Axborot – manbalari va taqdim etilish shaklidan qat’i nazar shaxslar, predmetlar, faktlar, voqealar, hodisalar va jarayonlar to‘g‘risidagi ma’lumotlar. Axborot resurslari

GLOSSARIY


Axborot – manbalari va taqdim etilish shaklidan qat’i nazar shaxslar, predmetlar, faktlar, voqealar, hodisalar va jarayonlar to‘g‘risidagi ma’lumotlar.
Axborot resurslari – alohida hujjatlar, hujjatlarning alohida to‘plamlari, axborot tizimlaridagi (kutubxonalardagi, arxivlardagi, fondlardagi, ma’lumotlar banklaridagi va boshqa axborot tizimlaridagi) hujjatlar va hujjatlarning to‘plamlari.
Axborot texnologiyalari - ma’lumotlarni tashkil etish, saqlash, ishlab chiqish, tiklash, uzatish usullari va texnik vositalar.
Axborotning reprezentativligi - uni to‘g‘ri tanlash va obyekt xususiyatini adekvat ifoda etish maqsadlarida shakllantirish.
Axborotning mazmundorligi - axborotning semantik (mazmuniy) hajmini ifoda etish.
Axborotning yetarliligi (to‘laligi) - qaror qabul qilish uchun minimal, lekin yetarli tarkibga (ko‘rsatkichlar jamlamasiga) ega ekanligini bildirish.
Axborotning aktualligi (dolzarbligi) - axborotdan foydalanish vaqtida uning boshqarish uchun qimmatliligi saqlanib qolishi va ushbu axborot paydo bo‘lgan vaqtdan buyon o‘tgan vaqt oralig‘iga bog‘liqligi.
Axborotning o‘z vaqtidaligi - uning avvaldan belgilab qo‘yilgan vazifani hal etish vaqti bilan kelishilgan vaqtdan kechikmasdan olinganligi.
Axborotning aniqligi - olinayotgan axborotning obyekt, jarayon, hodisa va hokazolarning real holatiga yaqinligi.
Axborotning ishonarliligi - axborotning real mavjud obyektlarni zarur aniqlik bilan ifoda etish xususiyati.
Axborotning barqarorligi - axborotning asos qilib olingan ma’lumotlar aniqligini buzmasdan o‘zgarishlarga ta’sir qilishga qodirligi.
Dit - axborotning o‘nlik sanoq tizimida o‘lchov birligi.
Bit - axborotning ikkilik sanoq tizimida o‘lchov birligi.


Analog axborot - axborotning uzluksiz ko‘rinishdagi holati.
Uzlukli axborot - axborotning uzlukli (dskret) ko‘rinishdagi holati.