Фуқаролар соғлиғини сақлаш тўғрисида

“Фуқаролар соғлиғини сақлаш тўғрисида”ги қонуни

Режа:

1. 
   Бўлимнинг асосий вазифаси ва фаолият йўналишлари:
   
2. 
   Бўлим бошлиғининг ваколатлари:
   
3. 
   Бўлим бошлиғи ўринбосарининг ваколатлари:
   
4. 
   Бўлим катта прокурорлари ва прокурорларининг ваколатлари:
   
5. 
   Бўлимда иш юритишни ташкил қилиш:
   

«Фуқаролар мурожаатлари ва хатлар бўлими тўғрисида»ги
НИЗОМ
Фуқаролар мурожаатлари ва хатлар бўлими (бундан ке­йин матнда бўлим деб юритилади) Ўзбекистон Республикаси Бош прокуратурасининг мустақил таркибий тармоғи ҳисобланади.
Бўлим фаолиятига Бош прокурор томонидан тайинлана­диган бўлим бошлиғи раҳбарлик қилади. Бўлимда бўлим бош­лиғининг ўринбосари, катта прокурорлари, прокурорлари, мута­хассислари, бўлим катта нозирлари ва нозирлари фаолият кўрсат­ади.
Бўлим ўз фаолиятини Ўзбекистон Республикасининг Конституцияси, «Прокуратура тўғрисида»ги, «Фуқароларнинг мурожаатлари тўғрисида»ги қонунлари ҳамда бошқа қонун ҳуж­жатлари, Ўзбекистон Республикаси Президентининг Фармонла­ри, Ҳукумат қарорлари, Бош прокуратуранинг ҳайъати қарорла­ри, Бош прокурорнинг буйруқ ва кўрсатмалари, прокуратура ор­ганларида иш юритиш ва ҳужжатлар ижросини назорат қилиш ҳақидаги Йўриқнома ҳамда мазкур Низом талаблари асосида амалга оширади.
Бўлим томонидан қонунийлик аҳволи таҳлилларидан келиб чиққан ҳолда ишни ташкиллаштириш борасида Бош про­куратуранинг ярим йилга тузиладиган иш режасига таклифлар берилади ҳамда бўлимнинг иш режаси тузилади. Иш режасига кириталган тадбирлар ижроси белгиланган муддатларда таъмин­ланади.
Бўлим ишини ташкил этиш ходимлар ўртасида вазифа­ларни соҳа-минтақа ва ўриндошлик асосидаги иш тақсимотига биноан амалга оширилади.
Бўлимда фуқароларнинг мурожаатлари ва иш юритиш борасида амалга оширилган ишлар бўйича таҳлилий ҳужжатлар тайёрланади ва бу ҳақда Бош прокуратура раҳбариятига ахборот бериб борилади.
Қуйи прокуратураларда соҳа фаолиятини яхшилашга қара­тилган услубий тавсиялар ишлаб чиқилади ва жойларга юбори­лади.
Бўлимда тезкор йиғилишлар ўтказиб борилади ва уларда соҳага тааллуқли, шунингдек бевосита ходимларнинг фаолияти билан боғлиқ масалалар муҳокама қилинади.
Бўлимда амалга оширилган ишлар юзасидан ҳар чоракда ҳисобот тузилиб, ташкилий-назорат ва таҳлилот бошқармасига топширилади. Ҳисоботларнинг ҳаққонийлиги учун масъулият бўлим бошлиғи зиммасида бўлади.
Заруратга кўра вилоятлар прокуратуралари ва уларга тен­глаштирилган прокуратуралардан соҳага оид таҳлилий ахборот­лар талаб қилиб олинади.
Бўлим фаолиятини Бош прокурорнинг соҳа бўйича ўринбосари назорат қилади ва соҳада амалга оширилган ишлар юзасидан Бош прокурорга ахборот бериб боради.
Бўлим Бош прокуратуранинг таркибий тармоқлари, Ўзбекистон Республикаси Президенти Девони, Олий Мажлис, суд ва бошқа тегишли идоралар ҳамда жамоатчилик билан ҳам­корликда ишларни ташкил этади.
Вилоятлар прокурорлари ва уларга тенглаштирилган прокурорларнинг фуқароларнинг мурожаатлари ва хатлар бўйича катта ёрдамчилари (бундан кейин матнда катта ёрдамчилар деб юритилади) ўз фаолиятини мазкур Низом талаблари асосида амалга оширади.