Inson manfaatlarini ta’minlash islohatlarning maqsadi Reja

Inson manfaatlarini ta’minlash islohatlarning maqsadi

Reja:

1. 
   Inson manfaatlari – ustuvor tamoyil
   
2. 
   Inson manfaatlari ustuvorligini ta’minlash – barcha islohot va o‘zgarishlarimizning bosh maqsadidir
   
3. 
   Inson manfaatlarini ta’minlash yo’lida davlatimizning olib borayotgan siyosati
   

Inson manfaatlari – ustuvor tamoyil

Bashariyat asrlar osha adolat, inson sha’ni va qadr-qimmati degan muqaddas tushunchalarni sarbaland tutib kelgan. Adolat borki, davlatning qudrati ortadi, jamiyat ravnaq topadi. Sha’ni, qadr-qimmati, erkinligi himoyalangan insongina kelajakka umid bilan qaraydi. Mustaqillik bizga aynan shunday – har bir fuqaroning huquq va erkinliklari mustahkam himoyalangan, adolatli va udratli davlat qurish imkonini berdi.

Istiqlol yillarida mil­liy qonunchiligimizning in­sonparvarlik tamoyillari bilan yo’g’rilgani fuqarolarning huquq va manfa­at­larini mustahkam muhofazalash imkonini berdi. In­son manfaatlari ustuvorli­gi mustaqillik yillarida amalga oshirilgan barcha is­lohot va yangilanishlarning muhim mezoniga aylan­di. Bu Prezidentimiz tomonidan ilgari surilgan «islohot is­lohot uchun emas, avvalo inson manfaati uchun» degan­ ezgu maqsad amalga oshgani­ni ko’rsatadi.

Mamlakatimizda huquqiy davlat barpo etishning muhim tarkibiy qismi bo’lgan sud-huquq tizimini isloh etishning mutlaqo yangi konsepsiyasi joriy etilgani ham ana shu maqsadga xizmat­ qilmoqda. Ayniqsa, sud ho­ki­miyatining qonun ustuvorligi va inson huquqlari himoyasini ta’minlovchi yax­lit­­ tizim sifatida to’liq shakl­lantirilgani bu jara­yonda alohida ahamiyat kasb etdi.

Hokimiyatlar bo’linishiga oid konstitusiyaviy tamoyilni izchil amalga oshirish maqsadida «Sudlar to’g’risida»gi Qonun yangi tahrirda qabul qilindi, shuningdek, bu davrda jinoyat-prosessual, fuqarolik prosessual qonunchiligiga o’zgartish va qo’shimchalar kiritildi. Bu sud tizimini ijro etuvchi hokimiyat organlari nazorati va ta’siridan chiqarish imkonini berdi.