Бокс бўйича аёллар терма жамоаси тўғрисида маълумот

Бокс бўйича аёллар терма жамоаси тўғрисида
МАЪЛУМОТ

Бокс бўйича Ўзбекистон аёллар терма жамоасига 2015 йил асос солинди. Аёллар терма жамоа вакиллари нуфузли мусобақалардан бири бўлган қитъа чемпионатида илк бор 2015 йил Уланчабу шахрида (Хитой) ўтказилган Осиё чемпионатида иккита кумуш, иккита бронза медални кўлга киритганлар.

Боксчимиз Мирзаева Ёдгорой Рио – 2016 Олимпия ўйинларига йўлланмани кўлга киритиб, Олимпия ўйинларида иштирок этди.
2017 йил Хошимин шахрида (Вьетнам) бўлиб ўтган Осиё чемпионатида аёллар терма жамоаси аъзолари бита олтин (спортчи Исматова Гўзал), иккита бронза медални қўлга киритдилар.
2019 йил Бангкок шаҳрида (Тайланд) ўтказилган Осиё чемпионатида уч нафар боксчимиз бронза медалларга сазовор бўлдилар.
2020 йилда уч нафар аёл боксчимиз Токио-2020 Олимпия ўйинларига йўлланмани қўлга киритдилар. Токио-2020 Олимпия ўйинларида Кодирова Райхона ва Рахимова Турсуной бешинчи ўринни эгаладилар.
2021 йил Кельц шахрида (Польша) бўлиб ўтган ёшлар ва қизлар ўртасидаги жахон чемпионатида қизлар терма жамоаси вакили Ўктамова Нигина ўзбек бокси тарихида илк бор қизлар ўртасида олтин медални қўлга киритди.
2021 йил Дубай шаҳри (БАА) ташкил этилган эркаклар ва аёллар ўртасидаги Осиё чемпионатида аёллар терма жамоаси бита олтин, бешта кумуш, иккита бронза медални кўлга киритиб, юртимизга қайтдилар.
9 май куни Туркиянинг Истанбул шаҳрида бокс бўйича аёллар ўртасидаги жаҳон чемпионати старт олди.
Мусобақада дунёнинг 93 мамлакатидан 310 нафар боксчи 12 та вазн тоифасида совринли ўринлар учун кураш олиб борди.
Баҳсларда Қозоғистон, Моғулистон, Германия, Украина, Англия, Франция, Испания, Ҳиндистон, Бразилия, Япония, Туркия мамлакатларидан ташриф буюрган чарм қўлқоп усталари медаллар учун кураш олиб борди.
Ўзбекистон терма жамоаси жаҳон чемпионатида 10 та вазн тоифасида иштирок этди (63 ва -81 кг вазн тоифасида ўзбекистонлик боксчилар иштирок этишмади):
-48 кг: Маржона Савриева
-50 кг: Азиза Ёқубова
-52 кг: Турсуной Раҳимова
-54 кг: Нозима Бултурова
-57 кг: Сетора Турдибекова
-60 кг: Моҳинабону Абдуллаева
-66 кг: Навбаҳор Ҳамидова
-70 кг: Хадичабону Абдуллаева
-75 кг: Мавлуда Мавлонова
+81 кг: Моҳира Абдуллаева


Туркия давлатида ўтказилган аёллар ўртасидаги жахон чемпионатида Ўзбекистон терма жамоаси аъзолари илк бор тарихда, жахон чемпионатнинг иккита бронза медалларини қўлга киритишди. -50 кг вазнда Ёқубова Азиза, шунингдек, +81 кг вазндаги боксчи Абдуллаева Моҳира Ўзбекистонга жаҳон чемпионатининг бронза медали билан қайтадиган бўлди.