Диплом олди амалиёти, ишлаб чиқариш бўйича корхона ташкилотлар билан тузилган

Учқўрғон туман 2-сон касб-хунар мактабининг диплом олди амалиёти, ишлаб чиқариш бўйича корхона ташкилотлар билан тузилган
ШАРТНОМА 
Учқўрғон тумани “ __”________2021йил
 
Ўзбекистон Республикаси профессионал таълимнинг дуал тизимини ташкил этиш тартиби тўғрисида низом асосида, таълим бўйича кадрлар тайёрлайдиган профессионал таълим муассасаси – кейинги ўринларда “Таълим муассасаси” деб номланувчи Учқўрғон туман 2-сон касб-хунар мактабининг раҳбари Мусаева Шохиста Садриддиновна бир томонидан, иккинчи томондан таълим бўйича Таълим муассасаси билан ҳамкорликда кадрлар тайёрлайдиган Корхона (ташкилот)–кейинги ўринларда “Корхона” деб номланувчи_____________________________________________________________________нинг
раҳбари________________________________________________диплом олди амлиёти ташкил этишда, кейинги ўринларда “Томонлар” деб номланувчи мазкур шартнома туздилар 

1. ШАРТНОМА ПРЕДМЕТИ. 
1.1 ____________________________________________________ касб (мутахассислик) бўйича таълим асосида малакали кадрлар тайёрлашни ҳамкорликда амалга ошириш мажбуриятини оладилар.
1.2 Ўқувчини меҳнат фаолияти иштирокчисига айлантириш орқали таълим дастурининг назарий, ўқув-амалий қисми профессионал таълим муассасасида, малака ҳамда компетенцияларни шакллантиришни ишлаб чиқариш билан боғлиқ амалий қисм корхона (ташкилот)да ташкил этиш. 
2. ТОМОНЛАРНИНГ МАЖБУРИЯТЛАРИ. 
2.1. Корхона:
Таълим муассасаси билан ҳамкорликда таълим дастурини амалга ошириш бўйича чора-тадбирлар режаси ишлаб чиқади ва амалга оширади;
Ишлаб чиқариш амалиёти муддатлари ҳамда корхона (ташкилот)га юборилаётган ўқувчилар таркиби бўйича таълим муассасаси билан келишади;
Ишлаб чиқариш амалиёти бўйича ўқувчилар билан шартномалар тузади ва таълим муассасаси билан келишилган муддатларда ўқувчиларни қабул қилади;
Ҳар бир ўқувчи(лар)га ишлаб чиқариш билан боғлиқ амалий қисмини ўргатиш учун юқори малакали мутахассис уста бириктиради;
Корхона (ташкилот)да таълим дастурининг ишлаб чиқариш билан боғлиқ амалий қисмини амалга оширилишини таъминлайди ва етарли шарт-шароитлар яратади.
Таълим муассасаси билан ҳамкорликда ишлаб чиқилган таълим дастурларига мувофиқ ўқувчи томонидан ўзлаштирилган ўқув модуллари асосида касб (мутахассислик) бўйича ўқитиш натижалари (компетенциялар)ни баҳолаш жараёнини ташкил этади;
Ўқувчининг касб (мутахассислик)лари бўйича якуний давлат аттестациясида иштирок этади;
Таълим муассасаси билан биргаликда ўқитишнинг дуал тизимида таълим берилганлиги бўйича ҳисоботларни тайёрлайди.