8-mavzu: XIX asrning 2-yarmi XX asrda jahon pedagogika faninig rivoji. K. D. Ushinskiyning pedagogik merosi

8-MAVZU:XIX ASRNING 2-YARMI XX ASRDA JAHON PEDAGOGIKA FANINIG RIVOJI. K.D.USHINSKIYNING PEDAGOGIK MEROSI

Reja:

1. M.V.Lomonosovning ilmiy-pedagogik faoliyati.

2. M.I.Pirogov va L.N.Tolstoyning ta`lim-tarbiya, maktab-maorif tizimiga qo`shgan hissalari.

3. I.I.Betskiy va N.I.Novikovlarning pedagogik g`oyalari.

4. K.D.Ushinskiyning hayoti va ijodi.

5. K.D.Ushinskiy ahloqiy tarbiya maqsadi va vositalari.

1.1. M.V.Lomonosov (1711-1765) A.S.Pushkin: "Lomonosov misli ko`rilmagan iroda kuchini misli ko`rilmagan tushunchalari bilan birga qo`shib turib, maorifning butun sohalarini qamrab oldi. Tarixchi, ritor, ximik, minerolog, rassom va shoir sifatida u hamma sohani chuqur o`rgandi", - degan edi. Lomonosov rus grammatikasini yaratdi va Rossiyada badiiy tilni tarkib toptirdi, bu esa adabiyot, poeziya va san`atning yana ?am o`sishida zo`r ahamiyatga ega bo`ldi. Fanlar akademiyasi qoshidagi universitet va gimnaziyaga boshchilik qilib yurgan paytlarida gimnaziya bilan universitet ishlarining umumiy qoidalarini belgilab berdi, gimnaziyaning o`quv rejasini va universitetning o`quv ishlari tartibini ishlab chiqdi, bu o`quv yurtlarida o`qitish printsiplari va metodlarini ko`rsatib berdi. Lomonosov 1758 yilda "Akademiya gimnaziyasi tartib-qoidalari"ni tuzib bu qoidalarda u o`rta maktablar umumiy ma`lumot beradigan hamda hamma tabaqa bolalari o`qiy oladigan bo`lishi kerak, degan fikrni qattiq himoya qildi.