7-Mavzu. Bolalarni maktab ta’limiga tayyorlashda aqliy rivojlantirishning ahamiyati tayanch tushunchalar

7-Mavzu. BOLALARNI MAKTAB TA’LIMIGA TAYYORLASHDA AQLIY RIVOJLANTIRISHNING AHAMIYATI

Tayanch tushunchalar: didaktik o‘yinlar, jozibali munosabat, elementar tushuncha, o‘simlik va hayvonot olami, atrofdagi olam, ekskursiya, klassifikatsiya, rang, shakl, kattalik

Darsning o‘quv va tarbiyaviy maqsadi: bolalarni maktabga tayyorlash bo‘yicha umumiy tushuncha berish. Talabalarda bola shaxsini maktabgacha yoshdagi bolalar ta’lim-tarbiyasiga qo‘yiladigan Davlat talablariga muvofiq sog‘lom va shakllantirish.

Dars o‘tish vositalari: fan yuzasidan adabiyotlar, ma’ruza matnlari, slaydlar-prezentatsiya, o‘quv qo‘llanmalari, darsliklar, “Ilk qadam” davlat dasturi, davlat talablari va boshqalar.

Dars o‘tish usullari: ma’ruza matnlari bilan tanishtirish, semenar va amaliy mashg‘ulotlar tashkil qilish, keyslar tuzish, aqliy hujum va klaster metodlari
7.1.Maktabgacha yoshdagi bolalarni aqliy tarbiyalashning asosiy vazifalari

Yosh avlodni har tomonlama yetuk shaxs qilib tarbiyalash jamiyat ehtiyojlaridan kelib chiqadigan ob’yektiv zaruratdir. Aqliy tarbiya ijtimoiy tarbiyaning eng muhim jihatlaridan biri. Aqliy tarbiya – bu aqlni rivojlantirish maqsadida yosh avlodga muntazam va maqsad asosida pedagogik ta’sir ko‘rsatishdir. Bolalarning bilimlarni egallab olishlari ularni aqliy faolligini rivojlantirish, aqliy malaka va ko‘nikma egallab olishlari, ularning maktabda muvaffaqiyatli o‘qishlari uchun bo‘lajak mehnat faoliyatiga tayyorlanishda manba bo‘lib xizmat qiladi. Bolalarni maktabga tayyorlashda aqliy tarbiyaning o‘rni katta. Bilimlar zahirasini kengaytirish, aqliy faollikni va mustaqillikni rivojlantirish, maktabda yaxshi o‘qish, keyingi mehnat faoliyatiga tayyorlanishning muhim shartidir.

Bola 6-7 yoshdan maktabga o‘tishi, ularni maktab ta’limiga tayyorlash uchun aqliy rivojlantirish yetarli bo‘lishini ta’minlash tarbiyachidan kata mas’uliyatni talab etadi. Maktabgacha ta’lim yoshida bilim tez sur’atda rivojlanib boradi, boyib boradi. Nutq shaqllanadi, bilish jarayonlari takomillashadi, bola eng oddiy aqliy faoliyat usullarini egallab boradi. Bolalarda aqliy faoliyatni dastlab muomala orqali, so‘ng mashg‘ulotlar, bilim berish orqali amalga oshiriladi.