Hayotimiz guli, oftobi- ayol

1-boshlovchi:

- U zotga ehtirom millati va dinidan qat'iy nazar, barcha insonlarga birday daxldordir.

2- boshlovchi:

- U zotga bo'lgan mehr-muhabbatimiz ham shunchaki ko'ngilchanlikdan tamoman xolidir.

U zot esa aziz onalarimiz, opa-singillarimiz, lobar qizlarimizdir.

1-boshlovchi:

Ayolning ona zotiga xos fazilatiarini sanab ado etib bo'lmasa kerak. U o’z nomi bilan avlod davomchisi, go'zallik timsoli.

2-boshlovchi:

- Muhtarama ayollar! Aziz,tadbirimiz ishtirokchilari!

Sizning ta'rifingizga hali ko'p madhiyalar, iliq so'zlar va tabriklar izhor etiladi. Hozir navbatni badiiy havaskorlik jamoasiga bersak. Ular ijrosida kuy va qo'shiqlar tinglab, raqslar tamosha qiling.

Badiiy havaskorlik jamoasi ijrosida «Sen buhorni sog'inmadingmu?» qo'shig’i tinglansa, «Bahor valsi» raqsi tomosha qilinsa, ayni muddao bolar edi So'ng yana sahnaga boshlovchilar chiqishadi.

1-boshlovchi:

- Bahor kirib kelganida borliq qanchalik yashnab ketsa, ayol kirgan xonadon, dargoh ham shu qadar nurafshon bo'ladi. Ayolning xonadon farishtasi, deya ta'riflanishining boisi ham shundandir balki.

2- boshlovchi:

- Xushxabar keltirsa kirn farzandidan,

Yo'liga poyondoz to'shaydi ayol.

Bo'lsin u olima, ishchi, shifokor -Dunyoda bolam, deb yashaydi ayol.

1-boshlovchi:

- Ha, darhaqiqat, ayol kishi qanday kasb egasi bo’lmasin, u eng avvalo, farzandim, deb, yashaydi, farzandim, deb aql bovar qilmaydigan jasoratlarga bel bog'laydi.. U eng avvalo, farzandlarining mehribon onasi, dono maslahatchisi, qo'li shirin pazanda, oqila uy bekasidir.

2- boshlovchi:

To'g’ri aytasiz, dunyoda bolam, deb kuyib-yonmaydigan ayol bo'lmasa kerak. Keling, shunday ayollarning qalbiga bir quloq solib ko’raylik, ular nima der ekanlar.