳамда қадрлаймиз. Сиз фалсафа фанининг ривожланишига улкан хисса қўшдингиз, ўзига хос илмий мактаб яратдингиз. Сиз яратган тадқиқотлар, рисола ва илмий мақолаларингиз кенг жамоатчиликка яхши таниш. Ҳозир улар барча турдаги таълим муассасаларининг файласуф ўқитувчилари, тадқиқотчилари, магистрант ва талабалари учун зарур қўлланмаларга айланган.
Дунёнинг нуфузли – Москва давлат университетининг битирувчиси сифатида университетимизда янги илмий қадриятларни шаклланишига ҳисса қўшдингиз. Сиз истеъдодли раҳбар сифатида бир неча йиллар кафедра мудири сифатида ишлаб, малакали кадрлар тайёрлаш, таълим-тарбия жараёнини такомиллаштиришга муносиб улуш қўшдингиз.
Бугун кўплаб шогирдларингиз Сизни моҳир педагог, ёшларнинг мураббийси, талабчан ва меҳрибон устоз сифатида биладилар. Улар Сиздан олган сабоқлари туфайли нафақат таълим соҳасида, балки давлатимизда олиб борилаётган одилона сиёсатни теран хис қилган ҳолда, жамиятимизнинг турли жабҳаларида сидқидилдан меҳнат қилмоқдалар. Уларнинг ҳар бири Сиз туфайли ўз қалбларида илм-фанга муҳаббат пайдо бўлганлигини яхши эслайдилар, одамийлик, камтарлик, ўз касбига, халқига ва юртига меҳр-муҳаббат билан хизмат қилишда Сиздан ўрнак олганликларини фахр билан эслайдилар.
Айниқса сўнгги 3 йилда Фалсафа кафедраси салоҳияти кескин ўсиб, университетимиздаги намунали кафедралардан бирига айланишида Сизнинг хизматингиз беқиёсдир.


ҲУРМАТЛИ ФАРИДА ХУЖАМКУЛОВНА!

Сизни муборак 60 ёшингиз билан университет жамоаси номидан яна бир бор муборакбод этаман, Сизга мустаҳкам соғлиқ, оилангизга тинчлик ва тотувлик, илмий-педагогик фаолиятингизда улкан муваффақиятлар тилайман.


Андижон давлат университети
ректори, А.С.ЮЛДАШЕВ