Abituriyent 25 ball maksimum (biologiya)

www.abiyurent.uz

ABITURIYENT

25

BALL MAKSIMUM (BIOLOGIYA)

“CHALG’ITUVCHI” MASALA (3-son)

Masala: Xushbo’y no’xatning qizil gulli va changchining shakli tik formasi bilan oq gulli va changchi shakli egilgan formasi o’zaro chatishtirilganda F₁ da 150 ta o'simlikning barchasi qizil gulli va changchisi tik shaklga ega bo‘ldi. F₁ avlod o’zaro chatishtirilganda 2400 ta o‘simlik olindi. F₂ avlodda nechta o’simlik qizil gulli va tikka changchi shaklga ega bo’lgan?

A) 450 B) 1800 C) 600 D) 1350

Mendelcha ishlanish usuli: masala shartida berilgan fenotipik belgilarni genetik simvollar bilan belgilab olamiz: gulning qizil rangini A, oq rangini a, changchining tik shaklini B, egilgan shaklini b. Agar genotipda A va В lar bo’lsa, fenotip qizil gulli, changchisi tik shaklli, agar genotipda A va bb bo'lsa, fenotipi qizil gulli, egilgan changchili, agar genotipda aa va В bo'lsa, fenotipi oq gulli, tik changchili, agar genotipda aa va bb bo’lsa oq gulli, egilgan changchili bo'ladi. Shunga ko'ra, masalada aytilgan ota va ona fenotiplarining genotipini yozib, o’zaro chatishtiramiz, hosil bo’lgan F₁ avloddagi organizmlar ham o’zaro chatishtiriladi. Buning uchun ulardan olingan gametalarni Pennet katakchasiga yozib olamiz. Qizil gulli, tik changchili no’xat o’simligining genotipi qanday bo’lishini F₁ avlodga qarab topiladi. F₁ avlodda barcha o’simliklar qizil gulli, tik changchili hosil bo’lgani uchun genotip AABB bo’ladi.