Hayotimiz guli, oftobi- ayol

She'r yakuniga yaqin 2-boshlovchi qiz chiqib, barcha she'r o'qigan kasb egalari tomon о 'ng qo’lini ularga ishora holida she’r о 'qiydi:

-Qay bir kasbda, qanday mansabda,

Ishlamasin, ayol bu - ona.

Pokiza u naslu nasabda,

Farzandiga mudom parvona.

Jasoratda erlardan o'tar,

Ibo-hayo yo'l bermas xiyol.

Dilin faqat bir sog'inch o'rtar,

Bolam, deydi dunyoda ayol.

Qizlar o'rinlarini egallaydilar.

Davraga 1-boshlovchi chiqib kelib, 2-boshlovchi yonidan joy oladi.

1-boshlovchi:

- Xalqimizda, ayolni e'zozlagan millatning qadri hamisha baland bo'ladi, degan ajoyib naql bor. Darhaqiqat, mamlakatimiz davlat va jamiyat qurilishida yil sayin xotin-qizlar faolligi oshib bormoqda. Bu esa millatimiz qadr- qimmatini yuksaklarga ko'tarish emasmi?

2-boshlovchi:

- Istiqlol yillarida Prezidentimiz Islom Karimov rahnamoligida xotin- qizlami har tomonlama qo'llab-quvvatlash davlatimiz siyosatining asosiy yo’nalishlaridan biriga aylandi.

1-boshlovchi:

- Ha, albatta, onalar salomatligini mustahkamlash, yosh avlod hamda - oilalarni ijtimoiy himoyalash borasida o'tgan va undan avvalgi yillarda boshlangan ezgu ishlar, ko'plab xayrli chora-tadbirlar ushbu yilida ham davom ettirilib, ajoyib loyihalar amalga oshirilayotgani buning yorqin dalilidir.

2-boshlovchi:

-Yurtboshimiz tashabbusi bilan ta'sis etilgan Zulfiya nomidagi Davlat mukofoti mamlakatimiz iqtidorli qizlarini aniqlash, qo'llab-quvvatlash va rag'batlantirish, yangi marralar, yangi ijodiy yutuqlar sari da'vat etishda muhim omil bo’lmoqda. Shunday e'zoz va e'tibor mamlakatimiz xotin-qizlarining har sohada ilg'or, yetuk bo'lishlariga zamin yaratmoqda.

1-boshlovchi:

- Buni birgina sportchi qizlarimizning Vatanimiz sharafini jahon miqyosida munosib himoya qilayotganligi misolida ham yaqqol tasavvur etishimiz mumkin. Bundan tashqari, ularning ilm-fan, ta'lim, sog'liqni saqlash, ishlab chiqarish, san'at, adabiyot va boshqa ko'plab sohalar rivojiga qo'shayotgan hissalarini ham e'tirof etmay bo’lmas.