Central Asian Research Journal For Interdisciplinary Studies (CARJIS)
ISSN (online): 2181-2454
Volume 2 | Issue 6 | Juni, 2022 | SJIF: 5,965 | UIF: 7,6 | ISRA: JIF 1.947 | Google Scholar |
www.carjis.org
DOI:
10.24412/2181-2454-2022-6-349-358
E-mail: carjisor@gmail.com
349
TURKISTON IQTISODIY KENGASHINING TASHKIL ETILISHI VA
FAOLIYATI
Bunyod Ashurali o‘g‘li Xolisov
O’zR FA Tarix instituti tayanch doktoranti
ANNOTATSIYA
Turkistonda bolsheviklar hokimyati dastlabki kundanoq o’tkazgan iqtisodiy
islohotlar sotsiolistik jamiyat qurish prinsiplari asosida amalga oshirildi. Turkistonni
og’ir iqtisodiy ahvoldan olib chiqishda turli markaziy xo’jalik organlari qatori
Turkiston iqtisodiy Kengashi ham rol o’ynadi. Biroq ularni tashkil qilish jarayoni va
faoliyati davrida bolshevikcha diktaturaning umumiy
xususiyatlaridan kelib
chiqadigan xususiyatlari, ya’ni ishlab chiqarish vositalarini Sovet respublikasi
mulkiga og’ishmay
aylantirish, mamlakatning xo’jalik faoliyatini yagona reja
bo’yicha birlashtirish kabi chora tadbirlari kutilmagan oqibatlarni keltirib chiqardi.
Kalit so‘zlar:
bolsheviklar, sovet hokimiyati, «harbiy kommunizm», Turkiston
Iqtisodiy Kengashi,
KIRISH
Turkistonning Bolshevik rahabariyati Markazning ko’rsatmalariga amal qilib,
O’rta Osiyo mintaqsining ijtimoiy-iqtisodiy hayotini
Markaz manfaatlariga
yo’naltirib turishlari lozim edi
1
. Ular Markazning ko’rsatmalarini o’ziga xos inqilobiy
keskinlik va sabrsizlik bilan amalga urinar edi. Biroq bu ko’rsatmalarni amalga
oshrishda mahalliy o’ziga xoslikni hisobga olmay, ularni odatlari va an’analari bilan
tanish bo’lmagan holda uni nazar pisand qilmasdan, iqtisodiy
qonunlarga nisbatan
bepisandlik bilan xo’jalik organlarini boshqarish va harbiy davrning favqulotda
tadbirlari bilan kuchaytirilgan ma’muriy choralar qo’lashi mamlakatda kutilmagan
g’oyat og’ir ahvolni yuzaga keltirdi.
Turkistonning bolshevik rahbariyati Rossiya sanoat
markazlari ehtiyojlariga
xizmat qiluvchi soha korxonalarini musodara qilishga shoshildilar va bunda o’lka
xalqlari manfaatlarini, bu tadbirning iqtisodiy jihatdan maqsadga muvofiqligi va
tayyorgarlikni hisobga olmadilar.
Xomashyo, yonlig’i, mablag’lar ishchi kuchi
yetishmasligi tufayli, shu bilan birga urush munosabati bilan tayyor mahsulotni sotish
qiyinlashib qolganiga ko’ra korxonalarning juda ko’pchiligi, ayniqsa paxta tazolash
zavodlari ishdan to’xtab, ularda band ishchilar ishsiz qoldi.
Musodara qilingan,
1
Очерки хозяйственной жизни Туркреспублики. – Т., 1920. стр. 130.