Халқаро молиявий институтлар (хми) томонидан инвестиция лойиҳаларини лойиҳавий молиялаштириш тажрибалари

Халқаро молиявий институтлар (ХМИ) томонидан инвестиция лойиҳаларини лойиҳавий молиялаштириш тажрибалари

ИБ-1 гурух талабаси Абдусамадов А

Режа

Кириш

• Халқаро молия институтлари фаолиятининг хуқуқий асослари;
• Халқаро молия институтларининг лойиҳавий молиялаштириш учун кредитлар ажратишдаги асосий шартлари ва мезонлари;
• Лойиҳавий молиялаштиришда Европа тикланиш ва тараққиёт банкининг иштироки ва тажрибаси.
• Фойдаланилган адабиётлар рўйхати.

Кириш
Ўзбекистон мустақилликнинг дастлабки кунлариданоқ ташқи иқтисодий фаолиятни кенгайтириб, қатор халқаро молиявий институтлар (ХМИ) ва хорижий банклар билан ўзаро манфаатли алоқалар ўрната бошлади. Ташқи иқтисодий фаолиятни эркинлаштириш, кенгайтириш учун ҳуқуқий асосларини яратиб берган асосий қонун ҳужжатлари қабул қилинди.
Кўплаб Президент Фармонлари ва ҳукумат қарорлари ишлаб чиқилди. Улар ташқи иқтисодий алоқаларни амалга ошириш, ташқи иқтисодий фаолият соҳасида халқаро шартномалар тузиш ва уларни бажариш учун асосий шарт-шароитни яратиш, хорижий кредит линияларини инвестиция лойиҳаларини молиялаштиришга фаол жалб қилиш имконини берди.
Ўзбекистон мустақил давлатлар ҳамдўстлиги (МДҲ)да биринчилар қаторида инвестиция фаолиятини молиявий қўллаб-қувватлаш борасида хорижий кредит линияларига эга бўлди.
Бозор иқтисодиёти шароитида кичик ишлаб чиқаришни, хусусий бизнесни молиявий қўллаб-қувватлашда хорижий кредит линиялари маблағларини банклар орқали реал секторга жалб қилиш ҳисобига ривожлантириш муҳим аҳамият касб этиши ҳаммага аён. Чунки келажакда улар негизида молиявий жиҳатдан бақувват кўп тармоқли йирик ишлаб чиқариш корхоналарининг шаклланиши кўзда тутилади ва замонавий техника-технологиялар қўлга киритилади. “Ташқи инвестицияларни, шу жумладан, чет эл сармоясини кенг кўламда жалб қилиш ҳозирги кунда халқ хўжалиги таркибини қайта қуриш мақсадларига эришишнинг зарур шарти бўлиб қолди. Чет эл сармоясини жалб қилишни бевосита инвестициялар тарзида ҳам, давлат қарзлари, халқаро молия ва иқтисодий ташкилотлар, қарз берувчи мамлакатларнинг инвестиция ёки молиявий кредит ресурслари шаклида ҳам амалга ошириш кўзда тутилмоқда. Биз махсус инвестиция лойиҳаларини амалга ошириш учун чет эл сармоясини жалб қилишга алоҳида эътибор берамиз”
Шуни алохида қайт этиш керакки, Республикада 1-лардан бўлиб, хусусий банклар ичида Хамкорбанк АТБ томонидан ЕТТБ хорижий линиасини жалб килиш оркали кичик тадбиркорлик субъектларини куллаб кувватлаш лойихаси амалга оширилди.