Dasturi va

UMUMIY O’RTA TA’LIM MAKTABLARIDA “SCRATCH” DASTURI VA “ARDUINO PLATFORMASI VA UNING DASTURLASH MUXITI” YORDAMIDA O’QUVCHILARNI DASTURLASH VA ROBOTATEXNIKAGA YO’NALTIRISH.

Goyibberdiyev Abdullajon Mirzoxidovich, Ahmadaliyev Doniyorbek K.

(Andijon davlat universiteti Ta’limda axborot texnologiyalari mutaxassisligi 1-kurs magistratura talabasi

Abdullajongoyibberdiyev199608@g

mail.com)
Anotatsiya.

Hozirda Axborot texnologiyalaridan har bir sohada,biznes,davlat boshqaruvi organlari, ta’limda va boshqa qator sohalarda shaffoflikni ta’minlash ,inson omilini bartaraf etish ,shu sohaga AT lari orqali innovatsiya olib kirish maqsadida foydalanilmoqda.Ayni paytda, Finlyandiya, Angliya va Estoniya kabi rivojlangan mamlakatlarda dasturlash maktab dasturlariga hattoki majburiy fan sifatida kiritilmoqda.Bundan asosiy maqsad o’quvchilarga “Computational thinking” (dasturchilarga o’xshab fikrlash) nimaligini o’rgatish.Endilikda biz yangi “Axborot texnologiyalari asri”da yashamoqdamiz , Xalqimiz dunyoqarashida innovatsiya muxitini yaratish eng muxim vazifamizdir.Innovatsiya bo’lmas ekan,hech bir sohada raqobat va rivojlanish bo’lmaydi (Sh.M.Mirziyoyev)..Rivojlanish uchun esa bizga yangicha fikrlaydigan auditoriya kerak bo’ladi. Biz bunga o’quvchilarni daturlashga yo’naltirish orqali erishishimiz mumkin.Chunki dasturchining vazifasi faqatgina kod yozishdan iborat emas,dasturchi biror joydagi muayyan muammoni hal qiladigan dastur yaratishi uchun o’sha soha mutaxasislari bilan bir hil yoki ko’proq bilimga ega bo’lishi talab qilinadi.

Kalit so’zlar:Scratch ,dasturlash tili ,robotatexnika ,Arduino platformasi,ijodkorlik.

Keyword :Scratch ,programming language,robotics,Arduino platform,creativity.

Kirish.

Hozirda mamlakatimizda umumiy o’rta ta’lim maktablarida Axborot texnologiyalarini (keying o’rinlarda AT) o’rgatishda biz faqat informatika darslari bilan cheklanib qolganmiz va bu dastur o’quvchilarni muayyan sohaga yo’naltirishga qaratilmagan ,balki informatika haqida umumiy ma’lumotlar beradi halos.Biz maktab dasturlaridagi informatika dasrlariga o’quvchilarni ATga qiziqtira oladigan va shu qiziqishi orqali ATning ma’lum bir sohaga yo’naltira oladigan dasturni qo’shishimiz kerak.Biz bunda Scratch dasturidan va Arduino platformasi va dasturlash muxitidan foydalanishimiz mumkin.Chunki Scratch bloklarga asoslangan dastur bo’lib,biz ularga algoritm haqidagi dastlabgi tushunchalarni o’rgatishimiz ,bunda o’quvchilar bloklarni to’gri tartibda terish orqali ma’lum bir dastur yaratishlari ,o’zlari qilgan ishni virtual ko’rishlari orqali o’quvchilarni dasturlashga qiziqishi ortadi O’quvchilarda algoritm haqida tushuncha paydo bo’lgandan so’ng ikkinchi bosqichda Arduino platformasi orqali o’quvchilarga elektronika ,sxema chizish, robotatexnika va kundalik hayotimizdagi ba’zi sohadagi ish(uy ,issiqxona ,svetafor) larni avtomatlashtirishni o’rgatishimiz mumkin.Arduino platformasi o’zining dasturlash muxitiga ega va bunda biz dasturlash tillari haqida o’quvchilarga ma’lumot berishimiz,qiziqtirishimiz dasturlashga yo’naltirishimiz mumkin .Chunki Arduino dasturlash muxitida o’quvchilar dastur yozganda ,dasturni to’g’riligini tekshirishi va usb kabel orqali yozgan dasturini arduino platformasiga generatsiya qilishi orqali qilgan ishlarini .real vaqtda real ko’rishlari o’quvchialrga boshqacha bir zavq beradi va qiziqishi ortadi.Maktablarda bu dasturni joriy qilishdan asosiy maqsad –bu yoshdagi o’quvchilar juda qiziquvchan, o’rganish salohiyati yuqori va ularni ma’lum bir sohaga yo’naltirish oson bo’ladi.O’quvchilar bu ikki(Scratch va Arduino ya’ni dasturiy qism va qattiq qism)lar orqali dasturlash va robotatexnikani shunchaki bajarish orqali o’rganishlari mumkin.