“Gulla, yashna hur O’zbekiston

“Gulla, yashna hur O’zbekiston”


O’zbekiston Respublikasining Davlat madhiyasi ijro etiladi.
Abdulla Oripov so’zi
Mutal Burxonov musiqasi

Serquyosh hur o’lkam, elga baxt najot

Sen o’zing do’stlarga yo’ldosh mehribon
Yashnagay toabad ilmu, fan ijod
Shuhrating porlasin toki bor jahon
Oltin bu vodiylar, jon O’zbekiston
Ajdodlar mardona ruhi senga yor
Ulug’ xalq qudrati jo’sh urgan zamon
Olamni mahliyo aylagan diyor
Bag’ri keng o’zbekning o’chmas iymoni
Erkin yosh avlodlar senga zo’r qanot
Istiqlol mash’ali, tinchlik posboni
Haqsevar ona yurt mangu bo’l obod.

Salom qismi

1 – o’quvchi: Bayram tillardan
Toza dillardan
O’g’il – qizlardan
Salom – assalom


2 – o’quvchi: O’qitib ilm bergan
Ustozlarga assalom
Davramizga fayz qo’shgan
Mehmonlarga assalom


3 – o’quvchi: A’lo baho sovg’amiz
Onajonlar assalom
Hamisha ta’zimdamiz
Mehribonlar assalom


4 –o’quvchi: Salomimni qabul aylang
Ruxsat bering bizlarga
Biz boshlaymiz bayramni
Sog’liq tilab sizlarga


5 – o’quvchi: Mana ota – onalar
Kelishibdi tabriklab
Yig’ilganlar shod –xursand
Zavqlanar bizga qarab


6 – o’quvchi: Marhabo bizning davramizga do’stlar, mehribon ustozlar aziz ota – onalar biz o’zimizning “Gulla, yashna hur O’zbekiston” mavzusidagi bayramimizni boshlaymiz. Tinglang va tomosha qiling


Xumo qushi: Men xumo qushiman, edim afsona
Bugun afsonamas qarshingizdaman
Siz bilan bo’lurman yelkama – yelka
Hur bo’lsin, gullasin shu aziz o’lka
7 – o’quvchi: Mangu faxrim e’tiqodi
Nurli iymonim mening
Zar tuprog’ingni avaylash
Muqaddas burchim mening