Buyuk ipak yo`li va hozirgi zamon. (2 soat) Seminar mashg’ulotni o`tish texnologiyasi

SEMINAR MASHG'ULOTNING BORISHI: Mavzu yuzasidan talabalar quyidagi bilimlarni o`zlashtirilishi talab etiladi: Eng qadimgi yo‘llardan biri miloddan avvalgi III–II ming yillikda vujudga kelgan “La’l” yo‘lidir. U Pomir tog‘laridan boshlanib Eron va Old Osiyo hamda Misr orqali o‘tgan. Pomirdan olinadigan yarim nodir la’l toshi (lojuvard) qadimgi Sharq mamlakatlari zargarlari tomonidan yuksak baholangan. Badaxshon la’li ishlatilgan buyumlar Misr fir’avnlari maqbaralaridan topilgan.

Yana bir karvon yo‘li Eron Ahamoniylari sulolasining yo‘li bo‘lib «Shoh yo‘li» deb atalgan. U miloddan avvalgi VII asrlarda Kichik Osiyo shaharlarini, O‘rtayer dengizi bo‘yidagi Efes, Sard shaharlarini Eron poytaxtlaridan biri Suza bilan bog‘lab turgan. Tag‘in bir yo‘l Eron, Baqtriya orqali Sug‘diyona, Toshkent vohasi va Qozog‘iston hududidan o‘tgan va Oltoygacha borgan.