Akt vaziri Samarqand viloyatida faoliyat olib borayotgan va ko`plab yoshlarga ish o`rni yaratib bergan bpo markazi faoliyati bilan tanishdi

AKT vaziri Samarqand viloyatida faoliyat olib borayotgan va ko`plab yoshlarga ish o`rni yaratib bergan BPO markazi faoliyati bilan tanishdi

Bugun, 11-iyun kuni Axborot texnologiyalari va kommunikatsiyalarini rivojlantirish vaziri Sherzod Shermatov Samarqand viloyatida faoliyat olib borayotgan “Prime Samarkand” BPO markazi faoliyati bilan tanishdi.

Mazkur markaz Samarqand shahrida faoliyat olib borgan to`y marosimlarini o`tkazuvchi restoran joyida tashkil etilgan bo`lib 50 nafarga yaqin yoshlarni yuqori daromadli ish bilan ta`minlagan.
AKT vaziri Sh.Shermatov markazda faoliyat olib borayotgan yoshlar bilan muloqot qilib, ularning faoliyati bilan yaqindan tanishdi. Yoshlar tomonidan oliy ma`lumotga ega bo`lmasdan turib ham yuqori daromad olish mumkinligi, buning uchun ingliz tili bilan kompyuterda ishlash ko`nikmalariga ega bo`lish lozimligini ta`kidlab o`tdilar.
Vazir “Prime Samarkand” BPO markazi rahbarlari bilan muloqot qilib, ularga faoliyatlarini kengaytirish va yangi ish joylarini tashkil etish bo`yicha vazirlik amaliy yordam ko`rsatishga doimiy tayyorligi, bino bilan ta`minlash va ularni ta`mirlash, shuningdek, yosh malakali kadrlarni tayyorlab berishda hamkorlikda ishlarni tashkil etish bo`yicha o`zining fikrlari va takliflarini aytib o`tdi.