Kafedrasi husanov nishonboy abdusattorovich dilmurodova nilufar asatullayevna

Toshkent moliya instituti 
“Iqtisodiyot nazariyasi” kafedrasi mudiri, 
iqtisod fanlari doktori, professor                                          T.Jo‘rayev 
 
Mustaqil ta’lim 
“Mirzo Ulug’bek – olim va savlat arbobi” mavzusida referat tayyorlash. 
 
 
 
 
 
 
 
 
 
 
 
 
 
 
 
 
 
 

---

172 
 
32-MAVZU. КASB ETIKASI
 
 
Iqtisodiy  madaniyat  –  jamiyat  a’zolarining  iqtisodiy  hayotdagi:  a)  ommaviy 
ijodiy  ishtiroki;  b) ularning iqtisodiy  bilimlari;  c) ho‘jalik  yuritishdagi  mahorati  va 
malakasi; d) iqtisodiy fikrlashi va tafakkuri ko‘rsatkichlarining majmui. 
Iqtisodiy  madaniyat  iqtisodiy  hayot  sohasida  kishilar  tomonidan  erishilgan 
natijalarni,  jamiyat  tomonidan  qo‘lga  kiritilgan  iqtisodiy  tajribani  nisbatan 
umumlashgan  holda  aks  ettiradi.  U  iqtisodiy  siyosatning  ta’sirchanligiga, 
boshqaruvning  sifatiga,  har  bir  inson  mehnatining  samaradorligiga  bevosita  ta’sir 
ko‘rsatadi, iqtisodiy qonunlardan foydalanishning to‘laqonli ekanligini anglatadi. 
Har  qanday  jamiyatning  iqtisodiy  madaniyati,  pirovardida,  undagi  alohida 
shaxslarning  iqtisodiy  madaniyat  darajasining  majmui  sifatida  yuzaga  chiqadi. 
Shaxsning iqtisodiy madaniyati deganda, uning tomonidan o‘zlashtirilgan iqtisodiy 
bilimlar,  malakalar  hamda  ularning  amaliyotda,  turmush  tarzida,  me’yor  va 
an’analarda  ro‘yobga  chiqarish  borasidagi  faol  mehnati  tushuniladi.  Bundan 
ko‘rinadiki, shaxsning faol iqtisodiy madaniyati uning o‘zini rivojlantirish bo‘yicha 
faoliyatlarining natijasi hisoblanadi. 
Iqtisodiy  madaniyat  darajasi  har  bir  muayyan  jamiyatdagi  iqtisodiy  mafkura, 
ho‘jalik yuritish usullari va shart-sharoitlariga bog‘liq bo‘ladi, shunga ko‘ra, ana shu 
shart-sharoitlar doirasidagina rivojlanadi. 
Ma’lumki, iqtisodiy hayot obyektib iqtisodiy qonunlar majmui asosida harakat 
qiladi. Bu qonunlarning mazmunini ommaviy ravishda teran anglab yetish iqtisodiy 
madaniyat darajasini  belgilovchi omillardan  biri hisoblanadi. Chunki, keng omma 
va  uning  tarkibidagi  har  bir  alohida  shaxsning  obyektiv  iqtisodiy  qonunlar 
to‘g‘risidagi bilimga to‘la  ega bo‘lishi, pirovardida, ular tomonidan har bir iqtisodiy 
holarni to‘g‘ri talqin etilishiga va samarali harakatlar qilinishiga olib keladi. 
 O‘zbekiston  o‘z  mustaqilligiga  erishgach,  iqtisodiy  madaniyati  yuksaltirish 
davlatning  muhim  vazifalaridan  biriga  aylandi.  Ijtimoiy  yo‘naltirilgan  bozor 
iqtisodiyotiga  o‘tish  munosabati  bilan  asosiy  o’zgarishlar  amalga  oshirilib,  bozor 
madaniyatini  shakllantirish  uchun  jiddiy  asos  yaratildi.  Iqtisodiy  madaniyat 
rivojining  asosiy  omillaridan  biri  bo‘lgan  ho‘jalik  yuritish  erkinligining  asosi 
ta’minlandi.  O‘zbekiston  Konstitutsiyasida  mamlakat  iqtisodiyotining  bozor 
munosabatlarini rivojlantirishga yo‘naltirilganligini, barcha mulk shakllarining teng 
huquqli ekanligini va ularning bab-aravar muhofaza etilishi, hususiy mulkning ham 
davlat  himoyasiga  olinganligi  belgilab  berildi.  Iqtisodiy  faoliyat,  tadbirkorlik  va 
mehnat qilish erkinligi uchun keng yo‘l ochildi. Aholining iqtisodiy bilim saviyasi 
va malakasini, iqtisodiy fikrlash qobiliyatini kengaytirish, mehnatga bo‘lgan ijodiy 
yondashuvini  kuchaytirish,  tadbirkorlik  faoliyatidagi  ishtirokini  faollashtirishga 

---

173 
 
asosiy  e’tibor  qaratilib,  ularni  amalga  oshirish  uchun  zarur  shart-sharoitlar 
takomillashtirilmoqda.