Konsullik xizmatlari

74-modda.

Konsullik yig‘imlari davlat daromadiga o‘tkaziladi.

XIII bob. ShTATSIZ KONSULLAR

75-modda.

O‘zbekiston Respublikasi Tashqi ishlar vazirligi konsulxona joylashgan davlat bilan kelishib turib ayrim konsullik vazifalarini bajarishni shtatsiz konsullarga topshirishi mumkin.

O‘zbekiston Respublikasi fuqarolari, fuqaroligi bo‘lmagan shaxslar, shuningdek ajnabiy fuqarolar shtatsiz konsul bo‘lishlari mumkin.

76-modda.

Shtatsiz konsullar O‘zbekiston Respublikasining davlat xizmatida turmaydi.

Shtatsiz konsullarning vazifalari O‘zbekiston Respublikasi Tashqi ishlar vazirligi tomonidan belgilanadi.

TO‘RTINChI BO‘LIM. IMTIYOZLAR HAMDA IMMUNITETLAR. KONSUL VAZIFASINING TUGATILIShI

77-modda.

Konsullik muassasalari, konsullik muassasalarining xodimlari hamda ularning oila a’zolari 196Z yilgi Konsullik munosabatlari to‘g‘risidagi Vena Konvensiyasida, O‘zbekiston Respublikasi bilan konsulxona joylashgan davlat o‘rtasidagi shartnomalarda, shuningdek xalqaro huquqning umumiy normalirida nazarda tutilgan imtiyozlar va immunitetlardan foydalanadilar.

78-modda.

Konsulning vazifasi quyidagi hollarda tugatiladi:

— konsul chaqirib olinganda;

— ekzekvatura bekor qilinganda;

— konsullik patentining muddati tugaganda;

— konsullik muassasasi yopilganda;

— konsullik munosabatlari to‘xtatilganda.