Bitiruv malakaviy ishi

II. XO’JALIKNING TARIXI VA TAVSIFI
“Abay ” nomli nasilchilik qorako’lchilik shirkat xo’jaliklari Navoiy viloyati Konimex tumaniga qarashli bo’lgan xo’jalikdir.

“Abay ” nasilchilik xo’jaligi Buxoro viloyatining Shovirkon tumani yaylovlarida 1964 yilda tashkil topgan, yangi tashkil topgan xo’jaliklarda asosan qora rangli qorako’l qo’ylari mavjud bo’lib, hozirgi yillargacha qisman shu rang qo’ylar bor. 1965 yildan boshlab sur rang qo’ylar ko’paytirila boshlagan, 1966-1967 yillarda Buxoro viloyati sobiq Sverlov tumani kalxozidan 250 bosh sur qo’chqorlar keltirildi. Respublika qishloq xujalik qaroriga asosan bo’ xujalik surchilikka aylantirildi.

Xo’jalikda nasilchilik ishini o’tkazish quyidagi davrlarga bo’linadi.

I – davr (1964-1969 yillar). Dumbali va duragay qo’ylarni podadan kamaytirish va sur rang quylarni ko’paytirish ishlari olib borilgan. Shu davr ichida qora rang qo’ylarning soni 23 foizga kamayib podada sur rang 34 foizga yetkazildi

II – davr (1970-1982 yillar). Bu davrda podada sur rang qo’ylar miqdori 34 foizdan 70 foizga yetdi. 1971 yilda xo’jalikning birinchi fermasi nasilchilik fermasiga aylantirildi.

III – davr (1983-1992 yillar). Bu davrda poda bilan chuqir nasilchilik ishi o’tkazila boshladi va bu zavod talabiga javob beradigan podani takomillashtirish vazifasi qo’yildi. Nasilchilik ishini bu davrda Samarqand Qishloq xo’jalik instituti olimlarining bir gurixi Soliyev Voris Xolboyevich boshchiligida xo’jalikka yaqindan yordam ko’rsatdilar.

1984 yili “Nuroto” nasilchilik xo’jaligidan 50 bosh “Sverdlov” xo’jaligidan 200 bosh sur qo’chqorlar keltirildi.

Poda sifatining yuqori bo’lganligini xisobga olib xo’jalik 1988 yili nasilchilik, 1992 yilda yesa davlat nasilchilik zavodi darajasiga o’tkazildi.

1995 yili “Abay” va “Qizilqum” nasilchilik jamoa xo’jaliklarida “O’zbekiston ko’mish suri” nomli yangi zavod tipi yaratilganligi Qishloq xo’jalik vazirligining 147 raqamli buyrug’iga asosan tasdiqlandi.

Buyriqda uning mualliflari sitfatida V.X. Soliyev, P.Sulaymonov, A.Nazarov, M.Egamqulov, S.Bozorov, S.Yusupov, N.Barimova, J.Jurayev va boshqalar. Bajarilgan ilmiy amaliy ishlar natijasida yildan yilga sur terilar salmog’i ko’payib borib, bu ko’rsatkich xar ikkala xo’jalikda 80-85 foizga yetkazilgan.