FARG‘ONA DAVLAT UNIVERSITETI FIZIKA-MATEMATIKA FAKULTETI MATEMATIKA O‘QITISH METODIKASI YO‘NALISHI
3 – KURS 17.03A GURUH TALABASI ISAQOVA ZILOLA ZOKIRJON QIZINING MATEMATIKA O‘QITISH METODIKASI FANIDAN „DIOFANT TENGLAMALARI VA ULARNI O’RGATISH METODIKASI’’ MAVZUSIDAGI KURS ISHIGA
TAQRIZ
Yoshlarga ta’lim va tarbiya berishning murakkab vazifalarini hal etish o‘qituvchining g‘oyaviy e’tiqodi, kasb – mahoratiga, san’ati, iste’dodi va madaniyatiga hal qiluvchi darajada bog‘liqdir. Ta’lim – tarbiya jarayonini to‘g‘ri tashkil etish uchun barcha mavjud imkoniyatlarini safarbar etish o‘qituvchilarning birinchi navbatdagi vazifalaridan biridir.
Matematika fani o‘sib kelayotgan yosh avlodni kamol toptirishda o‘quv fani sifatida keng imkoniyatlarga ega. U o‘quvchi tafakkurini rivojlantirib, ularning aqlini peshlaydi, uni tartibga soladi, o‘quvchilarda maqsadga yo‘naltirganlik, mantiqiy fikrlash, topqirlik xislatlarini shakllantirib boradi. Shu bilan bir qatorda mulohazalarning to‘g‘ri, go‘zal tuzilganligi, o‘quvchilarni didli, go‘zallikka ehtiyojli qilib tarbiyalab boradi.
Insoniyat kamoloti hayotning rivoji texnika va texnologiyalarning takomillashib borish asosida fanlar o‘qitilishiga bo‘lgan talablarini hisobga olgan holda maktab matematika kursini ularning zamonaviy rivoji bilan uyg‘unlashtirish maktabda o‘quvchilarga matematikani o‘qitishdan ko‘zda tutilgan asosiy maqsadlardan biridir. Matematika fani o‘quvchilarni iroda, diqqatni to‘plab olishni, qobilyat va faollikni, tasavvurining rivojlangan bo‘lishini talab eta borib, mustaqil, ma’suliyatli, mehnatsevar, intizomli va mantiqiy fikrlash hamda o‘zining qarash va e’tiqodlarini dalillar asosida himoya qila olish ko‘nikmalarini rivojlantirishni talab qiladi.
Z.Isaqovaning kurs ishi kirish, 2 ta bob, 5 ta paragraf, xulosa va foydalanilgan adabiyotlar ro‘yxatidan iborat. Kirish qismida kurs ishining dolzarbligi, maqsad va vazifalari bayon qilingan.
Kurs ishining birinchi bobi ikkita paragrafdan iborat bo‘lib, birinchi paragrafda diofant hayoti va ijodi to‘g‘risidagi ma’lumotlar keltirilgan. Ikkinchi paragrafda diofant tenglamalari haqida umumiy ma’lumot berilgan.
Kurs ishining ikkinchi bobida uchta paragraf keltirilgan bo‘lib, birinchi paragrafda radikallarda yechish mumkin bo’lmagan tenglamalar haqidagi ma’lumotlar berilgan. Ikkinchi paragrafda ko’p o’zgaruvchili diofant tenglamalari haqida keltirib o‘tilgan. Uchinchi paragrafda yuqori darajali diofant tenglamalari to‘g‘risida bir qancha ma’lumotlar va chizmalar keltirib o‘tilgan.
Kurs ishining oxirida xulosa chiqarilib, foydalanilgan adabiyotlar ro‘yxati keltirilgan.
Yuqoridagilarga hamda ilmiy suhbat natijasiga asosan Isaqova Zilola Zokirjon qizining “Diofant tenglamalari va ularni o’rgatish metodikasi” mavzusidagi kurs ishi O‘zbekiston Respublikasi davlat ta’lim standartlarida qo‘yilgan talablarga javob beradi va uni himoyaga tavsiya qilaman.
Ilmiy rahbar: Matematika kafedrasi dot (P.h.D)
U.Xonqulov
Do'stlaringiz bilan baham: |