Ayollar milliy kо‘ylagini andozalarini tayyorlash

6.2.- mavzu. Ayollar milliy kо‘ylagini bichish va tikish
Reja:

1. 
   Ayollar milliy kо‘ylagini andozalarini tayyorlash
   
2. 
   Ayollar milliy kо‘ylagini bichish va tikish
   

Mashg‘ulot maqsadi: Ayollar milliy kо‘ylagini bichish va tikish texnologiyasini о‘rgatish.

Talabaga topshiriq: Ayollar milliy kо‘ylagini andozasini tayyorlash, bichish va tikish texnologiyasi asosida amaliy ish bajarish
Ayollar milliy kо‘ylagini andozalarini tayyorlash

Ayollar milliy kо‘ylagi gavdada erkin turishi, bichish va tikilish texnologiyasining soddaligi bilan boshqa kо‘ylaklardan ajralib turadi. Bu model mavsumbop bо‘lib, har mavsumda faslga qarab turli xil gazlamalardan tikib kiyiladi. Ushbu model о‘zining qulayligi, inson gavdasida erkin turishi, gigiyenik talablarga javob berishi va har qanday yoshdagi xotin-qizlarga yarashib turishi bilan boshqa kiyimlardan ajralib turadi. Kо‘ylakni yozgi mavsumlarda paxta, ipak, lavsan tolali, havo о‘tkazuvchanligi bor gigiyenik talabga javob bera oladigan har xil turdagi gazlamalardan tikish mumkin. Qishki mavsumlarda issiq tutuvchi gazlamalardan (sherst, jerst, vilyur va paxmoq gazlamalardan) yengi uzun, yoqali qilib tikilishi mumkin. Modelning asosini saqlagan holda yoqa о‘mizi, yeng, koketka shakllari, etak kо‘rinishlarini turlicha modellashtirishi mumkin.

Quyidagi holda xotin-qizlar milliy kо‘ylaklari modelini asosini tashkil etuvchi old va ort tomondan umumiy kо‘rinishi keltirilgan.(48-rasm)

a) b)

1. 
   b)
   

48-rasm. Ayollar milliy kо‘ylagi kо‘rinishi

(a) - Kо‘ylak modelining old tomondan kо‘rinishi. (b) - Kо‘ylak modelining ort tomondan kо‘rinishi

Bu modelda milliy kо‘ylak koketkasi ovalsimon shakldadir, yoqa о‘mizi shakldor bо‘lib, etakning yuqori qismida burma hosil qilinadi. Kо‘ylakning yengi kalta bо‘lib, yeng boshida burma hosil qilingan, yeng uchi esa bukma yopiq chok bilan bukib tikilgan. Kо‘ylakning ort qismi ham koketkali bо‘lib, ovalsimonroq shakldadir. Ort koketkaning yoqa о‘mizi ham modelga muvofiq botiq ovalsimon shaklda olinadi.

Ort etakning yuqori qismida burma hosil qilinadi. Kо‘ylak etagining pastki qismi bukib tikiladi. Ushbu modeldagi kо‘ylakni har qanday yoshdagi xotin-qizlar mavsumga mos holda gazlamalarning xususiyati va turiga qarab tikib kiysa maqsadga muvofiq bо‘ladi